राजस्थानमधील अलवर जिल्ह्यातील सामाजिक असंवेदनशीलतेचं आणि पोलिस यंत्रणेच्या अपयशाचं भीषण उदाहरण समोर आलं आहे. एका विवाहित महिलेला फसवून कारमध्ये बसवण्यात आलं आणि सात नराधमांनी तिच्यावर एकामागून एक बलात्कार केला. या अमानवी अत्याचारात संपला नाही, तर या नराधमांनी तिला 11 दिवस एका ठिकाणी डांबून ठेवत वारंवार अत्याचार केला.

पीडितेची धडपड – पण न्याय नाही!

पीडित महिला अत्याचारानंतर अत्यंत धैर्याने पोलिस ठाण्यात पोहोचली आणि घटनेची तक्रार दाखल करण्याचा प्रयत्न केला. मात्र, पोलिसांनी तक्रार घेण्यास नकार दिला. “ही तुझी चूक आहे”, “हे खाजगी प्रकरण आहे”, अशा प्रकारच्या अजब आणि बेजबाबदार प्रतिक्रिया देण्यात आल्या.

सामाजिक असंवेदनशीलता आणि पोलिस यंत्रणेचं अपयश

या घटनेमुळे संपूर्ण अलवर जिल्हा हादरला असून स्थानिक नागरिक, महिला संघटना आणि मानवी हक्क कार्यकर्त्यांकडून तीव्र निषेध नोंदवण्यात येत आहे. पोलिसांवर कारवाईची मागणी, आणि दोषींना कठोर शिक्षा देण्याची जोरदार मागणी केली जात आहे.

सरकार आणि प्रशासनाचं मौन चिंताजनक

राज्य सरकार आणि पोलीस प्रशासन या घटनेवर अद्याप मौन बाळगत आहेत. यामुळे पीडितेला न्याय मिळणार की नाही, यावर मोठं प्रश्नचिन्ह निर्माण झालं आहे.

सोशल मीडियावर संतापाची लाट

ही बातमी सोशल मीडियावर पसरताच सामान्य जनतेत प्रचंड संताप व्यक्त होत आहे. “महिलांसाठी सुरक्षित भारत कुठे आहे?”, असा थेट सवाल नागरिक विचारत आहेत.

ही घटना केवळ अलवरपुरती मर्यादित नसून, संपूर्ण देशातील महिला सुरक्षेवरचं एक गडद सावट आहे. अशा प्रकरणांमध्ये त्वरित आणि कठोर कारवाई होणं अत्यावश्यक आहे.