Investment Plan FD News : जर तुम्हाला तुमचे पैसे सुरक्षित ठिकाणी ठेवायचे असतील आणि निश्चित व्याज दर हवा असेल, तर भारतीय गुंतवणूकदारांसाठी अजूनही मुदत ठेवी हाच पसंतीचा पर्याय आहे. एफडीमध्ये गुंतवणूक करायची म्हणलं की, तुमच्या मनात सर्वात आधी विचार येतो की तो कोणती बँक किती व्याज देते. कोणत्या बँकेत अधिक परतावा मिळतो. अनेक बँकांनी अलीकडेच त्यांचे व्याजदर सुधारित केले आहेत. त्यानुसार कोणत्या बँकेत एक वर्षाच्या एफडीवर आकर्षक परतावा मिळतो हे तुम्हाला प्रथम माहिती करून घ्यावे लागेल.

स्टेट बँक ऑफ इंडिया

देशातील सर्वात मोठी सार्वजनिक क्षेत्रातील बँक देखील एक वर्षाच्या एफडीवर 6.25 टक्के (सामान्य) आणि 6.75 टक्के (ज्येष्ठ नागरिक) व्याज देते. 2 ते 3 वर्षांच्या कालावधीच्या एफडीवर 6.45 टक्के आणि 6.95 टक्के परतावा मिळतो.

एचडीएफसी बँक

देशातील सर्वात मोठी खाजगी बँक सामान्य गुंतवणूकदारांसाठी एक वर्षाच्या एफडीवर 6.25% आणि ज्येष्ठ नागरिकांसाठी 6.75% व्याज देते. जर तुम्ही दीर्घकालीन एफडी निवडली तर व्याजदर थोडे चांगले असू शकतात.

आयसीआयसीआय बँक

आयसीआयसीआय बँक एक वर्षाच्या मुदत ठेवींवर 6.25 टक्के (सर्वसाधारण नागरिक) आणि 6.75 टक्के (ज्येष्ठ नागरिक) व्याज देते. जर तुम्ही दोन वर्ष किंवा त्याहून अधिक कालावधीच्या एफडीची निवड केली तर तुम्ही अनुक्रमे 6.60 टक्के आणि 7.10 टक्के पर्यंत परतावा मिळवू शकता.

हे ही वाचा – अमेरिकेतील सुप्रसिद्ध वाहन निर्माता कंपनी फोर्ड मोटर्स पुन्हा भारतात; मोठ्या प्रमाणात करणार गुंतवणूक

युनियन बँक ऑफ इंडिया

युनियन बँक या यादीत थोडी पुढे आहे. ती सामान्य नागरिकांना 6.40 टक्के आणि ज्येष्ठ नागरिकांना 6.90 टक्के व्याज देते. तीन वर्षांच्या कालावधीसाठी व्याजदर 6.60 टक्के आणि 7.10 टक्के पर्यंत वाढतो.

पंजाब नॅशनल बँक

पीएनबीच्या एक वर्षाच्या एफडीवरील व्याजदर 6.25 टक्के (सामान्य) आणि 6.75 टक्के (ज्येष्ठ नागरिक) आहे. जर तुम्ही 390 दिवसांची एफडी निवडली तर तुम्हाला जास्तीत जास्त 7.10 टक्के व्याज मिळू शकते.

कॅनरा बँक

कनरा बँकेच्या एक वर्षाच्या एफडीवर 6.25 टक्के (सामान्य) आणि 6.75 टक्के (ज्येष्ठ नागरिक) व्याजदर मिळतात. बँकेची 444 दिवसांची एफडी योजना सर्वात लोकप्रिय आहे, जी अनुक्रमे 6.50 टक्के आणि 7 टक्के सर्वाधिक परतावा देते.

कोटक महिंद्रा बँक

ही बँक एक वर्षाच्या एफडीवर देखील समान दर देते: सामान्य गुंतवणूकदारांसाठी 6.25 टक्के आणि ज्येष्ठ नागरिकांसाठी 6.75 टक्के बँकेच्या मते, 391 दिवस ते 23 महिन्यांच्या कालावधीसाठी सर्वाधिक व्याजदर दिले जातात.

फेडरल बँक

फेडरल बँकेचे एक वर्षाच्या एफडीचे व्याजदर 6.25 टक्के (सर्वसाधारण नागरिक) आणि 6.75 टक्के (ज्येष्ठ नागरिक) आहेत. तथापि, जर तुम्ही 999 दिवसांच्या एफडीची निवड केली तर बँक 6.70 टक्क्यांपर्यंत जास्त परतावा देते.

गुंतवणूक करण्यापूर्वी का महत्त्वाच्या गोष्टी विचारात घ्या..

एफडीमध्ये गुंतवणूक करण्यापूर्वी, केवळ व्याजदरच नाही तर तुमचा गुंतवणूक कालावधी, कर स्लॅब आणि रोखतेच्या गरजा देखील विचारात घ्या. जर तुम्ही ज्येष्ठ नागरिक असाल तर जवळजवळ प्रत्येक बँक सामान्यपेक्षा 0.50 टक्के जास्त व्याजदर देते. मात्र, काही बँका ऑनलाइन गुंतवणुकीसाठी अतिरिक्त 0.10 टक्के दर वाढ देतात. त्याचा तुम्हाला फायदा मिळू शकतो.