JEE Mains 2025 online registration : जेईई मेन 2026 साठी नोंदणी प्रक्रिया सुरु झाली आहे. राष्ट्रीय चाचणी संस्थेनं (NTA) संयुक्त प्रवेश परीक्षा सत्र 1 साठी नोंदणी सुरु केली आहे. लाखो उमेदवार याची आतुरतेनं वाट पाहत आहेत. उमेदवार एनटीएच्या अधिकृत वेबसाइट, jeemain.nta.nic.in ला भेट देऊन माहिती मिळवू शकतात.

अंतिम तारीख कोणती : ऑनलाइन अर्ज सादर करण्याची प्रक्रिया 31 ऑक्टोबरपासून सुरु झाली आणि 27 नोव्हेंबर 2025 पर्यंत सुरु राहील. शिवाय, एनटीएनं सांगितलं आहे की 27 नोव्हेंबर 2025 पर्यंत क्रेडिट/डेबिट कार्ड/नेट-बँकिंग/यूपीआय द्वारे शुल्क भरता येईल. परीक्षा शहर जानेवारी 2026 च्या पहिल्या आठवड्यात जाहीर केले जाईल. जेईई मेनसाठी अर्ज फक्त ऑनलाइन स्वीकारले जातील.तसंच जेईई मेनसाठी 40 दिवसांचा मोफत क्रॅश कोर्स दिला जाईल, ज्यामध्ये आयआयटी कानपूरमधील तज्ञ तयारी करतील. जेईई मेन्स 2026 दोन वेगवेगळ्या सत्रांमध्ये आयोजित केली जाईल. पहिलं सत्र 21 ते 30 जानेवारी आणि दुसरं सत्र 1 ते 10 एप्रिल 2026 दरम्यान आयोजित केले जाईल. उमेदवारांना पेपर 1 आणि पेपर 2 या दोन परीक्षा द्याव्या लागतील.

नोंदणी कशी करावी :

– नोंदणी करण्यासाठी, प्रथम jeemain.nta.nic.in या अधिकृत वेबसाइटला भेट द्या.
– होमपेजवर, तुम्हाला जेईई मेन्स २०२६ नोंदणी दिसेल; त्यावर क्लिक करा.
– त्यानंतर तुम्हाला अनेक तपशील विचारले जातील.
– माहिती पूर्ण केल्यानंतर आवश्यक कागदपत्रे अपलोड करा.
– ऑनलाइन अर्ज शुल्क भरा आणि अर्ज सबमिट करा.

पेपर 1 आणि पेपर 2 म्हणजे काय? (JEE Mains 2025 online registration)

जेईई मेन्सचा पेपर 1 देशभरातील एनआयटी, आयआयआयटी आणि इतर तांत्रिक संस्था आणि विद्यापीठांमध्ये पदवीधर अभियांत्रिकी कार्यक्रमांमध्ये (बीई/बीटेक) प्रवेशासाठी घेतला जातो, तर पेपर 2 देशभरातील बीएआरच आणि बीप्लॅनिंग सारख्या अभ्यासक्रमांना प्रवेश प्रदान करते. जेईई मेन्स उत्तीर्ण झालेले उमेदवारच आयआयटीमध्ये प्रवेश घेण्यासाठी घेतल्या जाणाऱ्या जेईई अॅडव्हान्स्ड परीक्षेला बसण्यास पात्र असतात