NPS rule changes for investors : नॅशनल पेन्शन सिस्टम, युनिफाइड पेन्शन स्कीम आणि अटल पेन्शन योजना (APY) सारख्या पेन्शन योजनांमधील गुंतवणूकदारांना एक मोठी अपडेट जारी केली गेली आहे. पेन्शन फंडांसाठी सरकारची प्रशासकीय संस्था – पेन्शन फंड रेग्युलेटरी अँड डेव्हलपमेंट अथॉरिटी म्हणजे PFRDA ने नॅशनल पेन्शन सिस्टीम किंवा NPS मध्ये काही क्रांतीक्रती बदल केले आहेत, ज्यामुळे गुंतवणूकदारांसाठी नवीन मार्ग खुले होतील.

एनपीएस सदस्य आता अधिक कस्टमाइज्ड रिटायरमेंट प्लॅन तयार करू शकतील आणि गुंतवणूक पर्यायांच्या विस्तृत श्रेणीचा लाभ घेऊ शकतील. नवीन मास्टर सर्क्युलर इक्विटी, कर्ज, अल्पकालीन साधने आणि संरचित उत्पादनांसाठी नवीन एक्सपोजर मर्यादा निश्चित करते. 10 डिसेंबर रोजी जारी केलेल्या नवीन परिपत्रकात गुंतवणूक मार्गदर्शक तत्त्वे अद्ययावत करण्यात आली आहेत. यानुसार टियर 1 आणि टियर 2 खातेधारक आता इक्विटी, कर्ज, पर्यायी आणि अल्पकालीन साधनांमध्ये गुंतवणूक करू शकतील, ज्यामुळे गुंतवणुकीची विविधता वाढेल.

हेही वाचा – सलग तिसऱ्या दिवशी शेअर बाजार घसरणीसह बंद; ‘या’ शेअर्समुळं गुंतवणूकदारांचं मोठं नुकसान

एनपीएस योजनेच्या सदस्यांना आता नवीन गुंतवणूक पर्याय

या महत्त्वपूर्ण बदलामुळे गुंतवणुकीचे क्षितिज आता पूर्वीपेक्षा खूपच विस्तृत झाले असताना एनपीएस, यूपीएस आणि अटल पेन्शन योजनेसारख्या सरकारी स्कीम्समध्ये वाढीव परतावा मिळण्याची शक्यताही बळकट होईल. पेन्शन योजनांमध्ये वरील सर्व बदल बुधवार, 10 डिसेंबर रोजी पीएफआरडीएने जारी केलेल्या मास्टर सर्क्युलरद्वारे लागू करण्यात आले आहेत.

मालमत्तांमध्ये जास्तीत जास्त 5% गुंतवणूक करू शकतील

नवीन नियमांचे एक प्रमुख वैशिष्ट्य म्हणजे पेन्शन फंड आता गोल्ड-सिल्वर ईटीएफ आणि एआयएफसह इतर मालमत्तांमध्ये जास्तीत जास्त 5% गुंतवणूक करू शकतील. याअंतर्गत, योजनेच्या एयूएमपैकी जास्तीत जास्त 1% सोने ईटीएफ आणि चांदीच्या ईटीएफमध्ये गुंतवता येईल.

आयपीओ/एफपीओमध्ये गुंतवणूक करण्याची सुविधा

एनपीएस योजनेत आता गुंतवणूकदारांना पूर्वीपेक्षा जास्त पर्याय मिळतील. इक्विटी गुंतवणुकीत संपूर्ण निफ्टी 250 आणि निवडक बीएसई 250 स्टॉक तसेच इक्विटी म्युच्युअल फंड, आयपीओ/एफपीओ आणि आरईआयटी, इक्विटी ओरिएंटेड एआयएफ आणि सोने/चांदी ईटीएफ सारख्या मार्केट-लिंक्ड इन्स्ट्रुमेंट्सचा समावेश असून यामध्ये एकूण गुंतवणूक मर्यादा 5% असेल.

कर्ज गुंतवणुकीत देखील महत्त्वपूर्ण बदल

पेन्शन फंड हेजिंगसाठी एक्सचेंज ट्रेडेड डेरिव्हेटिव्ह्ज देखील वापरू शकतील. कर्ज गुंतवणुकीत देखील महत्त्वपूर्ण बदल करण्यात आले असून पेन्शन फंड आता पारंपारिक बाँड आणि बँक ठेवींव्यतिरिक्त REIT/InvIT कर्ज, महानगरपालिका आणि पायाभूत सुविधा रोखे, गृहकर्ज-समर्थित आणि मालमत्ता-समर्थित सिक्युरिटीज, कर्ज-समर्थित एआयएफ आणि बेसल III टियर-। बाँडमध्ये गुंतवणूक करू शकतात.