Tiger Attack Villager : साकोली तालुक्यातील बांपेवाडा शेतशिवारात मोहफुले वेचण्यासाठी (Gathering flowers) गेलेल्या एका गावकऱ्यावर वाघाने हल्ला (Tiger Attack) करून ठार केले. मृत वसंता मेश्राम सुमारास घडली. वसंता गणपत मेश्राम (५५) असे मृताचे (Death of a Villager) नाव असून, ते बांपेवाडा या गावातील रहिवासी आहेत. बांपेवाडा येथील बीट क्रमांक १४३ मध्ये ही घटना घडली.

हेही वाचा – पुण्यात बाणेर पोलिसांची ड्रग्सविरोधात मोठी कारवाई; 2 जण अटकेत, ८.७६ लाखांचा गांजा जप्त

वसंता मेश्राम आपल्या मुलीसह शेतात

सकाळच्या सुमारास वसंता मेश्राम आपल्या मुलीसह मोहफुले वेचण्याकरिता गावापासून काही अंतरावरील शेतशिवारात गेले होते. सकाळी सुमारे १० वाजताच्या सुमारास त्यांनी, मी मागेहून येतो, असे सांगून त्यांनी मुलीला घराकडे परत पाठविले.

त्यानंतर ते टोपले घेऊन मोहफुले वेचण्याच्या कामी गुंतले. दरम्यान, सकाळपासून घरून निघालेले वसंत मेश्राम दुपार झाली तरी घरी न परतल्याने कुटुंबीयांना काळजी वाटली. शंका आल्याने त्यांनी नातेवाईक आणि शेजाऱ्यांना कळविले.

प्रेतच अर्धवट खाल्लेल्या स्थितीत आढळून आले

त्यामुळे मुलीसह नातेवाईक आणि गावकरी ते मोहफुले गोळा करीत असलेल्या झाडापर्यंत पोहोचले. मात्र तिथे टोपले अस्ताव्यस्त पडलेले आणि काही अंतरावर चपलाही दिसल्या. त्यामुळे गावकऱ्यांनी बांपेवाडा ते आमगाव रोडपासून जंगलात अंदाजाने शोध घेतला असता, सुमारे अर्धा किलोमीटर अंतरावर त्यांचे प्रेतच अर्धवट खाल्लेल्या स्थितीत आढळून आले.

गावकऱ्यांनी या घटनेची माहिती वनविभागाला कळविताच अधिकारी आणि पोलिसांचा ताफा घटनास्थळी दाखल झाला. मृताचे शव विच्छेदनासाठी साकोली उपजिल्हा रुग्णालयात पाठविण्यात आले.

अधिकारी घटनास्थळी पोहोचताच उफाळला तणाव

घटनास्थळावरून अंदाजे अर्धा किलोमीटर अंतरापर्यंत मृतदेह फरपटत नेऊन उजव्या पायाचे लचके तोडलेले आढळले. हे दृश्य पाहून गावकरी संतापले. ही वार्ता गावात पसरताच गावकऱ्यांनी घटनास्थळाकडे धाव घेतली. विभागाचे पथक आल्यावर गावकरी आणि त्यांच्यात वादही झाला.

उपजीविकेसाठी तात्काळ मदत जाहीर करण्याची मागणी

मृत वसंता मेश्रम यांच्या पाश्चात आई, पत्नी, चार मुली असा आप्त परिवार असल्याने उपजीविकेसाठी तात्काळ मदत जाहीर करा आणि कुटुंबातील एकाला वनविभागात नोकरी द्या, अशी मागणी सर्वांनी लावून धरली. यामुळे काही काळ तणावाचे वातावरण निर्माण झाले. मदतीचे आश्वासन मिळाल्यानंतर हा तणाव निवळला.

वनविभागाने दिला १० लाखांचा धनादेश

वनविभागाने वसंता मेश्राम यांच्या परिवाराला तत्काळ २० हजार रुपयांची रोख मदत केली. तसेच शासकीय नियमाप्रमाणे २५ लाखांच्या मदतीमधून १० लाख रुपयांचा धनादेश रुग्णालयातच मृताच्या पत्नीकडे सोपविला.