Riteish Deshmukh Bigg Boss Marathi 6 : लवकरच बिग बॉस मराठी सीझन 6 चे टीजर लॉन्च करण्यात आले असून आता हा सीझन होस्ट कोण करणार यावर चर्चा रंगली आहे. या फॅमिली शो ने सर्वाना वेड लावलंय. सर्वजण या सीजनची वाट पाहत असून सर्वांच्या लाडक्या भाईजान सलमान खानाने हिंदी बिगबॉसच्या सेटवर मराठी सीझनच्या होस्ट बद्दल माहिती दिली आहे.
कलर्स मराठीवर बिग बॉस मराठी सिझन 6 सुरु होणार आहे. त्यापूर्वी या सीझनचे टीजर रिलीज करण्यात आले असून या शोची प्रेक्षक आतुरतेने वाट बघत आहे. या शो चे सूत्रसंचालन करणार तरी कोण ? असा सवाल सर्वत्र विचारला जात असून याबाबतच्या अधिकृत घोषणेकडे सर्वांचे लक्ष लागून आहे. परंतु सध्या सुरु असलेल्या बिगबॉस हिंदी मध्ये अभिनेता सलमान खान यांनी बिगबॉस मराठी सिझन 6 चे सूत्रसंचालन तथा होस्टिंग अभिनेता रितेश देशमुख करणार असल्याची माहिती दिली.
सलमान खानने केले रितेश देशमुखचे स्वागत
भाईजान, अभिनेता सलमान खानने या वर्षाची सर्वात मोठी घोषणा करत रितेश देशमुख यांचे बिग बॉस हिंदीच्या मंचावर स्वागत केले. आणि सर्वांसमोर बिगबॉस मराठीच्या नवीन सिझनचे होस्टिंग रितेश देशमुख करणार असल्याचे सांगितले. अशा पद्धतीने रितेश देशमुख यांचे स्वागत होणे आणि ही घोषणा प्रेक्षकांसाठी आनंदाची आणि अभिमानाची बाब होती.
View this post on Instagram
भाऊ तू देशाचा खूप मोठा प्रॉब्लेम सॉल्व्ह केला
बिगबॉस हिंदी संपल्यानंतर एंटरटेंमेन्ट सुरु असणार आहे. कारण लवकरच बिग बॉस मराठी प्रेक्षकांच्या भेटीला येणार आहे, आणि तो घेऊन येणार आहे माझा भाऊ रितेश देशमुख. भाऊ तू देशाचा खूप मोठा प्रॉब्लेम सॉल्व्ह केला आहे, ‘बिग बॉस हिंदी’ संपल्यानंतर प्रेक्षकांच्या मनोरंजनाची जबाबदारी तू घेतली आहे. असे अभिनेता सलमान खानने बिग बॉस हिंदीच्या मंचावर म्हणाला.
View this post on Instagram
आगामी सिझनसाठी शुभेच्छा
बिगबॉस हिंदीच्या मंचावर सलमान खानने रितेश देशमुखचे दबंग स्टाईल मध्ये स्वागत केले. सलमान खानने बिगबॉस सिझन 5 चे कौतुक केले. आणि आगामी सिझनसाठी शुभेच्छा दिल्या. या बिगबॉस मध्ये रितेश देशमुख यांनी सदस्यांसोबत संवाद साधत एका सदस्याचे एलिमेनेशन देखील केले आहे. बिग बॉस मराठी सिझन 6 प्रेक्षकांना कलर्स मराठीवर आणि जिओ हॉटस्टार वर देखील पाहता येणार आहे.
