रायगड जिल्ह्यातील अनेक भागात बिबट्यांचा मुक्त संचार असल्याच्या व्हिडीओ व्हायरल होत आहेत. असाच एक रस्त्यावर बिबट्या वावरत असल्याचा व्हिडीओ तुफान व्हायरल होतोय. हा व्हिडीओ पेण तालुक्यातील जिते उंबर्डे इथला असल्याचे व्हायरल व्हिडीओद्वारे पसरवले जात असल्याने नागरिकांमध्ये भय निर्माण झाले. मात्र, पेणच्या वनपरीक्षेत्र अधिकारी सपना सोनार यांनी हा व्हिडीओ या भागातील नसल्याचे स्पष्ट केले आहे. नागरिकांनी कोणत्याही अफवांवर विश्वास ठेवू नये, वनविभागाला सहकार्य करावे असे आवाहन करण्यात आले आहे.
