India vs South Africa series decider : भारत आणि दक्षिण आफ्रिका क्रिकेट संघातील पाच सामन्यांच्या टी-20 मालिकेतील शेवटचा सामना 19 डिसेंबर रोजी अहमदाबाद येथील नरेंद्र मोदी स्टेडियमवर होणार आहे. या सामन्यात सूर्यकुमार यादव भारतीय संघाचं नेतृत्व करेल, तर एडेन मार्कराम दक्षिण आफ्रिकेच्या संघाचं नेतृत्व करेल. हा सामना भारतीय वेळेनुसार सायंकाळी 7:00 वाजता सुरु होईल.
भारतीय संघ 2-1 नं आघाडीवर :
भारतीय संघ पाच सामन्यांच्या टी-20 मालिकेत 2-1 नं आघाडीवर आहे आणि हा सामना जिंकून मालिका जिंकण्याचं त्यांचे ध्येय आहे. विश्वचषकापूर्वी सहा टी-20 सामने शिल्लक असल्याने, प्रत्येक सामना महत्त्वाचा आहे. दुसरीकडे, दक्षिण आफ्रिकेचा संघ मालिका जिंकू शकणार नाही, परंतु ते मालिका बरोबरीत आणण्याचा प्रयत्न करतील.
हे ही वाचा : दाट धुक्यामुळं भारत-दक्षिण आफ्रिका चौथा सामना रद्द; टी-20 क्रिकेटच्या इतिहासात पहिल्यांदाच घडलं
भारतीय संघात बदल होणार :
या सामन्यासाठी भारताच्या प्लेइंग इलेव्हनमध्ये काही बदल होऊ शकतात. लखनऊमध्ये खेळलेला चौथा टी-20 सामना दाट धुक्यामुळं नाणेफेक न करता रद्द करण्यात आला. पायाच्या दुखापतीमुळं उपकर्णधार शुभमन गिल त्या सामन्यासाठी उपलब्ध नव्हता. मानेच्या दुखापतीतून बरे झाल्यानंतर अलीकडेच संघात परतलेल्या शुभमनसाठी हा मोठा धक्का आहे. चौथ्या आणि पाचव्या टी-20 सामन्यात फक्त एक दिवसाचा अंतर असल्याने, शुभमन गिल अंतिम सामन्यात खेळण्याची शक्यता कमी आहे. शुभमन गिलच्या अनुपस्थितीत, संजू सॅमसनला अंतिम अकरामध्ये स्थान मिळू शकते. सर्वात महत्त्वाचं म्हणजे, तो सलामीच्या भूमिकेत परतू शकतो, जिथं त्याने टी-20 क्रिकेटमध्ये सर्वाधिक यश मिळवलं आहे. आतापर्यंत, संजू सॅमसनला या मालिकेत बेंचवर ठेवण्यात आलं आहे.
Ahmedabad calling ☎️🔥
With the series victory on the line and a 2–1 advantage, Team India step into the decider with one goal, seal it in style. 💥#INDvSA 👉 5th T20I 👉 FRI, 19th DEC, 5:30PM onwards pic.twitter.com/yEkFaM2t7S
— Star Sports (@StarSportsIndia) December 19, 2025
बुमहार खेळणार :
वेगवान गोलंदाज जसप्रीत बुमराह वैयक्तिक कारणांमुळे तिसऱ्या टी-२० सामन्याला मुकला. मात्र, बुमराह पुन्हा संघात सामील झाला आहे आणि लखनऊमध्ये भारतीय खेळाडूंसोबत सराव करताना दिसला. बुमराह अंतिम टी-20 सामन्यासाठी अंतिम अकरामध्ये परतू शकतो. जर बुमराह खेळला तर हर्षित राणाला बाहेर बसावे लागेल. वॉशिंग्टन सुंदर कुलदीप यादवची जागा घेऊ शकतो. दुसरीकडे दक्षिण आफ्रिकेच्या पांढऱ्या चेंडूच्या अंतिम अकरामधील बदल नेहमीच समजणे कठीण राहिले आहेत आणि त्याहूनही अधिक, या बदलांची कारणे. अहमदाबादमधील सामनाही वेगळा नसेल, जिथे दक्षिण आफ्रिका पुन्हा एकदा त्यांच्या संघात आश्चर्यकारक बदल करू शकते.
दोन्ही संघांची संभाव्य प्लेइंग 11 :
भारत : अभिषेक शर्मा, संजू सॅमसन, सूर्यकुमार यादव (कर्णधार), तिलक वर्मा, हार्दिक पांड्या, शिवम दुबे, जितेश शर्मा (यष्टीरक्षक), हर्षित राणा, अर्शदीप सिंग, कुलदीप यादव, वरुण चक्रवर्ती.
दक्षिण आफ्रिका : रीझा हेंड्रिक्स, क्विंटन डी कॉक (यष्टीरक्षक), एडन मार्कराम (कर्णधार), डेवाल्ड ब्रेविस, डेव्हिड मिलर, डोनोव्हन फरेरा, जॉर्ज लिंडे, मार्क जॅन्सन, कॉर्बिन बॉश, लुंगी एनगिडी, ओटानिल बार्टमन.
