कोलंबो : महिला वनडे विश्वचषक 2025 चा 19वा सामना न्यूझीलंड आणि पाकिस्तान महिला क्रिकेट संघात आर. प्रेमदासा स्टेडियमवर खेळवण्यात आला. पावसामुळं हा सामना रद्द करण्यात आला आणि दोन्ही संघांना प्रत्येकी एक गुण देण्यात आलं. या यामुळं दक्षिण आफ्रिकेचं सेमीफायनलमध्ये स्थान निश्चित झालं आहे. ऑस्ट्रेलियानं आधीच सेमीफायनलमध्ये प्रवेश निश्चित केला होता, ज्यामुळं दक्षिण आफ्रिका सेमीफायनलमध्ये पोहोचणारा दुसरा संघ बनला.
पाकिस्तानचा अर्धा संघ पॅव्हेलियनमध्ये :
सामन्याबद्दल बोलायचं झालं तर, न्यूझीलंडनं नाणेफेक जिंकून प्रथम गोलंदाजी करण्याचा निर्णय घेतला. पावसामुळं पाकिस्तानच्या डावात अनेक वेळा व्यत्यय आला, ज्यामुळं सामना थांबवावा लागला. जेव्हा पावसानं पहिल्यांदाच सामन्यात व्यत्यय आणला तेव्हा पाकिस्तानचा स्कोअर 12.2 षटकांत 3 बाद 52 धावा असा होता. दुपारी एक तासापेक्षा जास्त वेळ पाऊस पडल्यानंतर, सामना 46 षटकांपर्यंत कमी करण्यात आला. खेळ पुन्हा सुरु झाला तेव्हा पाकिस्ताननं अधिक विकेट्स गमावल्या आणि धावसंख्या लवकरच पाच बाद 92 अशी घसरली. त्यानंतर पुन्हा पाऊस सुरु झाला.
Two teams are through to the semis at #CWC25, but who will join them?
Check out the State of Play for all eight teams ➡️https://t.co/bCdxHCyN63 pic.twitter.com/5Ecm6WKidQ
— ICC (@ICC) October 18, 2025
न्यूझीलंडचे दोन सामने रद्द :
बराच वेळ वाट पाहिल्यानंतर, पंचांनी सामना पुन्हा सुरु करण्याचा प्रयत्न केला, परंतु सततच्या मुसळधार पावसामुळं अखेर सामना रद्द करण्यात आला आणि दोन्ही संघांमध्ये एक गुण वाटण्यात आला. हे लक्षात घ्यावं की या विश्वचषकात आतापर्यंत पावसामुळं न्यूझीलंडचे दोन सामने रद्द झाले आहेत. सेमीफायनलच्या शर्यतीत राहण्यासाठी न्यूझीलंडसाठी या सामन्यातील एक विजय महत्त्वाचा होता.
हे हि वाचा : कसोटी आणि टी-20 एकत्रित करणारा क्रिकेटचा एक नवा फॉरमॅट; कधी होणार सुरु?
वनडे विश्वचषक 2025 गुणांची स्थिती :
पॉइंट टेबलबद्दल बोलायचं झालं तर, न्यूझीलंड पाच सामन्यांमधून चार गुणांसह पाचव्या स्थानावर आहे, तर पाकिस्तान दोन गुणांसह पॉइंट टेबलमध्ये तळाशी आहे. पाकिस्ताननं या विश्वचषकात आतापर्यंत एकही विजय नोंदवलेला नाही. त्याचप्रमाणे, चार विजय आणि एका पराभवानंतर दक्षिण आफ्रिका उपांत्य फेरीत पोहोचली आहे, आठ गुणांसह दुसऱ्या स्थानावर आहे. ऑस्ट्रेलियानं आधीच नऊ गुणांसह सेमीफायनलमध्ये प्रवेश केला आहे. आता पाकिस्तान 21 ऑक्टोबर रोजी दक्षिण आफ्रिकेशी सामना करेल, तर न्यूझीलंड 23 ऑक्टोबर रोजी भारताशी सामना करेल.
