Central Railway Megablock : मुंबईकरांनो घरातून बाहेर पडण्याआधी एकादा या मेगाब्लाॅकवर नजर टाका, अन्यथा तुमचा दिवस आणि वेळ वेस्ट होईल. उद्या रविवारी मध्य रेल्वेचा मुंबई विभागात मेगाब्लाॅक असणार आहे. त्यामुळे मुंबईकरांनी रेल्वेचे वेळापत्रक पाहूनच घराच्या बाहेर पडण्याचे आवाहन करण्यात येत आहे. मेगाब्लाॅकमुळे मुंबई लोकलचे वेळापत्रक विस्कळीत होणार आहे. त्यामुळे तुमचा वेळ खर्च होण्याची शक्यता आहे. अति महत्त्वाचे काम असेल तरच घराच्या बाहेर पडण्याचा सल्ला दिला जात आहे.

मुलुंड आणि ठाणे सकाळी ११.०० ते सायंकाळी ४.०० वाजेपर्यंत अप आणि डाऊन धीमा मार्ग असणार आहे. छत्रपती शिवाजी महाराज टर्मिनस येथून सकाळी १०.०४ वा. ते दुपारी ३.०९ वाजेपर्यंत सुटणाऱ्या डाऊन धीम्या मार्गावरील लोकल फेऱ्या मुलुंड आणि ठाणे स्थानकांदरम्यान डाऊन जलद मार्गावर वळवल्या जातील. तसेच ठाणे स्थानकावरुन पुन्हा डाऊन धीम्या मार्गावर वळवल्या जातील आणि त्यामुळे या लोकल फेऱ्या त्यांच्या नियोजित वेळेपेक्षा १० मिनिटे उशिरा पोहोचतील.

हेही वाचा – पुणे विद्यापीठात अमोल कोल्हे यांचे व्याख्यान, विद्यार्थी संघटनांचा तीव्र विरोध, वादाची ठिणगी पडली

लोकल ट्रेन नियोजित वेळेपेक्षा १० मिनिटे गंतव्य स्थानकावर उशिराने

कल्याण येथून १०.३६ ते दुपारी ३.२४ पर्यंत सुटणाऱ्या अप धीम्या लोकल ट्रेन ठाणे आणि मुलुंड स्थानकांदरम्यान अप जलद मार्गावर वळवल्या जातील आणि मुलुंड स्थानकावरून पुन्हा अप धीम्या मार्गावर वळवल्या जातील आणि त्यामुळे या लोकल ट्रेन नियोजित वेळेपेक्षा १० मिनिटे गंतव्य स्थानकावर उशिराने पोहोचतील. छत्रपती शिवाजी महाराज टर्मिनस मुंबईहून ११.०० ते सायंकाळी ५.०० वाजेपर्यंत सुटणाऱ्या आणि येणाऱ्या सर्व अप आणि डाऊन धीम्या लोकल गाड्या नियोजित वेळेपेक्षा १० मिनिटे उशिराने गंतव्य स्थानकावर पोहोचतील.

हार्बर मार्ग बंद

पनवेल ते वाशी स्थानकांदरम्यान (पोर्ट लाईन वगळून) सकाळी ११.०५ ते सायंकाळी ४.०५ पर्यंत अप आणि डाऊन मार्ग पनवेल येथून छत्रपती शिवाजी महाराज टर्मिनसला जाणाऱ्या अप हार्बर लाईन लोकल ट्रेन सकाळी १०.३३ वा. ते दुपारी ३.४९ वा. पर्यंत आणि छत्रपती शिवाजी महाराज टर्मिनस येथून बेलापूर-पनवेलला जाणाऱ्या डाऊन हार्बर लाईन फेऱ्या सकाळी ९.४५ वा. ते दुपारी ३.१२ वाजेपर्यंत रद्द राहतील.

ट्रान्स हार्बर मार्ग बंद

पनवेल- ठाणे अप आणि डाऊन पनवेल सकाळी ११.०२ वाजता ते दुपारी १५.५३ वाजेपर्यंत ठाण्याकडे जाणारी अप ट्रान्स-हार्बर लाईन लोकल फेऱ्या आणि ठाण्याहून सकाळी १०.०१ वाजता ते दुपारी १५.२० वाजेपर्यंत पनवेलकडे जाणारी डाऊन ट्रान्स-हार्बर लाईन लोकल फेऱ्या रद्द राहतील.

स्पेशल ट्रेन

ब्लॉक काळात छत्रपती शिवाजी महाराज टर्मिनस मुंबई वाशी विभागात विशेष लोकल गाड्या चालवल्या जातील. ब्लॉक काळात ठाणे-वाशी-नेरुळ स्थानकांदरम्यान ट्रान्स-हार्बर लाईन लोकल फेऱ्या उपलब्ध असतील.