PM Modi G20 South Africa visit: पंतप्रधान नरेंद्र मोदी दक्षिण आफ्रिकेतील जोहान्सबर्ग इथं G-20 शिखर परिषदेत सहभागी होण्यासाठी पोहोचले आहेत. आफ्रिकेच्या भूमीवर होणारी ही पहिली G-20 शिखर परिषद आहे, जिथं भारताच्या अध्यक्षतेखाली आफ्रिकन संघ सदस्य झाला. विमानतळावर दक्षिण आफ्रिकेच्या हवाई दलानं त्यांना लाल कार्पेट सलामी दिली आणि एका सांस्कृतिक पथकानं पारंपारिक नृत्य आणि गाण्याच्या सादरीकरणानं त्यांचं स्वागत केलं. पंतप्रधान मोदींनी जागतिक नेत्यांसोबत विविध जागतिक मुद्द्यांवर उत्पादक चर्चा करण्याची आशा व्यक्त केली.
काय म्हणाले मोदी :
पंतप्रधान नरेंद्र मोदी शुक्रवारी दक्षिण आफ्रिकेतील गौतेंग येथील वॉटरक्लूफ एअर फोर्स बेस (AFB) येथे पोहोचले. दक्षिण आफ्रिकेचे अध्यक्ष खुम्बुडझो न्त्शाव्हेनी यांनी विमानतळावर पंतप्रधान मोदींचं स्वागत केलं. एका सांस्कृतिक पथकानं त्यांचं स्वागत करण्यासाठी पारंपारिक नृत्य आणि गाण्याचं सादरीकरण केलं. सोशल मीडियावर त्यांच्या आगमनाची घोषणा करताना, पंतप्रधान मोदी म्हणाले की ते “प्रमुख जागतिक मुद्द्यांवर जागतिक नेत्यांसोबत उत्पादक चर्चा” करण्यास उत्सुक आहेत. त्यांनी सांगितलं की शिखर परिषदेत भारताचे लक्ष सहकार्य मजबूत करणं, विकासाच्या प्राधान्यांना पुढं नेणं आणि सर्वांसाठी चांगलं भविष्य सुनिश्चित करणं यावर असेल.
गणेश प्रार्थनेनं मुलांनी केलं स्वागत :
पंतप्रधान मोदी हॉटेलमध्ये पोहोचले तेव्हा त्यांचं स्वागत अतिशय खास पद्धतीनं करण्यात आलं. मुलांच्या एका गटानं गणेश प्रार्थनेनं त्यांचं स्वागत केलं. स्थानिक कलाकारांनी बिहार, झारखंड, ओडिशा, पश्चिम बंगाल, आसाम, केरळ, तामिळनाडू, आंध्र प्रदेश, तेलंगणा, महाराष्ट्र, गुजरात आणि राजस्थान यासह विविध भारतीय राज्यांच्या सांस्कृतिक वारशाचं दर्शन घडवणारं पारंपारिक नृत्य सादर केलं.
Here are highlights from the welcome yesterday in Johannesburg…
Looking forward to taking part in the G20 Summit proceedings today. pic.twitter.com/kLbR7Srmg3
— Narendra Modi (@narendramodi) November 22, 2025
अमेरिका आणि चिनच्या अध्यक्षांची उपस्थिती नाही :
पंतप्रधान मोदींनी वैदिक मंत्रांचं पठण करणाऱ्या मुलांशीही संवाद साधला आणि संगीताच्या सादरीकरणाचं कौतुक केलं. त्यांनी भारतीय समुदायाच्या सदस्यांशी हस्तांदोलन केलं, ज्यांनी “मोदी, मोदी” असा जयघोष केला. त्यांनी सांगितलं की ही स्नेह भारत आणि दक्षिण आफ्रिकेतील अतूट बंध प्रतिबिंबित करते. उल्लेखनीय म्हणजे, अमेरिकेचे अध्यक्ष डोनाल्ड ट्रम्प आणि त्यांचे चिनी समकक्ष शी जिनपिंग या वर्षी जी-20 शिखर परिषदेला उपस्थित राहणार नाहीत.
हे ही वाचा : पाकिस्तानमध्ये ग्लू कारखान्यात बॉयलर स्फोट; किमान 15 जणांचा मृत्यू
ऑस्ट्रेलियन पंतप्रधान अँथनी अल्बानीज यांच्याशी भेट :
दक्षिण आफ्रिकेत पोहोचल्यानंतर काही तासांतच पंतप्रधान मोदींनी ऑस्ट्रेलियन पंतप्रधान अँथनी अल्बानीज यांची भेट घेतली. दोन्ही नेत्यांनी द्विपक्षीय आणि परस्पर हिताच्या महत्त्वाच्या मुद्द्यांवर चर्चा केली. अल्बानीज यांनी दिल्लीतील अलिकडच्या दहशतवादी हल्ल्यांबद्दल आणि सौदी अरेबियातील बस अपघाताबद्दल दुःख व्यक्त केलं ज्यामध्ये अनेक भारतीयांचा मृत्यू झाला. भारत आणि ऑस्ट्रेलियाचे संबंध खूप मजबूत आहेत आणि आर्थिक संबंध आणखी दृढ करण्याची आशा त्यांनी व्यक्त केली. संरक्षण आणि सुरक्षा संबंधांमधील प्रगती अत्यंत महत्त्वाची असल्याचंही त्यांनी सांगितलं.
