FSSAI Action: मद्यप्रेमींसाठी महत्त्वाची बातमी समोर आली आहे. Old Monk, Bagpiper, Royal Challenge आणि Antiquity Blueसारख्या काही ब्रँड्सच्या व्हरायटींवर FSSAIने कारवाई केली आहे. नेमकं कारण काय आहे, जाणून घेऊया.
old monk. royal challenge, Antiquity Blue आणि Bagpiper Deluxe यांसारख्या लोकप्रिय मद्य ब्रँड्सशी संबंधित एक महत्त्वाची माहिती समोर आली आहे. भारतीय अन्न सुरक्षा आणि मानक प्राधिकरणाने (FSSAI) काही विशिष्ट उत्पादनांच्या विक्रीवर कारवाई केली आहे.
मिळालेल्या माहितीनुसार, काही मद्य उत्पादनांच्या तपासणीदरम्यान त्यामध्ये चव आणि सुगंध वाढवण्यासाठी अतिरिक्त फ्लेवरचा वापर केल्याचे निदर्शनास आले. हा विचार निर्धारित गुणवत्ता नियमांशी सुसंगत नसल्याचे FSSAIचे म्हणणे आहे.
FSSAIने का घेतली कारवाई? (FSSAI Liquor Action)
FSSAIच्या नियमानुसार, मद्याची चव आणि सुगंध हा नैसर्गिक घटक, कच्चा माल आणि योग्य मॅच्युरेशन प्रक्रियेतून यायला हवा.
मात्र, काही उत्पादनांमध्ये बाहेरून फ्लेवर मिसळल्याचा दावा करण्यात आला आहे. त्यामुळे संबंधित उत्पादनांनी ठरवून दिलेले गुणवत्ता निकष पूर्ण केले आहेत का, याबाबत प्रश्न उपस्थित झाले आहेत.
Position of FSSAI on the use of identical flavours in Alcoholic Beverages pic.twitter.com/Uex8wYv9AL
— FSSAI (@fssaiindia) August 2, 2026
कोणत्या उत्पादनांवर झाला परिणाम?
सध्या ही कारवाई काही ठराविक उत्पादन केंद्रांमध्ये तयार झालेल्या मद्य प्रकारांवर करण्यात आली आहे.
यामध्ये:
Antiquity Blue Whisky आणि Royal Challenge Whisky (मध्य प्रदेशातील उत्पादन युनिट)
Bagpiper Deluxe Whisky आणि Old Cask Deluxe XXX Rum (मध्य प्रदेशातील उत्पादन युनिट)
Old Monkच्या काही व्हरायटी (महाराष्ट्रातील उत्पादन युनिट) यांचा समावेश आहे.
मात्र, ही कारवाई केवळ संबंधित उत्पादन केंद्रांमध्ये तयार झालेल्या बाटल्यांपुरती मर्यादित आहे की देशभर उपलब्ध असलेल्या सर्व उत्पादनांवर लागू आहे, याबाबत अद्याप स्पष्टता नाही.
तपासणीत काय आढळले?
FSSAIच्या माहितीनुसार, काही नमुन्यांमध्ये अतिरिक्त फ्लेवरचा वापर झाल्याचे आढळले.
यामध्ये:
व्हिस्कीमध्ये अतिरिक्त व्हिस्की फ्लेवर
रममध्ये अतिरिक्त रम फ्लेवर
यांसारख्या घटकांच्या वापराबाबत आक्षेप नोंदवण्यात आला आहे.
नियामक संस्थेच्या मते, मद्यनिर्मितीमध्ये नैसर्गिक प्रक्रिया आणि योग्य कालावधीपर्यंत मॅच्युरेशन याला महत्त्व असते. बाहेरील फ्लेवरचा वापर केल्यास उत्पादनाच्या गुणवत्तेवर परिणाम होऊ शकतो.
कंपन्यांकडून अद्याप अधिकृत प्रतिक्रिया नाही
या कारवाईबाबत संबंधित कंपन्यांकडून अद्याप कोणतीही अधिकृत प्रतिक्रिया समोर आलेली नाही. United Spirits, Inbrew Beverages आणि Mohan Rocky Springwater या कंपन्यांकडून या विषयावर अधिकृत स्पष्टीकरण देण्यात आलेले नाही. तसेच FSSAIनेही या कारवाईचा विस्तार किती मोठा असेल, याबाबत सविस्तर माहिती जाहीर केलेली नाही.
सर्व बाटल्यांवर बंदी नाही
या कारवाईचा अर्थ असा नाही की Old Monk, Royal Challenge, Antiquity Blue किंवा Bagpiperच्या सर्व उत्पादनांवर बंदी घालण्यात आली आहे. सध्या ही कारवाई काही विशिष्ट उत्पादन युनिटमध्ये तयार करण्यात आलेल्या विशिष्ट व्हरायटींशी संबंधित आहे. FSSAIकडून पुढील माहिती किंवा स्पष्टीकरण आल्यानंतर परिस्थिती आणखी स्पष्ट होईल.
