Car Tyre Pressure in Winter: हिवाळ्यात तापमान घटल्यामुळे कारच्या टायरमधील हवेचा दाब कमी होऊ शकतो. त्यामुळे सुरक्षित ड्रायव्हिंगसाठी टायरमध्ये किती हवा असावी, प्रेशर कधी तपासावे आणि कमी-जास्त हवा असल्यास काय परिणाम होतात, जाणून घेऊया.
Car Tyre Pressure in Winter: हिवाळा सुरू होताच तापमानात घट (Winter Tyre Pressure) होते त्याचा परिणाम कारच्या टायरवरही होतो. थंडी वाढल्याने टायरमधील हवेचा दाब काही प्रमाणात कमी होऊ शकतो. त्यामुळे हिवाळ्यात कारच्या टायरचा प्रेशर वेळोवेळी तपासणे अत्यंत महत्वाचे आहे.
मात्र, थंडीच्या दिवसांत टायरमध्ये नेमकी किती हवा भरायची, याचे उत्तर प्रत्येक कारसाठी वेगळे असते. त्यामुळे केवळ अंदाजाने किंवा इतर कारच्या टायर प्रेशरनुसार हवा भरणे टाळावे चला तर जाणून घेऊयात.
प्रत्येक कारसाठी PSI वेगळा असतो (Tyre Pressure PSI)
कारच्या टायरसाठी योग्य हवा किती (Tyre Pressure Tips) असावी, हे वाहनाच्या मॉडेल, टायरचा आकार आणि कारवर असलेल्या वजनानुसार ठरते. कार उत्पादकाने दिलेला शिफारस केलेला प्रेशर तुम्हाला कारच्या ड्रायव्हर साइडच्या दरवाजाजवळील स्टिकरवर किंवा ओनर मॅन्युअलमध्ये सहज मिळू शकतो. एक महत्त्वाची गोष्ट म्हणजे टायरच्या बाजूला लिहिलेला Maximum PSI हा तुमच्या कारसाठी रोज वापरायचा शिफारस केलेला प्रेशर नसतो. त्यामुळे त्या आकड्याला आधार मानून टायरमध्ये (Automotive Tips हवा भरू नये.
थंडीचा टायरच्या हवेवर कसा परिणाम होतो?
तापमान कमी झाल्यावर टायरच्या आत असलेल्या हवेचा दाबही कमी होतो. परिणामी, उन्हाळ्यात योग्य असलेला प्रेशर हिवाळ्यात थोडा कमी दिसू शकतो.
तापमानात घट झाल्यानंतर टायर प्रेशरमध्ये काही प्रमाणात बदल होणे ही सामान्य बाब आहे. काही वाहन उत्पादकांच्या माहितीनुसार, तापमानात साधारण 7°C बदल झाल्यास टायर प्रेशरमध्ये सुमारे 1 PSI चा फरक पडू शकतो. मात्र, हा बदल प्रत्येक परिस्थितीत सारखाच असेल असे नाही. त्यामुळे ‘हिवाळा म्हणजे जास्त हवा’ असा नियम लक्षात ठेवण्यापेक्षा वाहन उत्पादकाने दिलेला प्रेशर तपासणे अधिक योग्य आहे.
32 PSI असेल तर हिवाळ्यातही 32 PSIच
समजा तुमच्या कारसाठी उत्पादकाने cold tyre pressure 32 PSI सांगितला आहे. तर हिवाळ्यात टायर थंड असताना प्रेशर 32 PSI ठेवणे योग्य आहे.
काही कारमध्ये पुढील आणि मागील टायरसाठी वेगवेगळे PSI दिलेले असतात. अशावेळी चारही टायरमध्ये एकसारखी हवा भरू नका. कारच्या स्टिकरवर दिलेल्या निर्देशांनुसार पुढील आणि मागील टायरचा प्रेशर वेगळा ठेवा.
भारतात अनेक वाहनांमध्ये 30 ते 35 PSIच्या आसपास प्रेशर आढळू शकते. मात्र, हा फक्त सामान्य अंदाज आहे; तो तुमच्या कारसाठी योग्य असेलच असे नाही.
हवा कधी तपासायची?
टायर प्रेशर तपासताना सर्वात महत्त्वाची गोष्ट म्हणजे टायर थंड असणे. ( LS Marathi News Channel )
कार सलग काही तास उभी राहिल्यानंतर किंवा प्रवास सुरू करण्यापूर्वी सकाळी टायर प्रेशर तपासणे अधिक योग्य ठरते.
कार चालवल्यानंतर टायर गरम होतात आणि त्यामुळे त्यांच्या आतल्या हवेचा दाब वाढतो. त्यामुळे गरम टायरमध्ये प्रेशर तपासून लगेच हवा कमी करणे योग्य नाही.
लांब प्रवासापूर्वी चारही टायर तपासण्यासोबतच स्पेअर टायरची स्थिती आणि हवा देखील तपासा.
कमी हवा असेल तर काय होते?
टायरमध्ये कमी हवा असल्यास कारच्या ड्रायव्हिंगवर परिणाम होऊ शकतो. टायर अधिक गरम होण्याची शक्यता असते आणि त्याची झीज असमान पद्धतीने होऊ शकते.
याशिवाय, कारची इंधन कार्यक्षमता कमी होण्याची शक्यता असते. त्यामुळे टायरमध्ये हवा कमी असल्याचे दिसल्यास ते शक्य तितक्या लवकर योग्य पातळीवर आणणे गरजेचे आहे.
जास्त हवा भरल्यानेही फायदा नाही
काहीजण थंडीच्या काळात टायरमध्ये जास्त हवा भरतात. मात्र, जास्त PSI ठेवणेही सुरक्षित पर्याय नाही.
अतिरिक्त हवेचा दाब असल्यास कारचा प्रवास अधिक कठीण जाणवू शकतो आणि टायरच्या मध्यभागाची झीज तुलनेने जास्त होऊ शकते.
म्हणून कमी हवा धोकादायक आणि जास्त हवा चांगली, असे समीकरणही चुकीचे आहे. योग्य पर्याय म्हणजे कार कंपनीने सुचवलेला प्रेशर कायम ठेवणे.
एका टायरची हवा वारंवार कमी होतेय? दुर्लक्ष करू नका!
चारही टायरमध्ये योग्य हवा भरल्यानंतरही एखाद्या एका टायरचा प्रेशर पुन्हा पुन्हा कमी होत असेल, तर त्यामागे पंक्चर, व्हॉल्व्हची समस्या किंवा हवेची गळती असण्याची शक्यता आहे.
अशावेळी केवळ हवा भरून कार चालवत राहण्याऐवजी टायर तज्ज्ञाकडून त्याची तपासणी करून घेणे योग्य ठरेल.
लक्षात ठेवा
हिवाळ्यात टायरमध्ये अंदाजाने अतिरिक्त हवा भरू नका. कार उत्पादकाने दिलेला cold tyre pressure तपासा, टायर थंड असताना PSI मोजा आणि त्याच शिफारस केलेल्या पातळीवर हवा ठेवा. यामुळे कारची सुरक्षितता, टायरचे आयुष्य आणि ड्रायव्हिंगचा अनुभव अधिक चांगला ठेवण्यास मदत होईल.
