Rashmika Mandanna And Vijay Deverkonda Wedding |दाक्षिणात्य सेनिसृष्टीतील लोकप्रिय जोडी रश्मिका मंदाना (Rashmika Mandanna) आणि विजय देवरकोंडा (Vijay Deverkonda) यांनी लग्नगाठ बांधली आहे. त्यांनी आज सकाळी उदयपूरमध्ये हिंदू परंपरेनुसार लग्न केलं. वैदिक मंत्र आणि वाद्यांच्या गजरात दोघांनी लग्नगाठ बांधली. या खास लग्नसोहळ्याला विजय-रश्मिकाचे कुटुंबीय आणि काही मोजके पाहुणे उपस्थित होते.

हेही वाचा – सुशांतच्या मुद्यावर एवढा गदारोळ केला, मग अजित पवारांचं काय? रोहित पवारांचा संतप्त सवाल

हा लग्नसोहळा पार पडल्यानंतर विजय आणि रश्मिका पुन्हा एकदा लग्न करणार आहेत. ते दोघं दुपारी 4.30 वाजता कोडाव परंपरेनुसार पुन्हा एकदा लग्न करणार आहेत. तसेच या दोघांच्या लग्नसोहळ्याचे फोचो अद्याप समोर आलेले नाहीयेत. मात्र, त्यांच्या हळदीचे काही फोटो स्वत: विजय आणि रश्मिकाने इन्स्टाग्राम स्टोरीमध्ये शेअर केले आहेत.

कुठे पार पडलं रश्मिका-विजयचं लग्न?

रश्मिका आणि विजयचा हा खास लग्नसोहळा उदयपूरमधील अरावलीमध्ये आयटीसी हॉटेल्स द मोमेंटोसमध्ये पार पडला. विशेष म्हणजे त्यांनी या लग्नसोहळ्याला ‘वेडिंग ऑफ VIROSH’ असं नाव दिलं आहे. तसेच विजय आणि रश्मिका लग्नबंधनात अडकल्यानंतर त्यांच्या चाहत्यांमध्ये आनंदाचे वातावरण असून चाहत्यांनी त्यांच्यावर सोशल मीडियावरून मोठ्या प्रमाणात शुभेच्छांचा वर्षाव केला आहे.

दरम्यान, विजय आणि रश्मिकाने आत्तापर्यंत अनेक चित्रपटांमध्ये एकत्र काम केलं आहे. त्यांनी ‘डिअर कॉम्रेड’, ‘गीता गोविंदम’ यांसारख्या अनेक चित्रपटांमध्ये एकत्र काम केलं आहे. विशेष म्हणजे ‘गीता गोविंदम’ या चित्रपटाच्या शूटिंगदरम्यान विजय आणि रश्मिका एकमेकांच्या प्रेमात पडले होते. त्यानंतर ते दोघे एकमेकांना गुपचूप डेट करत होते. तर आता अखेर या दोघांनी चाहत्यांना आनंदाची बातमी देत एकमेकांसोबत लग्नगाठ बांधली आहे.