Blinkit 10 minute delivery ban : आजकाल ऑनलाईन शॉपिंगला प्राधान्य दिले जाते. त्यानुसार अनेक ऍप्लिकेशनच्या माध्यमातून घरबसल्या ग्राहक शॉपिंग करत असतात. जसे कि फ्लिपकार्ट, मिशो, मिंत्रा आणि असे बरेच ऑनलाईन शॉपिंग ऍप्स आहे. याशिवाय तुम्हाला किराणा सामान किंवा काही वस्तू 10 मिनिटांच्या आत हव्या असतील तर ब्लिंकिट, स्वीगी सारखे अनेक ऑनलाईन एप्लिकेशन उपलब्ध आहे. जेणेकरून काही मिनिटात तुम्हाला तुमची ऑर्डर डिलिव्हरी केली जाते. परंतु आता सरकारकडून ही 10 मिनिटात डिलिव्हरी स्कीम बंद करण्यात येणार आहे.
गेल्या काही महिन्यांपासून गिग वर्कसचा संप सुरु आहे. या संपाच्या पार्श्वभूमीवर ऑनलाईन प्लॅटफॉर्मवर असलेले 10 मिनिटांत डिलिव्हरी हा पर्याय तात्काळ हटवण्याची मागणी केली होती. त्यानुषंगाने आता ऑनलाईन डिलिव्हरी अँप ब्लिंकिटने त्यांच्या वेबसाइटवरून हा पर्याय हटवल्याचे निदर्शनास आले आहे. तर गिग वर्कर्स युनियनच्या अध्यक्षांनी देखील हि मागणी मान्य करत कारवाई केली आहे. 10 मिनिटात डिलिव्हरी हा पर्याय कामगारांच्या सुरक्षिततेसाठी धोकादायक आहे. यामुळे गिग वर्कर्सवर ताण निर्माण होतो.
हे ही वाचा : सलग पाच दिवसांच्या घसरणीनंतर अखेर बाजारात तेजी; सेन्सेक्स 302 तर निफ्टी 107 अंकांनी वधारला
…अन्यथा आंदोलन तीव्र करण्याचा इशारा
काही महिन्यांपासून सुरु असलेल्या या आंदोलनात युनियनने गंभीर आरोप लगावले आहे. 10 मिनिटांच्या आत डिलिव्हरी करणे हे सुरक्षिततेच्या दृष्टीने धोकादायक असून यामुळे गिग वर्कर्सचा अपघात होण्याचे चान्सेस जास्त आहे. कारण 10 मिनिटांच्या आत डिलिव्हरी पोहोचवणे भाग असल्यामुळे वेगमर्यादा तोडून डिलिव्हरी करणे भाग असते. कामगारांच्या हक्कासाठी होणाऱ्या संपापूर्वी युनियनने सरकार आणि संबंधित कंपन्यांना इशारा देण्यात आला असून कामगारांची सुरक्षितता, न्याय वेतन, कामाचे योग्य तास या सर्वांवर तातडीने निर्णय घेण्याची मागणी युनियनच्या माध्यमातून करण्यात आली आहे. अन्यथा हे आंदोलन तीव्र होण्याची शक्यता असून तसा इशारा या युनियनने दिला आहे.
ब्लिंकिटसह अनेक कंपन्यांनी हटवला दावा
ऑनलाईन बाजारपेठेत 10 मिनिटात डिलिव्हरी या जाहिरातबाजीला आता लगाम घातला असून या आंदोलनाची दाखल आता केंद्र सरकारने घेतल्याचे दिसत आहे. याबाबत केंद्रीय श्रम मंत्री मनसुख मांडविया यांनी याप्रकरणात पुढाकार घेतला आहे. आणि ऑनलाईन कंपन्यांना याबाबत कडक निर्देश देण्यात आले आहे. एवढेच नाही तर आता ब्लिंकिट या ऑनलाईन डिलिव्हरी कंपनीसह अनेक कंपन्यांनी त्यांच्या प्लॅटफॉर्मवरून 10 मिनिटात सामान घरपोच पोहोचवण्याचा दावा हटवला आहे.
