How many trains run daily in India : जेव्हा जेव्हा आपण भारतीय रेल्वेच्या विशालतेबद्दल बोलतो तेव्हा हे जगातील सर्वात व्यस्त आणि मोठ्या रेल्वे नेटवर्कपैकी एक आहे असं म्हणणं योग्य आहे. पण तुम्हाला माहिती आहे का की भारतात दररोज किती गाड्या रुळांवर धावतात? या प्रश्नाचं उत्तर ऐकून तुम्हाला आश्चर्य वाटेल. केंद्रीय रेल्वे मंत्री अश्विनी वैष्णव यांनी लोकसभेत नवीनतम आकडेवारी सांगितली, जी दर्शवते की भारतीय रेल्वे किती वेगानं आपल्या सेवांचा विस्तार करत आहे.
दररोज किती गाड्या धावतात? :
रेल्वेमंत्र्यांनी संसदेत सांगितल्याप्रमाणे नोव्हेंबर 2025 पर्यंत, भारतीय रेल्वे नेटवर्कवर दररोज सरासरी 11,740 गाड्या धावत आहेत. ही संख्या कोविड-19 पूर्वीच्या आकडेवारीपेक्षा लक्षणीयरीत्या जास्त आहे, जेव्हा 11,283 गाड्या दररोज धावत होत्या. यापैकी 2238 मेल/एक्सप्रेस गाड्या दररोज धावत आहेत, तर कोविड-19 पूर्वी फक्त 1768 होत्या. याचा अर्थ असा की साथीच्या आजारानंतर रेल्वेनं आपल्या सेवा विक्रमी पातळीवर वाढवल्या आहेत.
Speaking on India’s mega station redevelopment program in the Lok Sabha, Union Railway Minister Ashwini Vaishnaw says, “The development of stations while the traffic is going on is a very, very complex task because we have to look at the safety of the passengers, we have to look… pic.twitter.com/mfXk9zk1sG
— ANI (@ANI) December 10, 2025
वेळापत्रकात वैज्ञानिक सुधारणा :
रेल्वे मंत्री वैष्णव यांनी सांगितलं की, आयआयटी मुंबईच्या मदतीनं रेल्वेनं ट्रेनच्या वेळापत्रकात अनेक महत्त्वपूर्ण बदल केले आहेत.
– गाड्यांची संख्या आणि त्यांचे थांबे वैज्ञानिकदृष्ट्या समायोजित केले आहेत.
– व्यत्यय कमी करण्यासाठी विशिष्ट देखभाल वेळा निश्चित करण्यात आल्या आहेत.
– गाड्यांचा वेग वाढवण्यासाठी काम करण्यात आले आहे.
– वेळेवर येण्याकडे देखील अधिक लक्ष देण्यात आले आहे.
हे ही वाचा : राज्यात पुढचे दोन दिवस थंडीच थंडी, या जिल्ह्यांत पडणार सर्वाधिक थंडी
हे सर्व बदल प्रवाशांना सुरक्षित, जलद आणि अधिक वेळेवर प्रवास करण्याचा अनुभव देण्यासाठी आहेत. नोव्हेंबर 2021 पासून एक्सप्रेस गाड्या या नवीन आणि अचूक वेळापत्रकानुसार चालवल्या जात आहेत.
देशभरात 164 वंदे भारत गाड्या :
रेल्वेमंत्र्यांनी सांगितलं की, भारतीय रेल्वे नेटवर्कवर सध्या 164 वंदे भारत गाड्या कार्यरत आहेत. शिवाय, वंदे भारत ट्रेनची स्लीपर आवृत्ती स्वदेशी पद्धतीनं डिझाइन करण्यात आली आहे. दोन रेक तयार आहेत आणि लवकरच चाचण्या पूर्ण होतील. यामुळं रात्रीच्या प्रवासाचा अनुभव बदलण्याची अपेक्षा आहे.
हरिद्वार-डेहराडूनची कनेक्टिव्हिटी चांगली :
दुसऱ्या प्रश्नाला उत्तर देताना, वैष्णव म्हणाले की हरिद्वारहून 88 आणि देहराडूनहून 36 गाड्या धावतात. हरिद्वार आणि देहराडूनहून वाराणसी, गया, पुरी, पटना आणि कोलकाता यासारख्या प्रमुख शहरांना नियमित रेल्वे कनेक्शन उपलब्ध आहेत. याव्यतिरिक्त, सण, सुट्ट्या आणि धार्मिक कार्यक्रमांमध्ये विशेष गाड्या चालवल्या जातात ज्यामुळं वाहतूक वाढते.
