HSRP number plate penalty : राज्य परिवहन विभागाने महाराष्ट्रातील वाहनधारकांना उच्च सुरक्षा नोंदणी प्लेट म्हणजेच HSRP बसवण्यासाठी अंतिम मुदत दिली होती. आता ही अंतिम मुदत संपली 31 डिसेंबर रोजी संपली असून परिवहन विभागाने आता कडक कारवाई करण्यास सुरुवात केली आहे.
महाराष्ट्रातील वाहनधारकांना उच्च सुरक्षा प्लेट HSRP बसवण्यासाठी मुदतवाढ देऊन देखील अनेक वाहनधारकांनी HSRP नंबर प्लेट बसवलेली नाही. 31 डिसेंबर ही नंबर प्लेट बसवण्याची मुदत उलुटन गेल्याने आता आरटीओ (RTO) प्रशासनाने कारवाई करण्याचे आदेश दिले आहेत. त्यानुषंगाने आता परिवहन विभागाने कारवाई करण्याचे आदेश दिले आहे.
5 वेळेस दिली मुदतवाढ
आतापर्यंत राज्य परिवहन विभागाने 5 वेळेस मुदतवाढ दिली होती. त्यापैकी पहिली मुदत 31 मार्च 2025, दुसरी मुदत 30 जून 2025, तिसरी मुदत 15 ऑगस्ट 2025, चौथी मुदत 30 नोव्हेंबर 2025 आणि अंतिम मुदत 31 डिसेंबर 2025 पर्यंत दिली होती. परंतु हि अंतिम मुदत संपून 5 दिवस उलटले आहे. आता 2026 वर्षाच्या सुरुवातीला ज्या वाहनांवर नवीन नंबर प्लेट नसेल, त्यांच्यावर दंडात्मक कारवाई केली जाणार आहे.
हे ही वाचा : बाळासाहेब सरवदे हत्या प्रकरणाचा निषेध; महाविकास आघाडीचे मुक आंदोलन, भाजपवर गंभीर आरोप
होणार दंडात्मक कारवाई
राज्य परिवहन मंडळाने नियमांचे उल्लंघन करणाऱ्या वाहनधारकांवर दंडात्मक कारवाई करणार आहे. त्यानुसार प्रथम उल्लंघन करणाऱ्या वाहनधारकांना 1000 रुपयांची रक्कम भरावी लागणार आहे. तर दुसऱ्यांदा उल्लंघन केल्यास 5000 ते 10000 रुपयांची रक्कम भरावी लागेल. वाहनांची चोरी रोखण्यासाठी HSRP नंबरप्लेट महत्वाची आहे.
दंडात्मक कारवाई टाळण्यासाठी काय कराल
तुम्हाला ही कारवाई टाळायची असल्यास सर्वप्रथम राज्य परिवहन विभागाच्या अधिकृत पोर्टल transport.maharashtra.gov.in यावर भेट द्या. त्यानंतर तुमच्या वाहनाची माहिती भरून ऑनलाइन नोंदणी करा. तुम्ही नोंदणी केल्यानंतर तुम्हाला मिळणारी ऑनलाइन पावती तुमच्याकडे जपून ठेवा. आणि जर रस्त्यावर वाहतूक पोलिसांनी तुम्हाला अडवले आणि तुमच्याकडे ही पावती असेल, तर तुमच्यावर कोणतीही दंडात्मक कारवाई करण्यात येणार नाही.
