Dharmendra ashes immersion : बॉलिवूडचे ज्येष्ठ अभिनेते, सुपरस्टार धर्मेंद्र यांचे 24 नोव्हेंबर रोजी ब्रीच कँडी रुग्णालयात निधन झाले. त्यांनी 89 व्या वर्षी अखेरचा स्वास घेतला. बुधवारी त्यांचे अस्थी विसर्जन करण्यात आले. त्यांच्या जाण्याने हिंदी चित्रपटसृष्टीत मोठी पोकळी निर्माण झाली आहे. बॉलिवूड मध्ये त्यांच्या जाण्याने हळहळ व्यक्त करण्यात येत आहे. त्यांचे बुधवारी अस्थी विसर्जन कार्यक्रम पार पडला.
कोणी केले अस्थी विसर्जन
उत्तराखंड, हरिद्वार येथील हार की पैरी या घाटावर बुधवारी अस्थी विसर्जनाचा कार्यक्रम पार पडला. यावेळी अस्थी विसर्जन ना बॉबी देओल नाही सनी देओल यांनी केले. तर त्यांचे अस्थी विसर्जन धर्मेंद्र यांचे नातू करण देओल यांनी केल्याची माहिती रोहित त्रयस्थ यांनी ANI शी बोलताना दिली. ते ANI सोबत बोलताना म्हणाले कि, काही कारणाने सनी देओल आणि बॉबी देओल अस्थी विसर्जन कार्यक्रमात येऊ शकले नाही. त्यामुळे धर्मेंद्र यांच्या नातूने हा विधी पार पाडला. त्यानंतर पिंडदान हा विधी देखील करण्यात आला. यावेळी धर्मेंद्र यांचा संपूर्ण परिवार उपस्थित होता.
#WATCH | Haridwar, Uttarakhand | On Actor Dharmendra’s ashes immersion, Priest Rohit Shrotriya says, “Yesterday their family members came here… They wanted to immerse the ashes at Har Ki Pauri, but for some reason, Sunny Deol and Bobby Deol could not go, and Dharmendra ji’s… pic.twitter.com/8eorly75l1
— ANI (@ANI) December 3, 2025
या कारणाने सनी देओल यांनी केले नाही अस्थी विसर्जन
हे अस्थी विसर्जन सनी देओल यांना करण्याची इच्छा होती. परंतु त्यांनी अस्थी विसर्जन केले असते तर प्रचंड गर्दी जमा झाली असती. त्यामुळे धर्मेंद्र यांचे नातू आणि सनी देओल यांचे चिरंजीव यांनी अस्थी विसर्जन पार पाडले.
हे ही वाचा : धर्मेंद्र यांच्या अंत्यसंस्काराची घाई का केली? हेमा मालिनी यांनी पहिल्यांदाच सोडलं मौन
ही–मॅन म्हणून ओळख निर्माण केलेले धर्मेंद्र यांच्या पश्चात त्यांची पहिली पत्नी प्रकाश कौर, दुसरी पत्नी हेमा मालिनी, यासह सहा मुले आहे. काही काळापासून धर्मेंद्र आजारी होते. त्यांची 10 नोव्हेंबर रोजी अचानक तब्येत खराब झाली होती. त्यावेळी त्यांना ब्रीच कँडी रुग्णालयात दाखल करण्यात आले होते. त्यानंतर त्यांना पुढील उपचारासाठी डिस्चार्ज देण्यात आला होता. त्यानंतर 24 नोव्हेंबर रोजी त्यांची प्राणज्योत मालवली.
27 नोव्हेंबर रोजी मुंबई येथील ताज लँड्स एन्ड याठिकाणी सेलिब्रेशन ऑफ लाईफ या प्रार्थना सभेचे आयोजन करण्यात आले होते. या कार्यक्रमावेळी सनी देओल, बॉबी देओल, करण देओल, यांनी सर्व उपस्थितांचे आभार मानले होते. या प्रार्थना सभेत धर्मेंद्र यांना श्रद्धांजली अर्पण करण्यात आली.
