Shinde big blow ahead of elections : सध्या राज्यात निवडणुकींची रणधुमाळी सुरू आहे. त्या पार्श्वभूमीवर राजकीय कार्यकर्ते खांदेपालट करताना दिसत आहेत. उपमुख्यमंत्री आणि शिवसेनेचे मुख्यनेते एकनाथ शिंदे हे दररोज वेगवेगळ्या ठिकाणांना भेट देत आहेत. अशातच आता एकनाथ शिंदे यांनी नवी मुंबईत शिवसेना ठाकरे गट, मनसे, भाजप आणि काँग्रेच अशा सर्व पक्षांना मोठा धक्का दिला आहे. नेरूळ विभागातील असंख्य पदाधिकाऱ्यांनी शिवसेनेचा झेंडा हाती घेतला आहे. त्यामुळे आगामी निवडणुकीपूर्वी शिवसेनेची ताकद वाढली आहे.

हेही वाचा – पुण्यात आणखी एक जमीन घोटाळा, राष्ट्रवादीच्या कार्यालयाबद्दल मोठा गौप्यस्फोट

उपमुख्यमंत्री एकनाथ शिंदे यांनी सोशल मीडियावर पोस्ट करत या पक्ष प्रवेशाची माहिती दिली आहे. त्यांनी म्हटले की, नवी मुंबई महानगरपालिका क्षेत्रातील नेरूळ विभागातील उबाठा गट, महाराष्ट्र नवनिर्माण सेना आणि भाजपा पदाधिकाऱ्यांनी तसेच मुंबई शहरातील धारावी विभागातील राष्ट्रीय काँग्रेस आणि महाराष्ट्र नवनिर्माण सेनेच्या विविध पदाधिकाऱ्यांनीही आज शिवसेना पक्षात जाहीर प्रवेश केला.

📍 ठाणे |#नवीमुंबई महानगरपालिका क्षेत्रातील #नेरूळ विभागातील उबाठा गट, महाराष्ट्र नवनिर्माण सेना आणि भाजपा पदाधिकाऱ्यांनी तसेच #मुंबई शहरातील #धारावी विभागातील राष्ट्रीय काँग्रेस आणि महाराष्ट्र नवनिर्माण सेनेच्या विविध पदाधिकाऱ्यांनीही आज #शिवसेना पक्षात जाहीर प्रवेश केला.… pic.twitter.com/jz1rtuxQt1

— Eknath Shinde – एकनाथ शिंदे (@mieknathshinde) January 4, 2026

ठाकरे बंधु भाजप आणि काँग्रेच अशा सर्व पक्षांना धक्का

शिवसेनेत प्रवेश करणाऱ्या कार्यकर्त्यांमध्ये नवी मुंबईतील भाजप उपाध्यक्ष राजू तिकोने, नेरूळचे महामंत्री शशिकांत मोरे, वॉर्ड अध्यक्ष भरत म्हात्रे, नेरूळ भाजपा उपाध्यक्ष सोनपा घोलप, उबाठा गटाचे माजी शाखाप्रमुख प्रतापसिंह विसाळ, माजी विभागप्रमुख सुनील हुंडारे, मनसेचे विभाग अध्यक्ष नितीन नायकडे, युवा सचिव ऋषिकेश भुजबळ, तालुका सचिव अक्षय शिरगावकर, वॉर्ड अध्यक्ष सुजित भोर, सागर जोगाडिया, आशिष कदम, गुरुदास गर्जे, अमित पवार आणि असंख्य कार्यकर्त्यांचा समावेश होता.

काँग्रेसला एकनाथ शिंदेंचा मोठा धक्का

धारावी काँग्रेसचे दक्षिण मुंबई जिल्हा उपाध्यक्ष शिवलिंग व्हटकर, मुंबई युवक काँग्रेसचे महासचिव विकी व्हटकर, धारावी विधानसभा उपमुख्य समन्वयक विनायक पोळ, ब्लॉक अध्यक्ष सुरेश मोगला, जयेश मुदलीयार, रोशन शेख, महेश तावरे आणि असंख्य कार्यकर्त्यांनी शिवसेनेत प्रवेश केला. तर मनसेच्या विभाग सचिव सविता बोबडे, दीपक नारायणे, राजेश कुमार पारयार, धनाशेखर पारयार, सुरेश बेडगिरी यांनीही शिवसेनेचा झेंडा हाती घेतला. या पक्षप्रवेशावेळी खासदार नरेश म्हस्के आणि माजी नगरसेवक नामदेव भगत, काशीनाथ पवार तसेच शिवसेनेचे धारावी आणि नवी मुंबईतील स्थानिक पदाधिकारी उपस्थित होते.