Pm modi attack on congress vande mataram : पंतप्रधान मोदींनी लोकसभेत वंदे मातरम दीडशे वर्ष झाल्याच्या निमित्तानं चर्चा सुरु केली. ते म्हणाले, “या चर्चेत सत्ताधारी पक्ष किंवा विरोधी पक्ष नाही. या सभागृहात आपल्या सर्वांसाठी वंदे मातरम, देशाच्या स्वातंत्र्य चळवळीला ऊर्जा देणारा आणि प्रेरणा देणारा आणि त्याग आणि तपश्चर्येचा मार्ग दाखवणारा मंत्र, घोषवाक्य, वंदे मातरमचं स्मरण करणे हा एक मोठा भाग्य आहे. वंदे मातरमला 150 वर्षे पूर्ण होत आहेत आणि आपण सर्वजण या ऐतिहासिक प्रसंगाचे साक्षीदार आहोत हे आपल्या सर्वांसाठी अभिमानाची गोष्ट आहे.”
बंकिमचंद्रांनी 1875 मध्ये लिहिलं वंदे मातरम :
संरक्षण मंत्री राजनाथ सिंह यांच्यासह अनेक केंद्रीय मंत्री सरकारच्या वतीने सहभागी होतील. मुख्य विरोधी पक्ष काँग्रेसच्या वतीनं पक्षाचे सरचिटणीस प्रियंका गांधी आणि लोकसभेतील विरोधी पक्षाचे उपनेते गौरव गोगोई यांच्यासह आठ खासदार भाषणे देतील. इतर पक्षांचे खासदारही भाषणे देतील. बंकिमचंद्रांनी ते 1875 मध्ये लिहिलं आणि ते आनंदमठमध्ये प्रकाशित झाले. वंदे मातरम, 7 नोव्हेंबर 1875 रोजी अक्षय नवमीच्या शुभ प्रसंगी बंकिमचंद्र चॅटर्जी यांनी लिहिले होते. ते पहिल्यांदा 1882 मध्ये त्यांच्या ‘आनंदमठ’ या कादंबरीचा भाग म्हणून त्यांच्या ‘बंगदर्शन’ मासिकात प्रकाशित झाले. 1896 मध्ये, रवींद्रनाथ टागोर यांनी भारतीय राष्ट्रीय काँग्रेसच्या अधिवेशनात व्यासपीठावर वंदे मातरम गायले. राष्ट्रीय स्तरावर सार्वजनिकरित्या हे गाणे गायले जाण्याची ही पहिलीच वेळ होती. मेळाव्यात उपस्थित असलेल्या हजारो लोकांना अश्रू अनावर झाले.
हे ही वाचा : आदित्य ठाकरे यांच्याकडे विरोधी पक्षनेते पद जाण्याची चर्चा; भास्कर जाधव यांना डावलले; या पदावर त्यांनी सोडले टीकास्त्र
आणीबाणीमुळं देशाला बेड्या ठोकण्यात आल्या :
पंतप्रधान म्हणाले, “आणीबाणीमुळं देशाला बेड्या ठोकण्यात आल्या होत्या.” मोदी म्हणाले की, ही चर्चा केवळ सभागृहाची वचनबद्धता प्रकट करणार नाही तर जर आपण त्याचा सुज्ञपणे वापर केला तर भावी पिढ्यांसाठी शिक्षण म्हणूनही काम करु शकते. आपण नुकताच आपल्या संविधानाचा गौरवशाली 75 वा वर्धापन दिन साजरा केला. आज, देश सरदार पटेल आणि बिरसा मुंडा यांची 150 वी जयंती देखील साजरी करत आहे. गुरु तेग बहादूर यांचा 150 वा शहीद दिवस. वंदे मातरमचा 150 वर्षांचा प्रवास अनेक टप्पे पार करून गेला आहे. जेव्हा वंदे मातरम पहिले 50 वर्षांचे होते तेव्हा देशाला गुलामगिरीत जगण्यास भाग पाडले गेले होते. जेव्हा वंदे मातरम पहिले 100 वर्षांचं होतं तेव्हा देशाला आणीबाणीनं बेड्या ठोकल्या होत्या.
#WATCH | “… Pt. Jawaharlal Nehru wrote that ‘Vande Mataram’s background in the Anand Matth can irritate Muslims’…,” says PM Narendra Modi.
He also says, “… the Muslim League had started to strongly oppose Vande Mataram. Muhammad Ali Jinnah raised a slogan against Vande… pic.twitter.com/cozJigFWy3
— ANI (@ANI) December 8, 2025
वंदे मातरमविरुद्ध ब्रिटिशांनी कठोर कायदे केले :
पंतप्रधान म्हणाले की, वंदे मातरम गाण्याविरुद्ध ब्रिटिशांनी कठोर कायदे केले. स्वातंत्र्यलढ्यात शेकडो महिलांनी योगदान दिले. वंदे मातरम गाण्यासाठी बारिसलला सर्वात जास्त अत्याचार सहन करावे लागले. आज, बारिसल आता भारताचा भाग नाही. त्यावेळी तिथल्या माता, बहिणी आणि मुले वंदे मातरमच्या स्वाभिमानाचे रक्षण करण्यासाठी रस्त्यावर उतरली. त्यानंतर, बरिसालच्या धाडसी महिला श्रीमती शांती घोष म्हणाल्या, “जोपर्यंत ही बंदी उठवली जात नाही तोपर्यंत मी माझ्या बांगड्या काढून ठेवीन. त्यावेळी बांगड्या काढून टाकणे ही मोठी गोष्ट होती.”
