चेन्नई Double Header : इंडियन प्रीमियर लीग 2026 मध्ये आज (11 एप्रिल) दोन सामने खेळले जातील. पहिला सामना न्यू चंदीगडमध्ये खेळला जाईल, ज्यात पंजाब किंग्स (PBKS) विरुद्ध सनरायझर्स हैदराबाद (SRH) असा सामना होईल. हा सामना दुपारी 3:30 वाजता सुरु होईल. पंजाब संघ पाच गुणांसह गुणतालिकेत दुसऱ्या स्थानावर आहे. त्यांनी आतापर्यंत खेळलेल्या तीन सामन्यांपैकी दोन जिंकले असून एक सामना रद्द झाला आहे. दुसरीकडे, हैदराबाद संघ तितक्याच सामन्यांमध्ये एक विजय आणि दोन पराभवांसह गुणतालिकेत सहाव्या स्थानावर आहे.

हेही वाचा : जुरेल-सूर्यवंशीची वादळी खेळी; आरसीबीवर राजस्थानचा दमदार विजय

दोन्ही संघांचा हेड टू हेड रेकॉर्ड कसा :

दोन्ही संघांमधील आमनेसामनेच्या सामन्यांचा विचार केल्यास, गेल्या काही वर्षांपासून सनरायझर्स हैदराबादनं पंजाब किंग्सवर स्पष्टपणे वर्चस्व गाजवलं आहे. दोन्ही संघांमध्ये खेळल्या गेलेल्या 24 सामन्यांपैकी एसआरएचनं 17 सामने जिंकले आहेत, तर पीबीकेएसनं केवळ सात सामने जिंकले आहेत. (PBKS vs SRH)

दोन्ही संघांची संभाव्य प्लेइंग 12 :

• पंजाब किंग्स : प्रियांश आर्या, प्रभसिमरन सिंग (यष्टीरक्षक), श्रेयस अय्यर (कर्णधार), कूपर कॉनोली, नेहल वाढेरा, शशांक सिंग, मार्कस स्टोइनिस, मार्को जॉन्सन, झेवियर बार्टलेट, विजयकुमार विशक, अर्शदीप सिंग, युझवेंद्र चहल.
• सनरायझर्स हैदराबाद : ट्रॅव्हिस हेड, अभिषेक शर्मा, इशान किशन (यष्टीरक्षक/कर्णधार), हेनरिक क्लासेन, लियाम लिव्हिंगस्टोन, अनिकेत वर्मा, नितीश कुमार रेड्डी, हर्ष दुबे, शिवांग कुमार, हर्षल पटेल, जयदेव उनाडकट, ब्रायडन कार्स.

चेन्नई सुपर किंग्स विरुद्ध दिल्ली कॅपिटल्स दुसरा सामना :

आजचा दुसरा सामना पाच वेळचे चॅम्पियन चेन्नई सुपर किंग्स (CSK) आणि दिल्ली कॅपिटल्स (DC) यांच्यात होईल. चेन्नई येथील एम.ए. चिदंबरम स्टेडियमवर भारतीय प्रमाणवेळेनुसार सायंकाळी 7:30 वाजता सामना सुरु होईल. या सामन्यात, सीएसके (CSK) या हंगामातील आपला पहिला विजय मिळवण्याच्या प्रयत्नात असेल. (CSK vs DC)

दोन्ही संघांची कामगिरी कशी :

चेन्नईनं आतापर्यंत आपले तिन्ही सामने गमावले असून, गुणतालिकेत 10व्या क्रमांकावर तळाशी आहे. दरम्यान, आयपीएल 2026 मध्ये दिल्ली एक संतुलित आणि मजबूत संघ म्हणून उदयास आला आहे. त्यांनी आपल्या हंगामाची सुरुवात सलग दोन विजयांनी केली. मात्र, मागील सामन्यात त्यांची विजयी मालिका खंडित झाली, ज्यानं ते गुजरात टायटन्सकडून केवळ एका धावेनं पराभूत झाले. यामुळं ते तीनपैकी दोन विजय आणि एका पराभवासह चौथ्या क्रमांकावर आहेत.

दोन्ही संघांचा हेड टू हेड रेकॉर्ड :

चेन्नई सुपर किंग्स आणि दिल्ली कॅपिटल्स यांच्यातील हेड टू हेड आकडेवारीवर नजर टाकल्यास, सीएसकेचं पारडं जड आहे. आतापर्यंत दोन्ही संघांमध्ये खेळल्या गेलेल्या 31 सामन्यांपैकी, चेन्नई सुपर किंग्सने 19 सामने जिंकले आहेत, तर दिल्ली कॅपिटल्सनं 12 सामने जिंकले आहेत.

दोन्ही संघांची संभाव्य प्लेइंग 12 :

• चेन्नई सुपर किंग्स : ऋतुराज गायकवाड (कर्णधार), संजू सॅमसन (यष्टीरक्षक), आयुष म्हात्रे, सरफराज खान, देवाल्ड ब्रुईस, शिवम दुबे, प्रशांत वीर, जेमी ओव्हरटन, नूर अहमद, खलील अहमद, अंशुल कंबोज, मॅट हेन्री.
• दिल्ली कॅपिटल्स : केएल राहुल (यष्टीरक्षक), पथुम निस्संका, करुण नायर, समीर रिझवी, अक्षर पटेल (कर्णधार), डेव्हिड मिलर, ट्रिस्टन स्टब्स, विप्रज निगम, कुलदीप यादव, लुंगी एनगिडी, टी नटराजन, मुकेश कुमार.