1000 tonne gold treasure found : चीन देशात वैज्ञानिकांना तब्बल १ हजार टन सोन्याचं भांडार सापडलं आहे. वैज्ञानिकांना लागलेला हा आतापर्यंतचा सर्वात मोठा शोध असल्याचं सांगितलं जात आहे. वैज्ञानिकांना मिळालेले हे सोन्याचे भांडार चीनमधील शिनजियांग उइगर या भागात चीनच्या पश्चिम सीमेत कुनकुल पर्वतांमध्ये सापडले आहे. सुरुवातीच्या अंदाजानुसार वैज्ञानिकांना आढलेले हे सोने १ हजार टन असून त्याची अंदाजे किंमत अब्जो रुपये आहे. याच ठिकाणाचा चीनच्या पुराणात एक पवित्र स्थळ म्हणून उल्लेख केलेल आहे. पृथ्वीवरील सर्व खणिजांचं भांडार याच ठिकाणी असल्याचं पुराणात नमुद करण्यात आलेलं आहे. त्यामुळे पुराणात जे लिहून ठेवलं ते खरं ठरलं असल्याचं सांगितलं जात आहे.
हेही वाचा – आता सोन्यासोबतच चांदीच्या वस्तूंवर देखील मिळणार कर्ज; जाणून घ्या काय आहे संपूर्ण प्रक्रिया
या पृथ्वीच्या पोटात अशा काही गोष्टी आहेत, ज्याचा शोध अजूनही लागलेला नाही. काही गोष्टी तर अशा आहेत की त्याबाबत वैज्ञानिकांना अद्याप काहीही मजलेले नाही. मानवाला पुढच्या कित्येक पिढ्या पुरून उरेल एवढी खणीजसंपत्ती भूगर्भात आहे. सोने, चांदी यासारखे मौल्यवान धातू तर भूगर्भात जगभरात सापडतात. सध्या असाच एक चमत्कार समोर आला आहे. वैज्ञानिकांना तब्ल 1 हजार टन सोन्याचा साठा सापडला आहे. विशेष म्हणजे पुराणकथांमध्ये ज्या ठिकाणाला पवित्र, दिव्य असल्याचे म्हटले जात होते, त्याच ठिकाणी सोन्याचे विपूल भांडार सापडले आहे.
China has found its first 1,000-tonne-class, low-grade gold deposit in northeast China’s Liaoning Province. The super-large gold deposit has a proven gold ore reserve of 2.586 billion tonnes, containing 1,444.49 tonnes of gold metal with an average grade of 0.56 grams per tonne,… pic.twitter.com/d4iAZHysWQ
— China Business (@PDChinaBusiness) November 14, 2025
सोन्याचा शोध लावण्यासाठी गेल्या वर्षभरापासून सुरू होते प्रयत्न
चीनच्या भूवैज्ञानिक दलाचे वरिष्ठ अभियंता हे फुबाओ आणि त्यांच्या सहकाऱ्यांनी हा शोध लावला आहे. सायन्स मॅगझिन अॅक्टा जिओसाइंटिका सिनिका या शोधपत्रिकेत हा शोध प्रकाशित झाला आहे. या सोन्याचा शोध लावण्यासाठी गेल्या वर्षभरापासून प्रयत्न केला जात होता. चीनमधील हे तिसरे सर्वात मोठे सोन्याचे भांडार आहे. याआधी लियाओनिंग प्रांत तसेच मध्य चीनमध्ये स्थित असलेल्या हुनान प्रांतातही सोन्याचे मोठे भांडार सापडले होते.
पुराणामध्ये काय लिहिलेले आहे?
वैज्ञानिकांना ज्या ठिकाणी 1 हजार टन सोन्याचा साठा सापडलेला आहे. त्याच ठिकाणाचा चीनच्या पुराणात एक पवित्र स्थळ म्हणून उल्लेख केलेल आहे. पुराणात कुनलुन या पर्वताचा उल्लेख आहे. हा पर्वत भव्य, दिव्य आणि पवित्र असल्याचे पुराणात सांगितलेले आहे. या पर्वताची तुलना ग्रीक पौराणिक कथात वर्णन केलेल्या माऊट ओलिंपससोबत केली जाते. प्राचीन ग्रंथ द क्लासिक ऑफ माऊंटेंस अँड सीजमध्ये कुनलुन या पर्वताला धरतीचे केंद्र असल्याचे सांगण्यात आले आहे. पृथ्वीवरील सर्व खणिजांचे भांडार याच ठिकाणी असल्याचेही पुराणात नमुद करण्यात आलेले आहे.
