Gold Sliver Rate Today : 2025 वर्ष संपत आलं आहे, पण सोनं आणि चांदीची चमक कमी होण्याची चिन्हं दिसत नाहीत. वर्षाच्या शेवटच्या दिवसांत सोनं आणि चांदी दोन्ही विक्रमी उच्चांकावर पोहोचले. 26 डिसेंबरच्या सकाळी देशभरातील सराफा बाजारात सोन्याच्या किमतीनं इतिहास घडवला, तर चांदीच्या किमतीत मोठी वाढ झाली. गुंतवणूकदार आणि दागिने खरेदीदारांसाठी ही बातमी अत्यंत महत्त्वाची मानली जाते.

काय आहे सोन्याची किंमत :

राजधानी दिल्लीत 24 कॅरेट सोन्याची किंमत प्रति 10 ग्रॅम 1,39,410 रुपये झाली आहे. मुंबईत 24 कॅरेट सोन्याची किंमत प्रति 10 ग्रॅम 1,39,260 रुपये झाली आहे. 22 कॅरेट सोन्याची किंमत दिल्लीत 1,27,810 रुपये झाली आहे. मुंबई, चेन्नई आणि कोलकाता सारख्या प्रमुख शहरांमध्ये 22 कॅरेट सोन्याची किंमत प्रति 10 ग्रॅम 127,660 रुपये आहे आणि 24 कॅरेट सोन्याची किंमत प्रति 10 ग्रॅम 139,260 रुपये आहे. पुणे आणि बेंगळुरुमध्येही अशाच प्रकारच्या किमती दिसून येत आहेत. सतत वाढणाऱ्या किमतींमुळं सोन्याचे भाव पुन्हा एकदा गुंतवणूकीचा एक मजबूत पर्याय म्हणून स्थापित झाले आहेत.

हेही वाचा : बाजारातील मंदीचा परिणाम; सेन्सेक्स 150 अंकांनी घसरला, निफ्टीही 26,100 च्या

आंतरराष्ट्रीय बाजाराचा परिणाम :

सोन्याच्या किमती वाढण्यात आंतरराष्ट्रीय बाजाराची मोठी भूमिका आहे. जागतिक बाजारात सोन्याची स्पॉट किंमत प्रति औंस 4,525.96 डॉलर्सवर पोहोचली आहे. तज्ञांच्या मते, या वर्षी आतापर्यंत सोन्यात अंदाजे 73.7 टक्के वाढ झाली आहे. आघाडीची गुंतवणूक बँक गोल्डमन सॅक्सचा अंदाज आहे की पुढील वर्षी डिसेंबरपर्यंत सोनं प्रति औंस 4,900 डॉलर्सपर्यंत पोहोचू शकते. बँकेचं म्हणणं आहे की जगभरातील अनेक मध्यवर्ती बँका सतत सोनं खरेदी करत आहेत, ज्यामुळं भविष्यात किमतींना आधार मिळेल.

चांदीमध्येही मोठी वाढ :

सोन्यासोबतच चांदीनंही गुंतवणूकदारांना आश्चर्यचकित केलं आहे. 26 डिसेंबर रोजी चांदीची किंमत 8,460 रुपयांनी वाढून 2,32,741 रुपये प्रति किलोग्रॅम झाली. आंतरराष्ट्रीय बाजारात चांदीची स्पॉट किंमत प्रति औंस 72.70 डॉलरवर पोहोचली आहे. या वर्षी आतापर्यंत आंतरराष्ट्रीय बाजारात चांदीच्या किमती 151 टक्के आणि देशांतर्गत बाजारात जवळपास 153 टक्के वाढल्या आहेत.