Bangladesh Bus Accident | बांगलादेशमध्ये (Bangladesh) भीषण अपघात (Accident) झाला आहे. ईदच्या (Eid) सुट्ट्या संपवून घरी परतत असताना प्रवाशांवर काळाने झडप घातली. प्रवाशांनी भरलेली बस पद्मा नदीत (Padma River) कोसळून मोठा अपघात घडला. या अपघातात 23 प्रवाशांना दुर्दैवी मृत्यू झाला आहे. या घटनेनं संपूर्ण बांगलादेशमध्ये एकच खळबळ उडाली आहे.
हेही वाचा – भीषण अपघात! प्रवासी बस-ट्रकची जोरदार टक्कर; दोन्ही वाहनांना आग, 8 जणांचा होरपळून मृत्यू
ईद साजरी करून घरी परतणाऱ्या प्रवाशांचा परतीचा प्रवास ठरला जीवघेणा
बुधवारची संध्याकाळ प्रवाशांसाठी घातकी ठरली. राजबारी जिल्ह्यातील दौलतडिया टर्मिनल येथे फेरीवर चढण्याचा प्रयत्न करत असताना एक प्रवासी बस थेट पद्मा नदीत कोसळली. बुधवारी संध्याकाळी 5.15 च्या दरम्यान ही दुर्दैवी घटना घडली. ईद साजरी करून ढाका येथे परतणाऱ्या प्रवाशांचा परतीचा प्रवास जीवघेणा ठरला. या भीषण अपघाताचा व्हिडीओ देखील समोर आला असून सोशल मीडियावर मोठ्या प्रमाणात व्हायरल होत आहे.
मिळालेल्या माहितीनुसार, बसमध्ये सुमारे 40 प्रवासी होते जे ईदची सुट्टी साजरी करून ढाकाकडे निघाले होते. यावेळी प्रवाशांनी भरलेली बस फेरीकडे जात असताना एका छोट्या बोटीला धडकली. या धडकेमुळे चालकाचे नियंत्रण सुटले आणि बस थेट नदीच्या खोल पात्रात कोसळली. या दुर्घटनेत 23 प्रवाशांचा मृत्यू झाला आहे. तर यामध्ये लहान मुलांचा देखील समावेश असल्याची माहिती समोर आली आहे. तसेच या अपघातात आणखी मृतांचा आकडा वाढण्याची शक्यता असून बेपत्ता प्रवाशांचा शोध अद्याप सुरू आहे.
WATCH:
At least 17 people died after a bus with more than 50 passengers fell into a river in Bangladesh, officials and local media say. Search and rescue operations continue for the missing.
— ZEEZ 🌚 (@Swaggzeez1) March 26, 2026
ईदचा सण साजरी करून घरी परतत असताना अनेक कुटुंबांवर दु:खाचा डोंगर कोसळला आहे. या घटनेमुळे बांगलादेशात शोककळा पसरली आहे. नदी ओलांडत असताना फेरीवर चढण्याची घाई आणि सुरक्षेच्या नियंमांचं उल्लंघन केल्यामुळे हा अपघात घडला असल्याचं अधिकाऱ्यांनी सांगितलं आहे. तर सध्या या प्रकरणाची चौकशी करण्याचे आदेश बांगलादेश सरकारने दिले आहेत. तर या अपघातानंतर बांगलादेशमध्ये एकच खळबळ उडाली असून नागरिकांमध्ये भितीचे वातावरण निर्माण झाले आहे. तसचे या घटनेनंतर प्रवाशांच्या सुरक्षिततेबाबत प्रश्नचिन्ह निर्माण झाले आहे.
