Ashok Kharat Case | नाशिकचा (Nashik) ढोंगी ज्योतिषी अशोक खरातने (Ashok Kharat) अनेक महिलांचे आयुष्य उद्ध्वस्त केले आहे. खरातने अनेक महिलांच्या विश्वासाचा फायदा घेत त्याचे लैंगिक शोषण केले आहे. विवाहित महिला, तरूणी यांचे लैंगिक शोषण करत खरातने त्यांची मोठी फसवणूक केल्याचं उघडकीस आलं आहे. या प्रकरणी नाशिक पोलिसांनी (Nashik Police) खरातला बेड्या ठोकल्या आहेत. तर सोशल मीडियावर खरातचे अनेक महिलांसोबतच व्हिडीओ व्हायरल झाले आहेत. हे व्हिडीओ व्हायरल झाल्यामुळे अनेक पीडित महिलांचे आयुष्य उद्ध्वस्त झाले आहे.

हेही वाचा –  बारामतीत राजकीय लढत रंगणार? लक्ष्मण हाके विधानसभेसाठी मैदानात उतरणार, केली मोठी घोषणा

व्हायरल व्हिडीओंमुळे पीडित महिलांना मानसिक धक्का

जेव्हा खरातचा काळा कारनामा बाहेर आला तेव्हा पीडित महिलांना मोठा धक्का बसला होता. त्यानंतर पीडित महिलांचे आयुष्य उद्ध्वस्त झाले आहे. या प्रकरणातील अनेक पीडित महीला या नैराश्यात गेल्या असल्याची धक्कादायक माहिती समोर आली आहे.

खरातचे पितळ उघडे पडले तेव्हा ज्या महिलांचे त्याने लैंगिक शोषण करत फसवणूक केली होती त्या सर्व पीडित महिलांना मोठा मानसिक धक्का बसला आहे. आत्तापर्यंत नऊ ते दहा पीडित महिलांनी मानसोपचार तज्ञांची भेट घेतली असल्याची माहिती समोर आली आहे. या पीडित महिला मानसिक धक्क्यातून बाहेर पडण्याचा प्रयत्न करत आहे. तसेच या प्रकरणाती व्हिडीओ सोशल मीडियावर व्हायरल झाल्यानंतर पीडित महिलांना समाजात वावरणं देखील कठिण झालं आहे. त्यामुळे त्यांनी मानसोपचार तज्ञांची भेट घेतली असल्याची माहिती समोर आली आहे.

विशेष तपास पथकाकडून पीडित महिलांची सतत चौकशी केली जात आहेत. तसेच या महिलांनी कोणतेही दडपण घेऊ नये म्हणून त्यांनी पूर्णपणे काळजी देखील विशेष तपास पथकाकडून घेतली जात आहे. तर त्यांना न्याय मिळवून देण्याची ग्वाही देखील एसआयटीने दिली आहे. तसेच खरातचे व्हिडीओ व्हायरल करणाऱ्यांवर पोलिसांनी कडक कारवाई केली असून त्यांच्यावर गुन्हा दाखल केला आहे. तसेच या प्रकरणातील व्हिडीओ इथून पुढे कोणीही व्हायरल करू नये, असे आवाहन देखील पोलीस प्रशासनाने केले आहे.