Sadabhau Khot Comments on Modern Tukaram Awareness: राज्याच्या प्रशासकीय वर्तुळात तुकाराम मुंढे (Tukaram Mundhe) यांच्या बदलीने पुन्हा चर्चा सुरू झाली आहे. मुंढे आपल्या कडक शिस्ती आणि ठाम कामामुळे ओळखले जातात. त्यांच्या अल्पावधीत पुन्हा बदली झाल्याने अनेक प्रश्न उभे राहिले आहेत.

दिव्यांग विभागाच्या सचिवपदाची जबाबदारी स्वीकारल्यानंतर अवघ्या आठ दिवसांनी त्यांची बदली आपत्ती व्यवस्थापन, मदत व पुनर्वसन विभागात करण्यात आली. त्यांच्या २१ वर्षांच्या सेवाकाळात ही २५वी बदली आहे. वारंवार होणाऱ्या बदल्यांमुळे सोशल मीडियावर (social Media) नाराजी व्यक्त होत आहे.

हेही वाचा: मोठा ट्विस्ट! ‘या’ राशींच्या आयुष्यात आज येऊ शकतो अनपेक्षित वळणं; वाचा तुमचं राशीभविष्य

सदाभाऊ खोत यांची प्रतिक्रिया चर्चेत

नांदेड दौऱ्यावर असताना आमदार सदाभाऊ खोत (Sadabhau Khot) यांना पत्रकारांनी या बदलीसंदर्भात विचारले. त्यांनी थोडक्यात प्रतिक्रिया देत या विषयाकडे लक्ष न देण्याचा प्रयत्न केला. त्यांच्या म्हणण्यानुसार, ते संत तुकारामांविषयी माहिती ठेवतात, पण आधुनिक काळातील तुकारामांविषयी विशेष माहिती नाही. त्यांच्या या वक्तव्यामुळे विविध स्तरांवर चर्चेला उधान मिळाले आहे.

दिव्यांग संघटनांचे आंदोलन

मुंढे (Tukaram Mundhe) यांचा दिव्यांग विभागात काम सुरू केल्यानंतर कमी वेळात काही सकारात्मक उपक्रम हाती घेतल्याचा दावा आहे. त्यामुळे दिव्यांग संघटनांनी बदली रद्द करण्याची मागणी करत नांदेडमध्ये (Nanded) आंदोलन सुरू केले. राहुल साळवे यांच्या नेतृत्वाखाली निदर्शने करण्यात आली. मागणी मान्य न झाल्यास तीव्र आंदोलन करण्याचा इशारा देण्यात आला आहे.

अधिकाऱ्याच्या अनुपस्थितीवर खोत संतप्त

दरम्यान, विधिमंडळाच्या अंदाज समितीच्या पाहणी दरम्यान सदाभाऊ खोत यांनी नांदेड येथील परिवहन विभागीय कार्यालयाला भेट दिली. यावेळी संबंधित अधिकारी अनुपस्थित होते, ज्यामुळे त्यांनी नाराजी व्यक्त केली. प्रतीकात्मक निषेध म्हणून त्यांनी रिकाम्या खुर्चीला हार अर्पण केला.

तसेच, काही कर्मचाऱ्यांच्या बदल्यात आर्थिक गैरव्यवहार होत असल्याचा आरोप करत त्यांनी संबंधित अधिकाऱ्यांवर कारवाई करण्याची मागणी केली आहे.