सध्या AI चा काळ सुरु आहे. प्रत्येक क्षेत्रात AI ने बाजी मारली असताना येणाऱ्या काळात देखील AI ची हवा असणार आहे. यासंदर्भातच एक महत्वपूर्ण बातमी समोर आली आहे. लवकरच जगातील आघाडीची कंपनी भारतात गुंतवणूक करणार असल्याची माहिती समोर आली आहे. त्यानुषंगाने 1.33 लाख कोटींची गुंतवणूक करण्यात आली आहे.
जगातील आघाडीची टेक कंपनी गुगल ही भारतात मोठी गुंतवणूक करणार असल्याची माहिती समोर आली आहे. याबाबत गुगल कंपनीचे सीईओ सुंदर पिचाई यांनी भारताचे पंतप्रधान नरेंद्र मोदी यांच्यासोबत चर्चच केल्याची माहिती समोर आली आहे. त्या भारताला एआय हब बनवण्यासाठी गुगल कंपनी भारतात 1.33 लाख कोटींची गुंतवणूक करणार असल्याची माहिती कंपनीचे सीईओ सुंदर पिचाई यांनी दिली.
आंध्र प्रदेशातील विशाखापट्टम येथे उभारण्यात येणार
भारतात गुंतवणूक करण्यात येणारे हे AI हब आंध्र प्रदेशातील विशाखापट्टम येथे उभारण्यात येणार आहे. हा Ai हब गुगल कंपनीचे अमेरिका बाहेरील सर्वात मोठे हब असणार आहे. गुगल पुढील पाच वर्षात या हब साठी 15 अब्ज डॉलर्सची गुंतवणूक करणार असून यामुळे देशाच्या विकासाला गती मिळणार आहे. हे भारतासाठी ऐतिहासिक पाऊल असणार आहे.
हे ही वाचा :Nobel Prize 2025: जोएल मोकिर, फिलिप अ‍ॅघियन आणि पीटर हॉविट यांना अर्थशास्त्रातील नोबेल पुरस्कार जाहीर
‘भारताचे पंतप्रधान नरेंद्र मोदी यांच्याशी संवाद साधताना आनंद झाला. आम्ही त्यांना विशाखापट्टनममध्ये एआय हब तयार करण्याची आमची योजना सांगितली, जे एक ऐतिहासिक पाऊल असेल. या हबमध्ये गीगावॅट संगणकीय क्षमता आणि मोठ्या प्रमाणातील ऊर्जा पायाभूत सुविधांना एकत्र आणेल. आम्ही आमचे उद्योग आणि तंत्रज्ञान भारतीय यूजर्सपर्यंत पोहोचवू, यामुळे देशाच्या विकासाला चालना मिळेल असे मत गुगलचे सीईओ सुंदर पिचाई यांनी व्यक्त केले. ते भारतीय वंशाचे असून त्यांनी याबाबत ट्विटर म्हणजे एक्स वर पोस्ट करून माहिती दिली.
Delighted by the launch of the Google AI Hub in the dynamic city of Visakhapatnam, Andhra Pradesh.
This multi-faceted investment that includes gigawatt-scale data center infrastructure, aligns with our vision to build a Viksit Bharat. It will be a powerful force in… https://t.co/lbjO3OSyMy
— Narendra Modi (@narendramodi) October 14, 2025
दिल्ली येथे एका आयोजित कार्यक्रमात याबाबत माहिती देण्यात आली. या कार्यक्रमावेळी या हबच्या करारावर सही देखील करण्यात आली. हा करार गुगल आणि आंध्र प्रदेश सरकारमध्ये झाला आहे. मिळालेल्या माहितीनुसार गुगल येणाऱ्या पाच वर्षात AI हब साठी 15 अब्ज अमेरिकन डॉलर खर्च करणार आहे. यासाठी अदानी समुहासोबत पार्टनरशीप करण्यात येणार असून एक डेटा सेंटरचीही स्थापना केली जाणार आहे.
