Kuldeep Yadav Wedding | भारताचा स्टार क्रिकेटर कुलदीप यादव (Kuldeep Yadav) लग्नबंधनात अडकला आहे. कुलदीप यादवने त्याची बालपणाची मैत्रिण वंशिका चड्डासोबत (Vanshika Chadha) लग्न केले आहे. वंशिका आणि कुलदीपचा शाही विवाह सोहळा पार पडला. तर आता कुलदीप यादववर सोशल मीडियाच्या माध्यमातून चाहत्यांनी शुभेच्छांचा वर्षाव केला आहे.
हेही वाचा – मुंबईतील इंजिनिअरचा इराकमध्ये दुर्दैवी मृत्यू; अचानक झालेल्या हल्ल्यानंतर काळाने घातला घाला
कुलदीप-वंशिका यांच्या रॉयल लूकने वेधले सर्वांचे लक्ष
कुलदीप यादव आणि वंशिका चड्डा यांचा शाही विवाह सोहळा उत्तराखंडमधील मसुरी येथील सवॉय हॉटेलमध्ये पार पडला. या शाही विवाह सोहळ्यात कुलदीप आणि वंशिकाने रॉयल लूक केला होता. वंशिकाने लाल रंगाचा लेहंगा परिधान केला होता, ज्यामध्ये ती खूप सुंदर दिसत होती. तर कुलदीपने गोल्डन कलरची शेरवानी परिधान केली होती, ज्यामध्ये त्याला लूक एकदम रॉयल दिसत होता. तर वंशिका-कुलदीपच्या खास वेडिंग एन्ट्रीने सर्वांचे लक्ष वेधून घेतले होते. तसेच कुलदीप आणि वंशिकाच्या लग्नात हॉटेलमध्ये खास डेकोरेशन करण्यात आले होते. सगळीकडे फुलांची आरास, खास दिवे लावण्यात आले होते.
कुलदीप-वंशिकाच्या लग्नाआधीच्या विधींना 13 मार्च या दिवशी सुरूवात झाली होती. यावेळी त्यांचे मेहंदी आणि हळदी समारंभातील खास फोटो आणि व्हिडीओ सोशल मीडियावर व्हायरल झाले होते. तर 14 मार्च रोजी कुलदीप आणि वंशिका लग्नबंधनात अडकले.
कुलदीप-वंशिकाच्या खास विवाहसोहळ्याला भारतीय संघातील अनेक मोठे खेळाडू उपस्थित राहिले होते. यामध्ये युजवेंद्र चहल, रिंकू सिंह, तिलक वर्मा, नितीश राणा, सुरेश रैना, मोहम्मद कैफ, भुवनेश्वर कुमार यांसारख्या अनेक खेळाडूंनी हजेरी लावली होती. तसेच कुलदीपच्या लग्नाला बागेश्वर धामचे प्रमुख धीरेंद्र कृष्णा शास्त्री यांनी देखील हजेरी लावली होती.
कुलदीप-वंशिकाच्या लग्नात तिलक वर्मा, युजवेंद्र चहलने केला डान्स
सध्या कुलदीप आणि वंशिकाच्या शाही विवाहसोहळ्याचे फोटो आणि व्हिडीओ सोशल मीडियावर मोठ्या प्रमाणात व्हायरल होत आहे. तर या विवाह सोहळ्यात युजवेंद्र चहल, तिलक वर्मा यांनी डान्स केल्याचंही दिसत आहे.
THE WEDDING CELEBRATION OF KULDEEP YADAV 😍♥️ pic.twitter.com/tKFJhkFEBs
— Johns. (@CricCrazyJohns) March 14, 2026
दरम्यान, कुलदीप आणि वंशिकाचा विवाह 2025 मध्येच होणार होता. मात्र, भारतीय संघाच्या व्यस्त वेळापत्रकामुळे त्यांचं लग्न पुढे ढकलण्यात आलं होतं. गेल्या वर्षी 4 जून रोजी वंशिका आणि कुलदीपचा साखरपुडा झाला होता. तर आता टी-20 वर्ल्ड चॅम्पियन ठरल्यानंतर कुलदीपने वंशिकासोबत लग्नगाठ बांधली आहे.
