Railway Jobs: रेल्वेत नोकरीची मोठी संधी! ११ हजारांहून अधिक लोको पायलट पदांसाठी लवकरच भरती होणार जाहीर

Eligibility Criteria for Loco Pilot Posts: रेल्वेत नोकरी मिळवू इच्छिणाऱ्या उमेदवारांसाठी मोठी संधी समोर आली आहे. असिस्टंट लोको पायलट पदांसाठी हजारो जागांची भरती जाहीर झाली असून, इच्छुकांना लवकरच ऑनलाइन अर्ज करता येणार आहेत.

रेल्वेत सरकारी नोकरी मिळवण्याची तयारी करणाऱ्या उमेदवारांसाठी मोठी आणि दिलासादायक बातमी समोर आली आहे. असिस्टंट लोको पायलट (ALP) पदांसाठी तब्ब्ल ११ हजारांहून अधिक जागांची भरती जाहीर करण्यात आली असून, देशभरातील विविध रेल्वे झोनमध्ये ही पदे भरली जाणार आहेत. या भरतीमुळे तरुणांना केंद्र सरकारच्या नोकरीची संधी उपलब्ध होणार आहे. विशेष म्हणजे, या भरतीसाठी ऑनलाईन अर्ज प्रक्रिया निश्चित तारखेपासून सुरू होणार असल्याने इच्छुक उमेदवारांनी आतापासून तयारीला लागणे गरजेचे आहे.

हेही वाचा: Sun Transit 2026: सूर्याचे नक्षत्र परिवर्तन! १८ मार्चपासून ‘या’ ३ राशींचा गोल्डन टाईम सुरू, सगळी स्वप्न होणार पूर्ण

अर्ज कधी आणि कसा करायचा?

या भरतीसाठी अर्ज प्रक्रिया १५ मे २०२६ पासून सुरू होईल आणि १४ जून २०२६ पर्यंत चालणार आहे. इच्छुक उमेदवारांनी ऑनलाइन पद्धतीनेच अर्ज करणे आवश्यक असून त्यासाठी अधिकृत वेबसाइटवर जाऊन नोंदणी करावी लागेल.

पदांची संख्या आणि तपशील

या भरतीद्वारे सुमारे ११,१२७ पदे भरण्यात येणार आहेत. विविध रेल्वे विभागांनुसार पदांचे वाटप करण्यात येईल. यासंदर्भातील सविस्तर माहिती अधिकृत https://www.rrbcdg.gov.in/ नोटिफिकेशनमध्ये दिली जाईल.