Google Chrome Skills: गूगल क्रोम (Google Chrome) मध्ये ‘स्किल्स (Skills) नावाचे नवीन एआय (AI) फिचर सादर करण्यात आले आहे. या फीचरमुळे वापरकर्त्याचे ब्राउझिंग अधिक जलद, सोपे आणि स्मार्ट होणार असून, अनेक कामे एका क्लिकमध्ये पूर्ण करता येणार आहेत.

इंटरनेट वापर अधिक सोपा आणि जलद करण्यासाठी, गुगलने क्रोम ब्राउझरमध्ये ‘स्किल्स’ नावाचे एक नवीन एआय (AI) फीचर सादर केले आहे. हे फीचर जेमिनी एआयवर आधारित असून, वापरकर्त्यांचे दैनंदिन ऑनलाईन शोध अधिक कार्यक्षम बनवणे हे त्याचे उद्दिष्ट आहे.

‘Skills’ फीचरचे नाव काय आहे?

‘Skills’ हे एक असे फीचर आहे, ज्यामुळे तुम्हाला एकाच प्रकारची एआय कमांड पुन्हा पुन्हा लिहिण्याची गरज भासत नाही. जर तुम्ही एखादा विशिष्ट प्रॉम्प्ट वारंवार वापरत असाल, तर तो “स्किल” म्हणून सेव्ह होतो. त्यानंतर ते काम एका क्लिकवर पुन्हा सुरू होते.

हेही वाचा: अक्षय तृतीयेची खरेदी करताय? ‘या’ वस्तू टाळल्या नाहीत तर पश्चाताप होऊ शकतो!

वापरण्याची पद्धत

हे फीचर क्रोममधील जेमिनी पॅनलमधील सहजपणे वापरता येते. स्लॅश (/) टाइप केल्यावर विविध स्किल्सची एक यादी दिसते. यामध्ये तुम्ही तुमचे स्वतःचे कस्टम टास्क तयार करू शकता किंवा उपलब्ध असलेले तयार टास्क वापरू शकता.

सध्या या फीचरमध्ये ५० पेक्षा जास्त पूर्वनियोजित स्किल्स प्रदान करण्यात आले आहेत, जे वेगवेगळ्या कामांसाठी योग्य आहेत. हे फीचर तुमच्या उघडलेल्या टॅबमधील माहितीचा वापर करून त्वरित उत्तरे किंवा कृती प्रदान करते.

कशासाठी उपयुक्त?

हे फीचर मोठ्या लेखांचा सारांश तयार करणे, वेगवेगळ्या समानार्थी शब्दांची तुलना करणे, माहितीचे विश्लेषण करणे इत्यादी अनेक कामांसाठी उपयुक्त आहे. विशेषतः एआय टूल्स वापरणाऱ्या वापरकर्त्यांसाठी, हे काम सोपे आणि वेळ वाचवणारे ठरते.

सुरक्षा आणि नियंत्रण

गुगलने या फीचरमध्ये सुरक्षेलाही महत्त्व दिले आहे. ईमेल पाठवणे किंवा कॅलेंडर अपडेट करणे यांसारख्या संवेदनशील कामांसाठी वापरकर्त्याची परवानगी आवश्यक आहे.