UPSC Recruitment 2026: सरकारी नोकरीच्या शोधात असलेल्या उमेदवारांसाठी एक महत्त्वाची बातमी आहे. UPSCकडून Law Officer ते Technical Officer अशा विविध पदांसाठी भरती प्रक्रिया सुरू करण्यात आली आहे. पात्र उमेदवारांना केवळ २५ रुपयांत अर्ज करता येणार आहे. चला तर मग, जाणून घेऊया अर्ज कसा करायचा आणि संपूर्ण प्रक्रिया काय आहे.

सरकारी नोकरीच्या तयारीत असलेल्या उमेदवारांसाठी महत्वाची बातमी आहे. केंद्रीय लोकसेवा आयोगाने (UPSC Vacancy 2026) विविध केंद्रीय सरकारी विभागांमधील पदांसाठी भरती प्रक्रिया सुरू केली आहे. या भरतीअंतर्गत एकूण १३ रिक्त पदे भरण्यात येणार असून, पात्र उमेदवारांकडून ऑनलाइन अर्ज मागवण्यात आले आहेत.

या भरतीमध्ये चार वेगवेगळ्या पदांचा समावेश आहे. इच्छुक उमेदवारांनी अर्ज करण्यापूर्वी संबंधित पदाची शैक्षणिक पात्रता, अनुभव, वयोमर्यादा आणि इतर अटी तपासणे आवश्यक आहे.

हेही वाचा: पितृपक्षात यंदा तिथींचा विशेष योग! ३० सप्टेंबरला चतुर्थी-पंचमीचे श्राद्ध, जाणून घ्या नेमकं कारण

कोणत्या पदांवर होणार भरती? (UPSC Jobs 2026)

या भरती मोहिमेत विविध सरकारी विभाग आणि संस्थांमधील पदांचा समावेश आहे.

Assistant Legislative Counsel (Grade IV) – 8 पदे

Junior Technical Officer (Sugar Technology) – 1 पद

Law Officer – 3 पदे

Specialist Grade II (Junior Scale), Cardiology – 1 पद

यापैकी सर्वाधिक रिक्त जागा Assistant Legislative Counsel (Grade IV) या पदासाठी आहेत. ही पदे केंद्रीय कायदा व न्याय मंत्रालयाच्या विधी विभागांतर्गत भारतीय विधी सेवेमध्ये भरली जाणार आहेत. ( LS Marathi News Channel )

कोणत्या ठिकाणी पदे उपलब्ध?

राष्ट्रीय साखर संस्था, कानपूर येथे Junior Technical Officer (Sugar Technology) पदासाठी एक जागा आहे.

तसेच दिल्ली सरकारच्या Land & Building Department मध्ये Law Officer पदासाठी तीन रिक्त जागा जाहीर करण्यात आल्या आहेत.

याशिवाय नवी दिल्ली महानगरपालिका (NDMC) अंतर्गत Cardiology विभागात Specialist Grade II (Junior Scale) पदासाठी एका उमेदवाराची नियुक्ती केली जाणार आहे.

अर्ज शुल्क किती?

या भरतीसाठी अर्ज शुल्काच्या बाबतीत काही प्रवर्गांना विशेष सवलत देण्यात आली आहे.

महिला उमेदवार, SC, ST आणि PwBD प्रवर्गातील उमेदवारांना अर्ज शुल्कातून सूट देण्यात आली आहे. इतर पात्र उमेदवारांसाठी अर्ज शुल्क 25 रुपये आहे.

अर्जाची अंतिम मुदत 16 ऑक्टोबर 2026 असल्याने इच्छुक उमेदवारांनी शेवटच्या दिवसाची वाट न पाहता अर्ज प्रक्रिया पूर्ण करणे योग्य ठरेल.

अर्ज करण्यापूर्वी ‘या’ गोष्टी तपासा

प्रत्येक पदासाठी पात्रतेचे निकष वेगवेगळे असू शकतात. त्यामुळे अर्ज भरण्यापूर्वी UPSC कडून जारी करण्यात आलेली अधिकृत भरती जाहिरात काळजीपूर्वक वाचणे महत्त्वाचे आहे.

उमेदवारांनी विशेषतः खालील बाबी तपासाव्यात:

शैक्षणिक पात्रता

आवश्यक कामाचा अनुभव

वयोमर्यादा

आरक्षणाशी संबंधित नियम

अर्ज शुल्क

आवश्यक कागदपत्रे

अर्ज करण्याची अंतिम तारीख

ओळख पडताळणीसाठी आयोगाकडून आधार क्रमांकाचा वापर करण्यास प्राधान्य दिले जात असल्याने अर्ज करताना वैयक्तिक माहिती अचूक भरावी.

अर्ज कुठे करायचा?

या भरतीसाठी पात्र उमेदवारांनी UPSC च्या अधिकृत वेबसाइटवरून ऑनलाइन अर्ज करणे आवश्यक आहे. अर्ज करण्यापूर्वी अधिकृत जाहिरात वाचून आपल्या पात्रतेची खात्री करावी आणि त्यानंतरच अर्ज प्रक्रिया पूर्ण करावी.