IND vs WI 2nd ODI: वेस्ट इंडिजने उभारलेल्या 405 धावांच्या डोंगराला भारताने तुफानी प्रत्युत्तर दिलं. शुभमन गिलच्या विक्रमी द्विशतकासह रोहित शर्माच्या शतकी खेळीच्या जोरावर टीम इंडियाने 406 धावांचं लक्ष्य सहज पार करत ऐतिहासिक विजय नोंदवला.

गुवाहाटीच्या मैदानावर भारत आणि वेस्ट इंडिज (IND vs WI 2nd ODI) यांच्यात झालेला दुसरा वनडे सामना विक्रमी फलंदाजीचा साक्षीदार ठरला. वेस्ट इंडिजने भारतासमोर तब्बल 406 धावांचं आव्हान उभं केलं. मात्र, एवढ्या मोठ्या लक्ष्याचा पाठलाग करताना भारतीय फलंदाजांनी कोणताही दबाव जाणवू दिला नाही. कर्णधार शुभमन गिलच्या ऐतिहासिक द्विशतकाच्या आणि रोहित शर्माच्या शतकी खेळीच्या जोरावर भारताने तब्बल 8 विकेट्स राखून सामना जिंकला. या विजयासह भारताने तीन सामन्यांच्या मालिकेत 2-0 अशी विजयी (India vs West Indies 2nd ODI) आघाडी घेत मालिका आपल्या नावावर केली.

हेही वाचा: फ्लाईदुबाईच्या विमानात थरार! पायलटवर चाकूहल्ला, अचानक हजारो फूट खाली आलं विमान; नेमकं काय घडलं?

406 धावांचं लक्ष्य अन् भारताचा विक्रमी पाठलाग

वेस्ट इंडिजने प्रथम फलंदाजी करताना 50 षटकांत 7 विकेट्स गमावत 405 धावा केल्या. त्यामुळे भारताला विजयासाठी 406 धावांचं मोठं लक्ष्य मिळालं. इतक्या मोठ्या धावसंख्येचा पाठलाग करतानाघाची सुरुवात मात्र आक्रमक झाली. रोहित शर्मा आणि शुभमन गिल यांनी पहिल्या विकेटसाठीच धावांचा पाऊस पाडला आणि सामन्याचं चित्र बदलून टाकलं. भारताने अवघ्या 43.1 षटकांत 8 विकेट्स राखून हे लक्ष्य गाठलं.

एकदिवसीय क्रिकेटमध्ये 400 पेक्षा अधिक धावांचं लक्ष्य यशस्वीपणे गाठण्याची भारताची ही ऐतिहासिक कामगिरी ठरली. वनडे इतिहासात 400 हून (India vs West Indies 2026) अधिक धावांचं लक्ष्य पार करणारा भारत हा केवळ दुसरा संघ ठरला.

शुभमन गिलचा ‘डबल धमाका’

भारताच्या विजयाचा सर्वात मोठा हिरो ठरला तो कर्णधार शुभमन गिल.

गिलने अवघ्या 132 चेंडूंमध्ये नाबाद 223 धावांची (Shubman Gill 223) ऐतिहासिक खेळी केली. त्याच्या या वादळी खेळीत तब्बल 28 चौकार आणि 8 षटकारांचा समावेश होता.

गिलने सुरुवातीपासूनच आक्रमक फलंदाजी केली. त्याने वेस्ट इंडिजच्या प्रत्येक गोलंदाजाचा समाचार घेत धावांचा वेग कायम ठेवला.

विशेष म्हणजे, धावांचा पाठलाग करताना वनडेमध्ये सर्वाधिक वैयक्तिक धावा करण्याचा विक्रमही गिलच्या नावावर गेला.

वनडेत सर्वात वेगवान द्विशतकांपैकी एक

शुभमन गिलने केवळ 117 चेंडूंमध्ये द्विशतक पूर्ण केलं. या खेळीसह त्याने वनडे क्रिकेटमधील वेगवान द्विशतकांच्या यादीत आपलं नाव ठळकपणे नोंदवलं.

गिलसाठी ही आणखी एक ऐतिहासिक कामगिरी ठरली. वनडे क्रिकेटमध्ये एकापेक्षा जास्त द्विशतक झळकावणाऱ्या भारतीय फलंदाजांच्या यादीत त्याने स्थान मिळवलं. याआधी रोहित शर्माने वनडेमध्ये एकापेक्षा अधिक द्विशतकं झळकावली आहेत.

रोहित शर्माचीही शतकी आतषबाजी

गिलला दुसऱ्या बाजूने माजी कर्णधार रोहित शर्माची जबरदस्त साथ मिळाली.

रोहितने केवळ 75 चेंडूंमध्ये 101 धावा करत आपलं शतक पूर्ण केलं. त्याच्या खेळीत 10 चौकार आणि 6 षटकार होते.

गिल आणि रोहित यांनी पहिल्या विकेटसाठी अवघ्या 150 चेंडूंमध्ये 255 धावांची भागीदारी केली. या भागीदारीने भारताच्या विजयाचा पाया मजबूत केला.

रोहित बाद झाल्यानंतर विराट कोहलीने 19 चेंडूंमध्ये 29 धावा केल्या, तर ऋतुराज गायकवाडने नाबाद 31 धावा करत गिलला साथ दिली.

300 धावांचा टप्पा

भारताने 300 धावांचा टप्पाही विक्रमी वेगाने पार केला. भारताच्या फलंदाजांनी या सामन्यात केवळ लक्ष्याचा पाठलाग केला नाही, तर विक्रमांची मालिकाच रचली.

भारतीय संघाने अवघ्या 29.1 षटकांत 300 धावांचा टप्पा ओलांडला. वनडे क्रिकेटमध्ये कोणत्याही संघाने 300 धावांचा टप्पा इतक्या वेगाने गाठण्याची ही विक्रमी कामगिरी ठरली.

यावरून भारतीय फलंदाजांनी या सामन्यात किती आक्रमक फलंदाजी केली, याचा अंदाज येतो.

वेस्ट इंडिजचीही विक्रमी फलंदाजी

भारताने लक्ष्याचा पाठलाग करताना धुमाकूळ घातला असला, तरी त्याआधी वेस्ट इंडिजच्या फलंदाजांनीही भारतीय गोलंदाजांची चांगलीच परीक्षा घेतली.

जॉन कॅम्पबेल, कर्णधार शाई होप आणि अमीर जांगू यांच्या शतकांच्या जोरावर वेस्ट इंडिजने 50 षटकांत 7 विकेट्सवर 405 धावा उभारल्या.

वेस्ट इंडिजच्या वनडे इतिहासातील ही त्यांची सर्वोच्च सांघिक धावसंख्या ठरली.

कॅम्पबेलचं शतक, होप-जांगूची मोठी भागीदारी

वेस्ट इंडिजकडून जॉन कॅम्पबेलने 68 चेंडूंमध्ये 101 धावा केल्या. त्याच्या खेळीत 9 चौकार आणि 5 षटकार होते.

यानंतर कर्णधार शाई होपने डावाला दिशा दिली. त्याने 94 चेंडूंमध्ये 104 धावांची खेळी केली.

अमीर जांगूनेही तुफानी फलंदाजी करत 77 चेंडूंमध्ये 114 धावा केल्या. त्याने 13 चौकार आणि 3 षटकार लगावले.

होप आणि जांगू यांनी तिसऱ्या विकेटसाठी तब्बल 182 धावांची भागीदारी केली. त्यामुळे वेस्ट इंडिजला 400 धावांचा टप्पा ओलांडता आला.

रोस्टन चेसने शेवटी 25 चेंडूंमध्ये नाबाद 29 धावा करत संघाची धावसंख्या 405 पर्यंत नेली.

भारतीय गोलंदाजांमध्ये जडेजा-कुलदीपची चमक

वेस्ट इंडिजने 405 धावांचा डोंगर उभारल्यामुळे भारतीय गोलंदाजांसमोर मोठं आव्हान होतं. भारताकडून रवींद्र जडेजा आणि कुलदीप यादव यांनी प्रत्येकी दोन विकेट्स घेतल्या. गुरनूर ब्रारलाही दोन बळी मिळाले, तर प्रसिद्ध कृष्णाने एक विकेट घेतली. मात्र, भारतीय फलंदाजांनी केलेल्या विक्रमी फलंदाजीमुळे गोलंदाजांच्या कामगिरीपेक्षा भारताच्या पाठलागाचीच सर्वाधिक चर्चा झाली.

मालिकेवर भारताचं निर्विवाद वर्चस्व

पहिल्या सामन्यानंतर भारताने दुसऱ्या सामन्यातही वेस्ट इंडिजचा पराभव केला. त्यामुळे तीन सामन्यांच्या मालिकेत भारताने 2-0 अशी विजयी आघाडी घेतली आहे. गुवाहाटीतील या सामन्यात दोन्ही संघांच्या फलंदाजांनी धावांचा पाऊस पाडला. वेस्ट इंडिजने 405 धावा करून विक्रम रचला, पण शुभमन गिलच्या नेतृत्वाखाली भारतीय संघाने त्याहूनही मोठा विक्रम करत 406 धावांचं लक्ष्य सहज पार केलं.