U19 Asia Cup 2026 Schedule: क्रिकेट चाहत्यांसाठी महत्त्वाची बातमी! अंडर-१९ आशिया कप २०२६ स्पर्धेचं वेळापत्रक जाहीर झालं असून, भारत आणि पाकिस्तानचे युवा संघ ८ नोव्हेंबरला आमनेसामने येणार आहेत.

U19 Asia Cup 2026 Schedule: क्रिकेटच्या मैदानावर भारत आणि पाकिस्तान यांच्यातील सामना म्हटलं की चाहत्यांची उत्सुकता शिगेला पोहोचते. आता युवा क्रिकेटमध्येही दोन्ही संघांमधील रोमांचक लढत पाहण्याची संधी मिळणार आहे. १९ वर्षांखालील आशिया कप २०२६ स्पर्धेचं वेळापत्रक जाहीर ( U19 Asia Cup 2026 Time Table ) झालं असून, भारत आणि पाकिस्तान ८ नोव्हेंबरला एकमेकांविरुद्ध खेळणार ( India vs Pakistan Match ) आहेत. ओमानमध्ये होणाऱ्या या स्पर्धेत एकूण आठ संघ विजेतेपदासाठी झुंजतील. भारतीय संघाच्या सामन्यांपासून ते अंतिम फेरीच्या (Youth Cricket News) तारखेपर्यंतची संपूर्ण माहिती जाणून घ्या.

हेही वाचा: गोकुळ निवडणुकीत महायुतीतील नाराजी चव्हाट्यावर; ‘निष्ठा हरली’ म्हणत भाजपच्या ग्रामीण जिल्हाध्यक्षांची खंत

ओमानमध्ये रंगणार युवा क्रिकेटचा थरार

अंडर-१९ आशिया कप स्पर्धेला ५ नोव्हेंबर २०२६ पासून सुरुवात होणार आहे. ओमान क्रिकेट अकादमीच्या मैदानांवर या स्पर्धेतील सामने खेळवले जातील. भारत, पाकिस्तान, संयुक्त अरब अमिराती आणि नेपाळ यांचा समावेश अ गटात आहे. तर ब गटात श्रीलंका, बांगलादेश, अफगाणिस्तान आणि मलेशिया हे संघ आहेत.

प्रत्येक संघाला साखळी फेरीत तीन सामने खेळण्याची संधी मिळेल. दोन्ही गटांतील अव्वल दोन संघ उपांत्य फेरीत प्रवेश करतील. उपांत्य फेरीचे सामने १२ नोव्हेंबरला, तर अंतिम सामना १४ नोव्हेंबरला होणार आहे.

भारत-पाकिस्तान सामना ८ नोव्हेंबरला

या स्पर्धेतील सर्वाधिक लक्षवेधी लढतींपैकी एक म्हणजे भारत आणि पाकिस्तान यांच्यातील सामना. दोन्ही संघ ८ नोव्हेंबरला साखळी फेरीत आमनेसामने येतील. या सामन्यामुळे युवा क्रिकेटपटूंच्या कामगिरीकडे चाहत्यांचे विशेष लक्ष असेल.

भारतीय संघ ६ नोव्हेंबरला नेपाळविरुद्ध खेळून स्पर्धेतील मोहिमेला सुरुवात करेल. त्यानंतर पाकिस्तानविरुद्ध सामना होईल. साखळी फेरीतील भारताचा शेवटचा सामना १० नोव्हेंबरला संयुक्त अरब अमिरातीविरुद्ध होणार आहे.

अंडर-१९ आशिया कप २०२६ चा संपूर्ण वेळापत्रक

५ नोव्हेंबर: श्रीलंका विरुद्ध मलेशिया; बांगलादेश विरुद्ध अफगाणिस्तान
६ नोव्हेंबर: पाकिस्तान विरुद्ध यूएई; भारत विरुद्ध नेपाळ
७ नोव्हेंबर: अफगाणिस्तान विरुद्ध मलेशिया; श्रीलंका विरुद्ध बांगलादेश
८ नोव्हेंबर: यूएई विरुद्ध नेपाळ; भारत विरुद्ध पाकिस्तान
९ नोव्हेंबर: बांगलादेश विरुद्ध मलेशिया; श्रीलंका विरुद्ध अफगाणिस्तान
१० नोव्हेंबर: भारत विरुद्ध यूएई; पाकिस्तान विरुद्ध नेपाळ
१२ नोव्हेंबर: उपांत्य फेरीचे दोन सामने
१४ नोव्हेंबर: अंतिम सामना

सामन्यांच्या वेळापत्रकानुसार सामने भारतीय वेळेनुसार सकाळी १०.३० वाजता सुरू होणार आहेत.

मागील अंतिम सामन्यात पाकिस्तानने मारली होती बाजी

मागील १९ वर्षांखालील आशिया कपच्या अंतिम सामन्यात पाकिस्तानने भारताला मोठ्या फरकाने पराभूत केले होते. पाकिस्तानने प्रथम फलंदाजी करत ३४७ धावा केल्या, तर भारतीय संघाचा डाव १५६ धावांवर संपला. पाकिस्तानने हा सामना १९१ धावांनी जिंकला होता. त्यामुळे आगामी स्पर्धेत भारतीय युवा संघाला चांगली कामगिरी करून दाखवण्याची संधी असेल

युवा टीम इंडियासमोर जेतेपदाचं लक्ष्य

या स्पर्धेत भारतीय संघाला केवळ पाकिस्तानच नव्हे, तर इतर प्रतिस्पर्ध्यांचंही आव्हान पेलावं लागणार आहे. साखळी फेरीतील प्रत्येक सामना उपांत्य फेरीच्या दृष्टीने महत्त्वाचा असेल. फलंदाजांनी मोठी धावसंख्या उभारणे, गोलंदाजांनी योग्य वेळी बळी मिळवणे आणि क्षेत्ररक्षकांनी चुका टाळणे यावर संघाच्या यशाची दिशा अवलंबून असेल.

आता ८ नोव्हेंबरच्या भारत-पाकिस्तान सामन्यात कोणता संघ बाजी मारणार आणि भारतीय युवा खेळाडू विजेतेपदाच्या दिशेने किती दमदार वाटचाल करणार, याची उत्सुकता क्रिकेट चाहत्यांना लागली आहे.