तेलंगणा – चित्रपटालाही लाजवेल, अशी एक थरारक आणि काळजाचा ठोका चुकवणारी घटना तेलंगणामध्ये समोर आली आहे. वेंकटेश नावाच्या व्यक्तीने आपल्या सासूबाई रामव्वा यांचा ५५ लाखांच्या विम्यासाठी खून करण्याचा क्रूर कट रचला.

व्यवसायात अपयश… आणि विम्याचा खून!

वेंकटेशला व्यवसायात मोठा तोटा झाल्यामुळे तो आर्थिक अडचणीत सापडला होता.
त्यातून मार्ग काढण्यासाठी त्याने रामव्वा यांच्या नावावर ५५ लाखांचा जीवन विमा उतरवला.
त्यानंतर आपल्या भावालाही अर्धी रक्कम देण्याचे आमिष दाखवत त्याला या कुटिल कटात सामील करून घेतले.

“साईन करायचाय फॉर्म…” — आणि मृत्यूच्या दिशेने वाटचाल

एका रात्री, वेंकटेशने रामव्वांना “फॉर्मवर साईन” करायचे आहेत असं सांगत त्यांना घराबाहेर नेले.
निर्जन रस्त्यावर त्यांची पाठवणी झाली आणि त्यानंतर भाड्याने आणलेल्या SUV गाडीने जोरदार धडक दिली.

“बनावट अपघात” बनवून खून झाकण्याचा प्रयत्न

धडक ही पारंपरिक रस्ता अपघातासारखी दाखवण्याचा प्रयत्न केला गेला.
मात्र पोलिसांच्या चौकशीत फसवणूक, विमा उतरवणं, आणि मृत्यूचा काळजीपूर्वक प्लॅन समोर आला.

गुन्हा उघडकीस आला कसा?

• विमा क्लेमसाठी घाईने फॉर्म सबमिट केल्यानंतर विमा कंपनीला संशय आला.

• पोलीस तपासात CDR, सीसीटीव्ही आणि मोबाईल लोकेशन तपासण्यात आले.

• त्यात भावाची उपस्थिती, आणि गाडीचं भाडे कसे घेतले गेलं याचे पुरावे सापडले.