Mini Steamed Upma Balls Recipe: सकाळच्या नाश्त्याला रोज काय वेगळं करावं असा प्रश्न पडतोय? मग काळजी करू नका! आजच ट्राय करा हे चविष्ट वाफेवरील उपमा गोळे. खूप सोपे, झटपट आणि हेल्दी आहे. लहानांपासून मोठ्यांपर्यंत सगळ्यांना आवडतील. मग वाट कसली पाहताय? याची रेसिपी लगेच लिहून घ्या.

सकाळच्या नाश्त्याला रोज काय वेगळं करावं असा प्रश्न अनेकांना पडतो. नेहमीचे पोहे, उपमा, पराठे खाऊन कंटाळा येतो. अशावेळी काहीतरी हलकं, पौष्टिक आणि झटपट बनवणारं पदार्थ मिळालं तर दिवसाची सुरुवातच छान होते. म्हणूनच आज आपण एक वेगळी आणि चविष्ट रेसिपी पाहणार आहोत वाफेवरील उपमा गोळे.

हेही वाचा: Ram Navami 2026: यंदा २६ की २७ मार्च रामनवमी कधी आहे? वाचा शुभ मुहूर्त अन् पूजा विधी

हा पदार्थ केवळ चविष्टच नाही तर खूप हेल्दी देखील आहे. कारण हा तळलेला नसून वाफेवर शिजवलेला आहे. त्यामुळे तेलाचा वापर खूप कमी होतो आणि पचनासाठीही हलका ठरतो. लहान मुलांपासून ते मोठ्यांपर्यंत सगळ्यांना हा पदार्थ नक्कीच आवडतो.

साहित्य

रवा
मोहरी
जिरे
कडीपत्ता
हिरवी मिरची
कांदा
गाजर
मटार
मीठ
तेल
कोथिंबीर

कृती

सुरुवातीला कढईत पाणी गरम करा. त्यात मीठ घालून रवा टाका आणि हलक्या आचेवर उपमा तयार करून घ्या. उपमा थोडा गार झाल्यावर त्याचे छोटे-छोटे गोळे तयार करा.

नंतर दुसऱ्या कढईत थोडं तेल गरम करून त्यात मोहरी, जिरे आणि कढीपत्ता टाकून फोडणी द्या. त्यानंतर बारीक चिरलेला कांदा आणि हिरवी मिरची घालून परतून घ्या. आता त्यात गाजर आणि मटार घालून थोडं शिजू द्या.

यानंतर तयार केलेले उपमाचे गोळे त्यात घाला आणि ८–१० मिनिटे मंद आचेवर हलक्या हाताने परतून घ्या.

सर्व्हिंग टिप

गरमागरम उपमा गोळे नारळाच्या चटणीसोबत किंवा हिरव्या चटणीसोबत सर्व्ह करा.