गुजरात : मराठी नाटक, चित्रपट आणि मराठी कलाकार भारताच्या सिनेसृष्टीत अभिमानाचा झेंडा उंचावत आहेत. त्यातच मराठी अभिनेत्री जगाच्या कानाकोपऱ्यापर्यंत पोहोचून मराठी सिनेसृष्टीत मानाचा तुरा रोवला आहे. ज्या अभिनेत्रीला अलीकडेच मराठीसह हिंदी मनोरंजन विश्वातही लोकप्रियता मिळवली. कान्स फेस्टिव्हल, राष्ट्रीय पुरस्कार अशा विविध स्तरांतून तिच्या अभिनयासाठी कौतुकाची थाप मिळाली आहे. नुकतीच ‘स्नो फ्लॉवर’ या मराठी सिनेमाच्या निमित्तानं ‘ रशिया इंडियन फिल्म फेस्टिव्हल ‘मध्ये सहभागी होण्याचा मानसुद्धा मिळाला होता.

ही अभिनेत्री दुसरी तिसरी कोणी नसून एक प्रसिद्ध मराठी अभिनेत्री छाया कदम या आहेत. त्यांनी मराठी चित्रपटसृष्टीत ‘फॅन्ड्री’, ‘सैराट’, ‘झुंड’, ‘रेडू’ आणि ‘न्युड’ यांसारख्या चित्रपटांमध्ये उत्कृष्ट अभिनय केला. त्यांच्या अभिनयामुळे छाया कदम मराठी सिनेसृष्टीतील एक विश्वासार्ह आणि प्रतिभावान अभिनेत्री म्हणून प्रेक्षकांच्या मनात स्थान मिळवून दिले आहे.

नुकत्याच ७० व्या फिल्मफेअर पुरस्कारांमध्ये छाया कदम यांनी लापता लेडीज या चित्रपटासाठी सर्वोत्कृष्ट सहाय्यक अभिनेत्रीचा पुरस्कार पटकावला. हा पुरस्कार त्यांच्यासाठी एक महत्त्वाचा टप्पा ठरला आहे, कारण त्यांचा हा हिंदी चित्रपटसृष्टीतील पहिला फिल्मफेअर पुरस्कार आहे. या भूमिकेसाठी त्यांनी ‘मंजू माई’ या पात्रात साकारलेली भूमिका समीक्षकांकडून प्रशंसा मिळवली आहे.

कोण आहेत छाया कदम :

प्रमुख कामे:

‘फँड्री’ (2013), ‘सैराट’ (2016), ‘रेडू’ (2018), ‘झुंड’ (2022), आणि ‘गंगूबाई काठियावाडी’ (2022) यांसारख्या चित्रपटांमध्ये त्यांनी काम केले आहे.

पुरस्कार:

‘लापता लेडीज’ चित्रपटासाठी त्यांना नुकताच फिल्मफेअर पुरस्कार मिळाला आहे, जो शाहरुख खान यांच्या हस्ते प्रदान करण्यात आला.

इतर यश:

त्यांच्या अभिनयाची दखल आंतरराष्ट्रीय स्तरावर घेण्यात आली आहे आणि त्यांनी कान्स चित्रपट महोत्सवातही हजेरी लावली आहे.

ओळख:

छाया कदम यांच्या अभिनयाची लांबी जरी कमी असली तरी, त्यांच्या दमदार सादरीकरणामुळे त्यांना प्रचंड ओळख मिळाली आहे.

हे हि वाचा : बॉबी देओल दिसणार नव्या लुकमध्ये; ‘प्रोफेसर व्हाइट नॉईज’ म्हणून करणार भूमिका

अभिनेत्री छाया कदमच्या अभिनयातील वैशिष्ट्य म्हणजे त्यांची पात्रांची जिवंत आणि वास्तविक मांडणी. ‘फॅन्ड्री’ मध्ये त्यांनी ग्रामीण जीवनातील संघर्ष सादर केला, तर ‘सैराट’ मध्ये सामाजिक मुद्द्यांवर आधारित भूमिका साकारली. ‘झुंड’ मध्ये त्यांनी प्रेरणादायी आणि प्रभावशाली अभिनय केला. ‘रेडू’ आणि ‘न्युड’ मधील भूमिकांमुळे त्यांचे अभिनय कौशल्य अधिक दृढ झाले, तर ‘गंगूबाई काठियावाडी’ मध्ये त्यांची उपस्थिती आणि अभिनयाने चित्रपटाला बळ दिले.

फिल्मफेअर पुरस्कारासह, छाया कदम आता बॉलिवूडमध्येही एक महत्त्वाची अभिनेत्री म्हणून मानली जाते. त्यांनी मराठी आणि हिंदी चित्रपटांच्या सीमारेषा ओलांडून प्रेक्षक आणि समीक्षक यांचा मन जिंकले आहे. त्यांच्या पुढील प्रकल्पांवर रसिकांची उत्सुकता आहे, आणि त्यांच्या आगामी चित्रपटांमध्ये त्यांच्या अभिनयाची उत्कंठा प्रेक्षकांना वाट पाहायला भाग पाडेल.

छाया कदमच्या यशामुळे मराठी कलाकारांना हिंदी चित्रपटसृष्टीत संधी मिळण्याची प्रेरणा मिळते आणि त्यांच्या मेहनतीला राष्ट्रीय स्तरावर मान्यता मिळते. माधुरी दीक्षित सोबत स्पर्धा, शेफाली शाह, रत्ना पाठक शाह आणि तिलोत्तमा शोम अशा नामांकित अभिनेत्रींची स्पर्धा होती. मात्र, छायांच्या प्रामाणिक आणि प्रभावी अभिनयाने त्यांनी सर्वांची मने जिंकत पुरस्कार आपल्या नावावर केला.