Hidma Encounter : छत्तीसगड-आंध्र प्रदेश सीमेवर सुरक्षा दलांशी झालेल्या जोरदार चकमकीत जहाल माओवादी नेता मडावी हिडमाचा खात्मा करण्यात आला आहे. 6 एप्रिल 2010 रोजी ताडमेटला येथे देशातील सर्वात मोठ्या नक्षलवादी हल्ल्यात माडवी हिडमाच्या नेतृत्वात माववाद्यांनी तब्बल ७६जवानांना मारलं होतं. तर ५०० हून अधिक जवानांच्या हत्याकांडाचा मास्टरमाईंड असलेला हा कुख्यात माओवादी त्याच्या पत्नीसह ठार झाला आहे. त्याच्यावर 6 कोटी रुपयांचं बक्षीस होतं.

छत्तीसगड आणि आंध्र प्रदेशच्या सीमेवर सुरक्षा दलांकडून काल रात्री मोठी कारवाई करण्यात आली. या चकमकीत सहा कोटी रुपये बक्षीस असलेला आणि अनेक हिंसक घटनांचा सूत्रधार असलेला माओवादी नेता मडावी हिडमा आणि त्याची पत्नी राजे हे दोघेही ठार झाले आहेत, अशी माहिती समोर आली आहे. मडावी हिडमा हा माओवाद्यांच्या बटालियन क्रमांक एकचा सुप्रीम कमांडर होता, तसेच तो माओवाद्यांच्या केंद्रीय समितीचा सदस्य देखील होता.

भयानक नक्षलवादी कमांडर हिडमाच्या मृत्युच्या बातमीने त्याचा रक्तरंजित इतिहास पुन्हा एकदा प्रकाशझोतात आला आहे. ६ कोटी रुपयांचे बक्षीस असलेला हिडमा इतका भयभीत होता की सुरक्षा दलांनाही जंगलात अधिक सतर्क राहावे लागत असे. तो छत्तीसगड, ओडिशा, तेलंगणा आणि महाराष्ट्रातील घनदाट जंगलांचा राजाश्रय घेत सैनिकांवर हल्ला करत असे. झिरम व्हॅली (२०१३) आणि विजापूर (२०२१) सारख्या देशातील काही सर्वात मोठ्या नक्षलवादी हल्ल्यांचा तो सूत्रधार मानला जात होता. याच माडवी हिडमाचा आज खात्मा करण्यात भारतीय जवानांना यश आलं आहे.

७६ जवानांची हत्या अन् रक्तरंजित इतिहास

हिडमाला त्याच्या गावी, पूर्वती येथून नक्षलवादी संघटनेने फक्त १६ वर्षांचा असताना भरती केले होते. त्याच्या शरीरयष्टी ऐवजी तो अत्यंत चपळ आणि हुशार होता. तो लवकर सर्व गोष्टी शिकला. नक्षलवाद्यांची स्वतःची शिक्षण व्यवस्था आणि सांस्कृतिक समिती आहे, जिथे हिडमा वाचायला, लिहायला, गाणे आणि संगीत शिकला. प्रशिक्षण पूर्ण केल्यानंतर, त्याला महाराष्ट्रातील गडचिरोली भागात पोस्ट करण्यात आले. २०१० मध्ये ताडमेटला येथे ७६ सैनिकांच्या हत्येनंतर संघटनेतील त्याचा दर्जा आणखी वाढला. त्यानंतर, त्याने झिरम व्हॅली हल्ल्याची योजना देखील आखली होती. २०१७ मध्ये सुकमा येथील बुरकापाल येथे सीआरपीएफवर झालेल्या हल्ल्यामागील सूत्रधार हिडमा असल्याचेही म्हटले जाते.

कमांडर हिडमाचा रक्तरंजित इतिहास

माडवी हिडमा अत्यंत क्रूर नक्षल कमांडर असून तो छत्तीसगडमधील बिजापूर जिल्ह्यातील पुवर्ती गावाचा स्थानिक भूमिपुत्र होता.

त्याला देशाच्या नक्षल इतिहासातला एक क्रूर आणि धोकादायक नक्षल कमांडर मानले जात होते.

अनेक वर्ष नक्षलवाद्यांच्या सर्वात घातक मानल्या जाणाऱ्या बटालियन 1 चा नेतृत्व माडवी हिडमा करत होता सुरक्षा दलाना सर्वाधिक नुकसान पोहोचवण्याचे काम ते करत होता.

6 एप्रिल 2010 रोजी ताडमेटला येथे देशातील सर्वात मोठ्या नक्षलवादी हल्ल्यात माडवी हिडमाच्या नेतृत्वात बटालियन 1 ने सीआरपीएफच्या 76 जवानांना मारले होते.

2013 मध्ये सुकमा मधील झिरम घाटीत काँग्रेस नेत्यांच्या ताफ्यावर माडवी हिडमाच्या नेतृत्वात हल्ला होऊन 31 काँग्रेस नेत्यांचा दुर्दैवी मृत्यू झाला होता.

2017 मध्ये भेज्जी या ठिकाणी सीआरपीएफच्या 12 जवानांचा मृत्यूसाठी हिडमा व बटालियन 1 जबाबदार मानले जातात.

2017 मध्ये बुरकापाल या ठिकाणी 25 पोलिसांचा मृत्यूमागे हिडमाच्या बटालियन 1 चा हात होता.

4 एप्रिल 2021 रोजी टेकुलगुडा मध्ये हिडमाच्या नेतृत्वात नक्षलवाद्यांनी 23 सीआरपीएफ जवानांची हत्या केली होती.