Gold-Silver Prices | मागील काही दिवसांपासून सोने (Gold) आणि चांदीच्या (Silver) दरांमध्ये चढ-उतार होताना दिसत आहेत. कधी सोन्याच्या किंमती वाढत आहेत तर कधी कमी होताना दिसत आहेत. तर कधी चांदीच्या किंमतींमध्येही चढ-उतार होताना दिसत आहेत. आताही सोनं महागलं, ज्यामुळे सर्वसामान्यांना मोठा फटका बसणार आहे. मात्र, दुसरीकडे चांदी स्वस्त झाली आहे, त्यामुळे चांदी खरेदी करणाऱ्यांना थोडा दिलासा मिळणार आहे.

हेही वाचा –  “राजकारणाचा नियम आहे 1 रूपयाचं काम करायंच अन् 10 रूपयांची…”, नितीन गडकरींच्या वक्तव्याने उंचावल्या भुवया

सोन्या-चांदीचे आजचे दर काय?

आज (19 मे) सोन्याच्या दरात किरकोळ वाढ झाली असून चांदीच्या दरात मोठी घसरण पाहायला मिळाली. मल्टी कमोडिटी एक्सचेंज (MCX) वर सकाळी सुमारे 9.51 वाजता 5 जून डिलिव्हरीचे सोने ₹93 रुपयांनी वाढून ₹1,58,996 प्रति 10 ग्रॅमवर पोहोचले आहे. तर 3 जुलै डिलिव्हरीची चांदी ₹1,485 रुपयांनी घसरून ₹2,75,266 प्रति किलोवर पोहोचली.

मंगळवारी सोन्याच्या दरात थोडे चढ-उतार पाहायला मिळाले. 5 जून डिलिव्हरीचे सोने सोमवारच्या ₹1,59,008 प्रति 10 ग्रॅम दराच्या तुलनेत त्याच दराजवळ उघडले. दिवसभरात सोन्याचा भाव ₹1,59,437 पर्यंत वाढला, तर किमान ₹1,58,601 पर्यंत खाली आला. दरम्यान, 3 जुलै डिलिव्हरीच्या चांदीच्या दरात किंचित घसरण झाली. चांदी ₹2,76,271 प्रति किलो दराने खुली झाली. दिवसभरात चांदीचा उच्चांक ₹2,76,666 प्रति किलो, तर नीचांक ₹2,74,606 प्रति किलो इतका नोंदवला गेला आहे.

दिल्लीच्या सराफा बाजारात सोने आणि चांदीच्या दरात वेगवेगळे बदल दिसून आले. ऑल इंडिया सराफा असोसिएशनच्या माहितीनुसार, दिल्लीच्या सराफा बाजारात चांदीचा भाव 1000 रुपयांच्या वाढीसह 2,76,000 रुपये प्रति 1 किलोवर बंद झाला. चांदी वगळता दिल्लीच्या सराफा बाजारात 99.9 टक्के शुद्ध सोन्याच्या दरात कोणताही बदल झाला नाही आणि तो गेल्या आठवड्यातील शुक्रवारच्या दराप्रमाणे 1,62,800 रुपये प्रति 10 ग्रॅमवर ​​स्थिर राहिला.