DA Hike 2026: केंद्रीय सरकारी कर्मचारी सध्या ८ व्या वेतन आयोगाकडे डोळे लावून बसले आहेत. वेतन आणि भत्यांमध्ये मोठा बदल होण्याची अपेक्षा असतानाच आता महागाई भत्त्याबाबतही महत्वाचे संकेत मिळाले आहेत.

यंदा २०२६ च्या दुसऱ्या सहामाहीत म्हणजेच जुलैपासून लागू होणाऱ्या DA वाढीची अधिकृत घोषणा अद्याप झालेली नसली, तरी पुढील काही महिन्यांतील महागाईच्या आकडेवारीवरून जानेवारी २०२७ च्या DA चे संभाव्य गणित समोर येऊ लागले आहे.

सध्याच्या उपलब्ध आकडेवारीनुसार जानेवारी २०२७ मध्ये केंद्रीय कर्मचाऱ्यांचा DA ६४ टक्क्यांपर्यंत (DA Hike Latest News) पोहोचण्याचा अंदाज व्यक्त केला जात आहे. मात्र, हा अंतिम आकडा नसून पुढील काही महिन्यांच्या CPI-IW आकडेवारीनंतर त्यात बदल होऊ शकतो.

हेही वाचा: SBI PO Score Card 2026 जाहीर; असा चेक करा तुमचा स्कोअर आणि कट-ऑफ

जुलैच्या आकडेवारीने दिला महत्त्वाचा संकेत

केंद्रीय कर्मचाऱ्यांच्या DA ची गणना करण्यासाठी Consumer Price Index for Industrial Workers (CPI-IW) हा महत्वाचा आधार असतो. जुलै २०२६ मध्ये CPI IWमध्ये मागील महिन्याच्या (Dearness Allowance 2026) तुलनेत १.३ अंकांची वाढ झाली आणि निर्देशांक १५३.२ वर पोहोचला. जूनमध्ये हा आकडा १५१.९ होता. लेबर ब्युरोने ३१ ऑगस्ट रोजी जुलै महिन्याची आकडेवारी जाहीर केली. या आकडेवारीमुळे आगामी DA वाढीबाबतचे गणित आणखी स्पष्ट होण्यास मदत झाली आहे. जुलै २०२६ मध्ये CPI-IWवर आधारित वर्षभरातील महागाईचा दर ४.५७ टक्के नोंदवण्यात आला. मागील वर्षी याच काळात हा दर २.६६ टक्के होता.

जानेवारी २०२७ मध्ये DA ६४% होणार?

सध्या उपलब्ध १२ महिन्यांच्या CPI-IW आकडेवारीवर आधारित प्राथमिक गणनेनुसार जानेवारी २०२७ चा DA जवळपास ६४ टक्के येत असल्याचे दिसते. मात्र, याचा अर्थ असा नाही की जानेवारी २०२७ (January 2027 DA) मध्ये DA निश्चितपणे ६४ टक्केच होईल. आता DA ची अंतिम गणना करण्यासाठी आणखी काही महिन्याची आकडेवारी आवश्यक आहे. पुढील CPI-IW अहवालांमध्येनिर्देशांक वाढला किंवा कमी झाला, तर अंतिम DA टक्केवारीतही फरक पडू शकतो.

DAची गणना नेमकी कशी होते?

महागाई भत्त्यातील बदल ठरवण्यासाठी मागील 12 महिन्यांच्या CPI-IW निर्देशांकाची सरासरी विचारात घेतली जाते. जानेवारी 2027च्या DAसाठी ऑगस्ट 2025 ते जुलै 2026पर्यंतच्या आकडेवारीचा प्राथमिक आधार घेतला जात आहे. या कालावधीतील निर्देशांकाची सरासरी सध्या 149.21 इतकी आहे. या आकडेवारीच्या आधारे केलेल्या प्राथमिक गणनेत DA सुमारे 64 टक्के दिसत आहे. मात्र, ऑगस्ट, सप्टेंबर, ऑक्टोबर, नोव्हेंबर आणि डिसेंबर 2026 या पाच महिन्यांची आकडेवारी अद्याप बाकी आहे. त्यामुळे जानेवारी 2027चा अंतिम DA किती असेल, हे या पुढील आकडेवारीवर मोठ्या प्रमाणात अवलंबून राहणार आहे.

सध्या DA किती आहे?

आता केंद्र सरकारच्या कर्मचाऱ्यांना सध्या 60 टक्के महागाई भत्ता मिळत आहे. त्यामुळे जानेवारी 2026 पासून सरकारने DAमध्ये 2 टक्क्यांची वाढ केली होती. त्यानंतर DA 58 टक्क्यांवरून 60 टक्के झाला. आता जुलै 2026पासून लागू होणाऱ्या पुढील DA वाढीची घोषणा होणे बाकी आहे. साधारणपणे केंद्र सरकार वर्षातून दोन वेळा महागाई भत्त्यात सुधारणा करते. या सुधारणा जानेवारी आणि जुलै या दोन कालावधींसाठी लागू केल्या जातात.

जुलै 2026च्या वाढीचा निर्णय कधी?

जुलै 2026पासून लागू होणाऱ्या DAबाबत केंद्र सरकारकडून अद्याप अंतिम घोषणा झालेली नाही. मात्र, मागील पद्धतीनुसार पाहता या वाढीची अधिकृत घोषणा ऑक्टोबर 2026च्या आसपास होण्याची शक्यता आहे. DA वाढीचा निर्णय झाल्यानंतर कर्मचाऱ्यांना वाढीव रक्कम तसेच नियमानुसार थकबाकी मिळण्याची शक्यता असते.

8वा वेतन आयोग आणि DAचा काय संबंध?

केंद्रीय कर्मचाऱ्यांसाठी सध्या 8वा वेतन आयोग हा सर्वात चर्चेचा विषय आहे. नवीन वेतन आयोगाच्या शिफारशींमुळे कर्मचाऱ्यांच्या वेतनरचनेत मोठे बदल होण्याची शक्यता आहे.

मात्र, DA आणि वेतन आयोगाची गणना ही दोन स्वतंत्र प्रक्रिया आहेत. त्यामुळे 8व्या वेतन आयोगाच्या शिफारशी येण्याची वाट पाहत असतानाच DAमध्ये नियमानुसार होणारे बदल सुरू राहणार आहेत.

8व्या वेतन आयोगाच्या शिफारशी पुढील वर्षी सरकारकडे सादर होण्याची अपेक्षा आहे. त्यामुळे 2026-27 हा कालावधी केंद्रीय कर्मचाऱ्यांसाठी आर्थिकदृष्ट्या महत्त्वाचा ठरू शकतो.