Gyanesh Kumar Resignation: ज्ञानेश कुमार यांच्या राजीनाम्याच्या मागणीवरून राजकीय वातावरण तापले असतानाच आता Gen Z पुन्हा आंदोलनाच्या तयारीत आहे. CJP ने 10 ऑक्टोबरला दिल्लीत मोठ्या आंदोलनाची घोषणा केली आहे. या आंदोलनात नेमके कोणते मुद्दे मांडले जाणार आहेत, जाणून घ्या.

मुख्य निवडणूक आयुक्त ज्ञानेश कुमार (Gyanesh Kumar News) यांच्या राजीनाम्याच्या मागणीवरून राजकीय वातावरण तापले असतानाच आता कॉकरोच जनता पार्टीनेही CJP Protest) आंदोलनाची घोषणा केली आहे. पक्षाकडून येत्या १० ऑक्टोबरला दिल्लीमध्ये (CJP October 10 Protest) मोठे आंदोलन करण्याचे जाहीर करण्यात आले आहे.

ज्ञानेश कुमार यांच्या राजीनाम्याच्या मागणीसाठी विरोधी पक्षांकडून सातत्याने सरकारवर दबाव वाढवला जात आहे. मुंबईनंतर आता दिल्लीतही या मुद्द्यावर आंदोलनाची तयारी सुरू असल्याचे दिसत आहे. इंडिया आघाडीतील नेते आणि खासदारांनीही या मागणीवरून आक्रमक भूमिका घेतल्याचे सांगितले जात आहे.

हेही वाचा: विराट कोहली, 5 कोटी आणि प्रेमानंद महाराजांचा आश्रम; फलाहारी महाराजांच्या दाव्याने नवा ट्विस्ट

10 ऑक्टोबरला दिल्लीत आंदोलन

कॉकरोच जनता पार्टीने 10 ऑक्टोबर रोजी राजधानी दिल्लीत आंदोलन करण्याचा निर्णय घेतला आहे. या आंदोलनात तरुणांसह जनरेशन झेडमधील नागरिक मोठ्या संख्येने सहभागी होतील, असा दावा पक्षाचे प्रवक्ते सौरव दास यांनी केला आहे.

दास यांनी सोशल मीडिया प्लॅटफॉर्म ‘एक्स’वर पोस्ट करत तरुणांच्या मतदानाच्या अधिकाराचा मुद्दा उपस्थित केला. निवडणूक प्रक्रिया पारदर्शक असावी आणि नागरिकांना त्यांच्या मतदानाच्या अधिकाराचा योग्य वापर करता यावा, अशी मागणी त्यांनी केली.

मतदार यादी आणि मतदानाच्या अधिकाराचा मुद्दा

सौरव दास यांनी मतदार यादीतील नावांशी संबंधित प्रश्न उपस्थित केले आहेत. मतदार यादीतून नावे वगळली गेल्यास संबंधित नागरिकांच्या मतदानाच्या अधिकारावर परिणाम होऊ शकतो, असा दावा त्यांनी केला.

याच मुद्द्याला केंद्रस्थानी ठेवून तरुणांनी आंदोलनात सहभागी व्हावे, असे आवाहनही करण्यात आले आहे. निवडणूक व्यवस्थेबाबत निर्माण झालेल्या प्रश्नांवर सरकारने स्पष्टीकरण द्यावे, अशी पक्षाची भूमिका असल्याचे सांगण्यात आले आहे.

बेरोजगारीचा मुद्दाही आंदोलनात

निवडणूक प्रक्रियेबरोबरच बेरोजगारीच्या प्रश्नाकडेही सौरव दास यांनी लक्ष वेधले आहे. देशातील तरुणांना त्यांच्या मतदानाच्या माध्यमातून व्यवस्थेत बदल घडवून आणण्याची संधी मिळाली पाहिजे, असे त्यांनी म्हटले आहे.

तरुणांच्या रोजगारासह इतर मूलभूत प्रश्नांवर ठोस उपाययोजना करण्याची गरज असल्याचेही पक्षाकडून सांगण्यात आले आहे.

हेही वाचा: दिवाळीपूर्वीच ‘या’ ४ राशींचे अच्छे दिन! शुक्राच्या गोचराने तयार होणार मालव्य राजयोग

यापूर्वीही आंदोलनाचा दावा

कॉकरोच जनता पार्टीने यापूर्वी जंतर-मंतरवर नीट परीक्षेतील कथित पेपरफुटीच्या मुद्द्यावर आंदोलन केल्याचा दावा केला होता. त्यावेळी सुरुवातीला आंदोलनाकडे फारसे लक्ष दिले गेले नसल्याचा आरोप पक्षाकडून करण्यात आला.

त्यानंतर तरुणांनी मोठ्या प्रमाणावर आंदोलन केल्याने सरकारवर दबाव निर्माण झाल्याचा दावा करण्यात आला. याच पार्श्वभूमीवर आता ज्ञानेश कुमार यांच्या राजीनाम्याच्या मागणीसाठी पुन्हा आंदोलनाची घोषणा करण्यात आली आहे. दरम्यान, 10 ऑक्टोबरच्या आंदोलनाला किती प्रतिसाद मिळतो आणि त्यानंतर सरकारची भूमिका काय राहते, याकडे राजकीय वर्तुळाचे लक्ष लागले आहे.