Raj Thackeray-Sanjay Raut meet : महाराष्ट्र नवनिर्माण सेनेचे अध्यक्ष राज ठाकरे यांनी शिवसेना खासदार संजय राऊत यांची सदिच्छा भेट घेतली आहे. यावेळी दोघांमध्ये अर्धा तास चर्चा झाल्याची माहिती समोर आली आहे. राज ठाकरे यांनी संजय राऊत यांची भेट घेऊन त्यांच्या तब्येतीची विचापूस केली आहे. विशेष म्हणजे तब्बल वीस वर्षांनंतर राज ठाकरे हे संजय राऊत यांच्या निवासस्थानी गेले आहेत.

काही दिवसांपूर्वी संजय राऊत यांची तब्येतीच्या कारणास्तव त्याची रुग्णालयात दाखल करण्यात आलं होतं. मात्र, त्यांना नुकताच रुग्णालयातून डिस्चार्ज मिळाला आहे. त्यानंतर त्यांच्या तब्येतीची विचारपूर करण्यासाठी उद्धव ठाकरे यांच्यासह अन्य नेत्यांनी त्यांची भेट घेतली. त्यानंतर आता राज ठाकरे यांनी देखील संजय राऊत यांच्या भांडूप येथील निवासस्थानी संजय राऊत यांची भेट घेतली. या भेटी संदर्भात सुनील राऊत यांनी माहिती दिली.

हेही वाचा – मोठा निर्णय! प्रधानमंत्री कार्यालयाच्या नावात बदल, ‘सेवा तीर्थ’ देण्याचा ‘हा’ आहे महत्त्वाचा उद्देश

राऊत साहेब आजारी आहेत, हे सगळ्यांना माहिती आहे, राज ठाकरे हे सतत फोनद्वारे माझ्या संपर्कात होते. ते सतत संजय राऊत यांच्या तब्येतीची विचारपूस करत होते. त्यांच्यावर कोणते उपचार सुरू आहेत, त्यांना युएसला नेलं पाहिजे का? अशी चैकशी ते संजय राऊत यांच्यासंदर्भात नेहमीच माझ्याकडे करत होते. दरम्यान त्यानंतर आता राज ठाकरे हे संजय राऊत यांची भेट घेण्यासाठी आले होते, त्यांच्यामध्ये जवळपास अर्धा तास चर्चा झाली.

आज मा. राजसाहेब ठाकरे यांनी शिवसेना पक्षाचे नेते व खासदार श्री. संजय राऊत यांची सदिच्छा भेट घेतली. या भेटीचे काही क्षणचित्रे..#MNSAdhikrut pic.twitter.com/fB5QVGHmkV

— MNS Adhikrut – मनसे अधिकृत (@mnsadhikrut) December 3, 2025

राज ठाकरे यांनी दिला संजय राऊत यांना सल्ला

राज ठाकरे यांनी संजय राऊत यांना भेटून त्यांच्या तब्येतीची चौकशी केली, तसचे त्यांनी संजय राऊत यांना सल्ला देखील दिला की, ज्या पद्धतीचा तुमचा आजार आहे, ते पहाता आता तुम्हाला तुमच्या तब्येतीची काळजी घेतली पाहिजे. लोकांमध्ये न मिसळता आणखी दीड महिने आराम करा आणि त्यानंतर मग तुम्ही जनतेमध्ये या, असा सल्ला राज ठाकरे यांनी संजय राऊत यांना दिला आहे, अशी माहिती यावेळी सुनील राऊत यांनी दिली आहे.

दरम्यान पुढे बोलताना ते म्हणाले की, राज ठाकरे साधारणपणे वीस वर्षांनी संजय राऊत यांच्या घरी आले, मात्र आता बराच बदल झाल्यानं राज ठाकरे रस्त्यांच्या संदर्भात कन्फूज होते. आम्हालाही उत्सुकता होती, राज ठाकरे आमच्या घरी आले, त्यामुळे आम्हीही आनंदी आहोत, असं यावेळी सुनील राऊत यांनी म्हटलं आहे.