America Attack On Iran | मागील काही दिवसांपासून अमेरिका (America), इस्त्रायल (Israel) आणि इराण (Iran) या देशांमध्ये जोरदार युद्ध सुरू आहे. दोन दिवसांपूर्वीच इराणने अमेरिकेवर जोरदार हल्ला केला होता. 500 हून अधिक बॅलिस्टिक क्षेपणास्त्रे आणि 2000 ड्रोनचा हल्ला इराणने अमेरिकेवर केला होता. पण, हा हल्ला अमेरिकेने रोखत आता इराणवर त्यांनी प्रतिहार केला आहे, ज्यामध्ये इराणच्या युद्धनौका उद्धवस्त झाल्या आहेत.

हेही वाचा – भारताचा कोणत्या देशाला पाठिंबा? युद्धजन्य परिस्थितीवर पंतप्रधान मोदींची पहिली प्रतिक्रिया

इराणने अमेरिका आणि इस्त्रायल तळांना लक्ष्य करण्यासाठी ड्रोन, मिसाईलचा वापर करत हल्ला करण्याचा प्रयत्न केला होता. मात्र, अमेरिकेच्या लष्कराने अत्याधुनिक तंत्रज्ञानाचा वापर करत इराणचे सर्व हल्ले हवेतच नष्ट केले. त्यानंतर आक्रमक झालेल्या अमेरिकेने इराणवर प्रतिहार केला आहे.

अमेरिकेकडून इराणचे नौदल पूर्णपणे निकामी

अमेरिकेच्या सेंट्रल कमांडने दिलेल्या माहितीनुसार, या युद्धात अमेरिकेने इराणच्या 17 युद्धनौका पाण्यातच उद्धवस्त केल्या आहेत. तर 2000 हून अधिक लष्करी तळांना लक्ष्य करण्यात आलं आहे.

या हल्ल्याबाबत अमेरिकन सेंट्रल कमांडचे अधिकारी ब्रॅड कूपर यांनी म्हटलं आहे की, आज ओसामानचा उपसागर, अरबी समुद्र आणि होर्मुजची सामुद्रधुणीमध्ये इराणचे एकही जहाज शिल्लक राहिलेले नाहीये. त्यांचे नौदल आम्ही पूर्णपणे निकामी केले आहे”, असं ब्रॅड कूपर यांनी सांगितलं.