Rohit Arya encounter case : रोहित आर्या एन्काऊंटर प्रकरणातून मोठी बातमी समोर आली आहे. मुंबईतील पवई येथील आरए स्टुडिओत 17 मुलांना ओलीस ठेवलेल्या रोहीत आर्याच्या एन्काऊंटर प्रकरणात तत्कालीन असलेल्या दीपक केसरकर यांचा गुन्हे शाखा जबाब नोंदवणार असल्याचे सांगितले जात आहे. मुलांना ओलीस ठेवून त्याने मला काहीतरी बोलायचे आहे, काहीतरी सांगायचे आहे? असा संदेश देणार एक व्हिडीओ शेअर केला होता. त्यानंतर पोलीस त्याच्याशी चर्चा करत होते. यावेळी त्याने मला दीपक केसरकर यांच्याशी बोलायचे आहे, अशी मागणी केली होती, याच कारणावरून त्यांचा जबाब नोंदविला जाणार आहे.

रोहीत आर्याने ओलीस ठेवलेल्या मुलांची सुटका करताना पोलिसांनी केलेल्या गोळीबारात त्याचा मृत्यू झाला होता. आता याच प्रकरणात आता मोठी माहिती समोर येत आहे. रोहित आर्याने जेव्हा मुलांना ओलीस ठेवले होते. तेव्हा पोलिसांनी दीपक केसरकर यांना रोहित आर्याशी बोलण्याची विनंती केली होती. मात्र दीपक केसरकर यांनी रोहित आर्याशी बोलण्यास नकार दिला होता, अशी माहिती मिळालेली आहे. याच प्रकरणी आता मुंबई पोलीस दीपक केसरकर यांचा जबाब नोंदवणार आहेत. मुंबई पोलिसांची गुन्हे शाखेने माजी मंत्री दीपक केसरकर यांना फोन केला आहे. लवकरच केसरकर यांचा जबाब नोंदवला जाणार आहे.

हेही वाचा – Pune Crime News : पुण्यात संतापजनक घटना! ‘अल्पवयीन विद्यार्थिनी’चा शिक्षकाकडून विनयभंग

रोहित आर्याने नेमका काय आरोप होता?

रोहित आर्याने शिक्षण विभागावर गंभीर स्वरुपाचे आरोप केलेले होते. शिक्षण विभागाने माझ्या कामाचे पैसे थकवलेले होते, असा दावा रोहित आर्याने केला होता. हे पैसे मिळावेत म्हणून त्याने अनेकवेळा आंदोलनही केले होते. रोहित आर्याचे पैसे कथितपणे अडकलेले असताना दीपक केसरकर हे शिक्षण विभागाचे मंत्री होते. शिक्षण विभागाने मात्र रोहित आर्याशी कोणताही करार केलेला नव्हता, असे स्पष्ट केलेले आहे. त्यामुळे आता केसरकर यांचा जबाब कधी नोंदवला जाणार आणि केसरकर नेमकी काय माहिती देणार? हे पाहणे महत्त्वाचे ठरणार आहे.

केसरकरांनी आर्याशी बोलण्यास दिला होता नकार

रोहित आर्याने मुलांना जेव्हा ओलीस ठेवले होते, तेव्हा पोलीस त्याच्याशी चर्चा करत होते. यावेळी त्याने मला दीपक केसरकर यांच्याशी बोलायचे आहे, अशी मागणी केली होती. रोहित आर्याशी वाटाघाटी करण्याचा प्रयत्न पोलीस करत होते. मात्र केसरकरांनी आर्याशी बोलण्यास नकार दिला आणि नंतर आर्याचे एन्काऊंटर करण्यात आले. दीपक केसरकर अप्रत्यक्षपणे का होईना या प्रकरणाशी जोडले गेलेले आहेत. त्यामुळेच त्यांची बाजू जाणून घेण्यासाठी येत्या काळात केसरकर यांचा जबाब नोंदवला जाणार आहे.