Share Market Highlights : देशांतर्गत शेअर बाजार पुन्हा एकदा घसरणीसह बंद झाला आहे. गेल्या आठवड्यात सलग पाच सत्रे घसरणीसह बंद झालेला बाजार या आठवड्यात सोमवारी वाढीसह बंद झाला. मात्र, मंगळवारी लाल रंगात बंद झालेला बाजार बुधवारीही घसरणीसह बंद झाला. आज, बीएसई सेन्सेक्स 244.98 अंकांनी (0.29%) घसरुन 83,382.71 अंकांवर बंद झाला. तर, एनएसई निफ्टी 50 निर्देशांक 66.70 अंकांनी (0.26%) घसरुन 25,665.60 अंकांवर बंद झाला. यापूर्वी, मंगळवारी, सेन्सेक्स 250.48 अंकांनी (0.30%) घसरुन 83,627.69 अंकांवर आणि निफ्टी 57.95 अंकांनी (0.42%) घसरुन 25,732.30 अंकांवर बंद झाला.

सेन्सेक्सच्या 30 पैकी 17 कंपन्यांचे शेअर्स लाल रंगात बंद :

बुधवारी, सेन्सेक्सच्या 30 कंपन्यांपैकी फक्त 12 कंपन्या वाढीसह हिरव्या रंगात बंद झाल्या, तर उर्वरित 18 कंपन्या नुकसानासह लाल रंगात बंद झाल्या. त्याचप्रमाणे, आज, निफ्टी 50 कंपन्यांपैकी फक्त 23 कंपन्या वाढीसह हिरव्या रंगात बंद झाल्या, तर उर्वरित 27 कंपन्यांचे शेअर्स नुकसानासह लाल रंगात बंद झाले. सेन्सेक्स कंपन्यांमध्ये, टाटा स्टील सर्वाधिक 3.70 टक्के वाढीसह बंद झाला, तर एशियन पेंट्स सर्वाधिक 2.39 टक्के घसरणीसह बंद झाला.

सेन्सेक्सच्या उर्वरित कंपन्यांचं आजचं प्रदर्शन :

बुधवारी, सेन्सेक्सच्या उर्वरित कंपन्यांमध्ये, एनटीपीसी 3.21 टक्के, अ‍ॅक्सिस बँक 2.98 टक्के, अल्ट्राटेक सिमेंट 1.65 टक्के, एटरनल 1.60 टक्के, बीईएल 1.11 टक्के, रिलायन्स इंडस्ट्रीज 0.48 टक्के, ट्रेंट 0.27 टक्के, एचसीएल टेक 0.22 टक्के, इन्फोसिस 0.07 टक्के, अदानी पोर्ट्स 0.06 टक्के आणि आयटीसी 0.03 टक्के वाढीसह बंद झाले.

कोणते शेअर्स घसरणीसह बंद :

दुसरीकडे, आज टीसीएसचे शेअर्स 2.30 टक्क्यांनी, मारुती सुझुकी 1.77 टक्क्यांनी, सन फार्मा 1.69 टक्क्यांनी, हिंदुस्तान युनिलिव्हर 1.53 टक्क्यांनी, कोटक महिंद्रा बँक 1.38 टक्क्यांनी, टेक महिंद्रा 1.30 टक्क्यांनी, आयसीआयसीआय बँक 1.28 टक्क्यांनी, एचडीएफसी बँक 1.20 टक्क्यांनी, एल अँड टी 0.58 टक्क्यांनी, इंडिगो 0.53 टक्क्यांनी, टायटन 0.47 टक्क्यांनी, बजाज फिनसर्व 0.37 टक्क्यांनी, महिंद्रा अँड महिंद्रा 0.37 टक्क्यांनी, भारती एअरटेल 0.35 टक्क्यांनी, बजाज फायनान्स 0.29 टक्क्यांनी, पॉवरग्रीड 0.29 टक्क्यांनी आणि स्टेट बँक ऑफ इंडियाचे शेअर्स 0.21 टक्क्यांनी घसरुन बंद झाले.