Chandrapur Mayor Deputy Mayor Power Sharing : चंद्रपूर महानगरपालिकेत (Chandrapur Municipal Corporation) गेल्या काही दिवसांपासून सुरू असलेल्या राजकीय नाट्यमय घडमोडीनंतर अखेर महापौर आणि उपमहापौर पदाचा पदग्रहण सोहळा (Inauguration ceremony) दिमाखात पार पडला. मात्र, या सोहळ्याला राजकीय संघर्षाची आणि अंतर्गत नाराजीची किनार पाहायला मिळाली.

हेही वाचा – उद्धव ठाकरेंची शिवसेना आणि राज ठाकरेंच्या मनसेमध्ये ‘खोके युद्ध’ सुरु; कारण काय?

चंद्रपूरच्या नवनियुक्त महापौर (BJP mayor) संगीता खांडेकर (mayor Sangeeta Khandekar) यांनी आज अधिकृतपणे आपला पदभार (mayor assumes office) स्वीकारला. राज्याचे ज्येष्ठ नेते आणि आमदार सुधीर मुनगंटीवार (MLA Sudhir Mungantiwar) यांच्या प्रमुख उपस्थितीत हा सोहळा पार पडला. महापालिकेत पुन्हा एकदा भाजपची (Chandrapur municipal politics) सत्ता आल्याने कार्यकर्त्यांमध्ये मोठा उत्साह दिसून आला. दुसरीकडे, उद्धव ठाकरे यांच्या शिवसेनेचे उपमहापौर (Thackeray Sena deputy mayor) प्रशांत दानव यांनीही आपल्या पदाची सूत्रे हाती घेतली.

विशेष म्हणजे, त्यांच्या पदग्रहण वेळी आमदार सुधीर मुनगंटीवार यांच्यासोबतच शिवसेना (उद्धव बाळासाहेब ठाकरे) पक्षाचे जिल्हाप्रमुख संदीप गिऱ्हे यांची उपस्थिती सर्वांचे लक्ष वेधून घेणारी ठरली. चंद्रपूरमध्ये भाजप आणि शिवसेना ठाकरे यांच्यात झालेल्या या अनोख्या युतीमुळे राजकीय वर्तुळात मोठी चर्चा रंगली आहे.

एकीकडे पदग्रहणाचा उत्साह असतानाच, दुसरीकडे भाजपमधील अंतर्गत गटबाजी चव्हाट्यावर आली. आमदार किशोर जोरगेवार यांना या सोहळ्याचे निमंत्रण देण्यात आले नसल्याचा आरोप करत, भाजपच्याच १६ नगरसेवकांनी कार्यक्रमातून बाहेर पडत आपला निषेध नोंदवला. यामुळे सत्तेच्या पहिल्याच दिवशी सत्ताधारी गोटात सर्व काही अलबेल नसल्याचे स्पष्ट झाले आहे. या पदग्रहण सोहळ्याने चंद्रपूरच्या राजकारणाला नवी दिशा दिली असली, तरी अंतर्गत नाराजीचा हा ‘सस्पेन्स’ येणाऱ्या काळात काय वळण घेतो, हे पाहणे महत्त्वाचे ठरेल.