World Air Quality Report 2025 : स्विस वायु गुणवत्ता तंत्रज्ञान कंपनीने (Swiss Air Quality Technology Company) वर्ल्ड एअर क्वालिटी रिपोर्ट (world air quality report) 2025 जारी केला आहे. या रिपोर्टमध्ये भारत जगातील सहावा सर्वाधिक प्रदूषित देश ठरला आहे. या रिपोर्टवरून भारतात प्रदूषण वाढीची समस्या कायम आहे. दिवसेंदिवस वाढणाऱ्या प्रदूषणावर केंद्र सरकारने तात्काळ उपाययोजना करण्याची गरज आहे.

हे ही वाचा: रेल्वेचा प्रवाशांना झटका; परताव्याचा फटका

गाझियाबाद जिल्ह्यातील लोनी हे शहर सर्वाधिक प्रदूषित

2025 मध्ये गाझियाबाद जिल्ह्यातील लोनी हे शहर सर्वाधिक प्रदूषित ठरले, जिथे PM2.5 ची वार्षिक सरासरी 112.5 µg/m³ नोंदली गेली. त्यामध्ये WHO ने ठरवलेल्या मर्यादेपेक्षा सुमारे 22 पट जास्त आहे. जगभरातील राजधानी शहरांमध्ये नवी दिल्लीसर्वाधिक प्रदूषित राजधानी म्हणून पहिल्या क्रमांकावर राहिले, जिथे PM2.5 ची सरासरी 82.2 µg/m³ होती.

भारतातील सर्वाधिक प्रदूषित शहरेair

IQAir च्या या अहवालात 143 देश, प्रदेश आणि भागांतील 9,446 शहरांमधील PM2.5 डेटा दिले आहेत. हा डेटा 40,000 हून अधिक नियामक निरीक्षण केंद्रे आणि कमी किमतीच्या सेन्सरमधून गोळा करण्यात आला आहे. या अहवालानुसार, जागतिक स्तरावर केवळ 13 देश-प्रदेश WHO च्या 5 µg/m³ या वार्षिक मार्गदर्शक तत्त्वांनुसार PM2.5 पातळी राखू शकले, यापैकी बहुतांश लॅटिन अमेरिका आणि कॅरिबियन भागात आहेत.

पाकिस्तान हा सर्वाधिक प्रदूषित देश

2025 मध्ये पाकिस्तान हा सर्वाधिक प्रदूषित देश ठरला, जिथे PM2.5 ची सरासरी 67.3 µg/m³ होती. भारत 48.9 µg/m³ सह सहाव्या स्थानावर राहिला. त्याच्या पुढे बांगलादेश (66.1), ताजिकिस्तान (57.3), चाड (53.6) आणि काँगो लोकतांत्रिक प्रजासत्ताक (50.2) आहेत. जगातील राजधानी शहरांमध्ये New Delhi पहिल्या क्रमांकावर राहिले, त्यानंतर ढाका (बांगलादेश) आणि दुशांबे (ताजिकिस्तान) क्रमशः दुसऱ्या आणि तिसऱ्या स्थानावर होते.