Ashok Kharat Case | नाशिकचा (Nashik) ढोंगीबाबा अशोक खरात (Ashok Kharat) प्रकरणामुळे सगळीकडे एकच खळबळ उडाली आहे. अशोक खरातने अनेक महिलांच्या विश्वासाचा गैरफायदा घेत त्यांचे लैंगिक शोषण केल्याचा धक्कादायक खुलासा झाला आहे. अशोक खरातचे अनेक राजकीय नेत्यांसोबत, उद्योगपतींसोबत चांगले संबंध होते. त्याला भेटण्यासाठी अनेक राजकीय नेते येत होते. यामध्ये रूपाली चाकणकर, दीपक केसरकर, सुनील तटकरे, एकनाथ शिंदे, नीलम गोऱ्हे अशा अनेक नेत्यांची नावे समोर येत आहेत. तर ढोंगी अशोक खरातचा खरा चेहरा आता समोर आला असून नाशिक पोलिसांनी त्याला अटक केली आहे.

हेही वाचा – राजकारणात खळबळ! झिरवळांच्या व्हायरल व्हिडीओप्रकरणी पहिला FIR दाखल, थेट कारवाई कुणावर?

अशोक खरातच्या कार्यालयात कोणत्या वस्तू सापडल्या?

अशोक खरातला अटक केल्यानंतर या प्रकरणाचा तपास नाशिक पोलीस आणि विशष तपास पथक करत आहे. विशेष तपास पथकाकडून या प्रकरणाचा कसून तपास केला जात आहे. सध्या एसआयटीने अशोक खरातच्या कार्यालयावर छापा टाकला आहे. तर या तपासात एसआयटीला खरातच्या कार्यालयात अनेक धक्कादायक गोष्टी सापडल्या आहेत.

उद्या (1 एप्रिल) अशोक खरातला न्यायालयात हजर करण्यात येणार आहे. यापूर्वी विशेष तपास पथकानं खरातच्या कार्यालयावर धाड टाकली. या तपासात अनेक पुरावे एसआयटीच्या हाती लागले आहेत. खरातच्या कार्यालयात एक वही, काळे पेढे, काळी फळे आणि संशयास्पद काही यंत्रही सापडली आहेत. तसेच एसआयटीने तापासाचा भाग म्हणून पीडित महिलेला घटनास्थळी नेऊन क्राइम सीन रीक्रिशएन केला होता, अशी माहिती समोर आली आहे.

ज्या कार्यालयात अशोक खरात महिलांना भूल घालत त्यांचे लैंगिक शोषण करायचा त्या कार्यालयाची कसून तपासणी करण्यात आली. या तपासादरम्यान खरातन कार्यालयाला साऊंडप्रूफ काच आणि दरवाजे लावल्याचं समोर आलं आहे. त्याच्या केबिनमधील आवाज बाहेर जात होता का? आणि त्याच्या केबिनमधील सर्व गोष्टी बाहेरच्यांना दिसत होत्या का? याबाबतही पोलिसांनी शोध घेतला आहे.

दरम्यान, मागील 2 आठवड्यांपासून एसआयटीकडून आणि नाशिक पोलिसांकडून अशोक खरात प्रकरणाचा कसून तपास सुरू आहे. या तपासात अनेक धक्कादायक खुलासे झाले आहेत. यामध्ये महिलांवर लैंगिक अत्याचार, लोकांची आर्थिक फसवणूक, लुबाडलेल्या जमीन जुमला अशा अनेक धक्कादायक गोष्टी समोर आल्या आहेत.