Shravan Month 2026: हिंदू धर्मात श्रावण महिना अत्यंत पवित्र आणि महत्त्वाचा मानला जातो. या काळात भगवान शिवाची पूजा, उपवास आणि विविध धार्मिक विधी केले जातात. मात्र, श्रावणात काही गोष्टी करणे शुभ मानले जाते, तर काही गोष्टी टाळण्याची परंपरा आहे. चला तर जाणून घेऊया याचे महत्त्व आणि नियम.
हिंदू धर्मात श्रावण (Sawan 2026) महिन्यात विशेष धार्मिक महत्व आहे. भगवान शिवाची उपासना, उपवास, व्रत आणि विविध धार्मिक विधींसाठी हा महिना अत्यंत पवित्र मानला जातो. श्रावणातील प्रत्येक सोमवार शिवभक्तींसाठी विशेष असतो. यंदा श्रावण महिना कधी सुरू होणार, या काळात कोणती पूजा करावी आणि कोणत्या गोष्टी टाळाव्यात, जाणून घेऊया.
हेही वाचा: बिअरच्या बाटल्या हातात अन् भरधाव कारमधून स्टंट; पुण्यातील VIDEO पाहून पोलिसांची धावपळ
यंदा कधी सुरु होणार श्रावण महिना (Shravan Date)
पंचांगानुसार, यंदा श्रावण महिना १३ ऑगस्ट २०२६ पासून सुरू होणार असून ११ सप्टेंबर २०२६ रोजी समाप्त होईल. या काळात भगवान शिवाची आराधना (Lord Shiva) करण्यासाठी भाविक मंदिरांमध्ये गर्दी करतात. शिवलिंगावर जलाभिषेक, दुग्धाभिषेक आणि बेलपत्र अर्पण करण्याची परंपरा आहे.
श्रावणातील सोमवारांना विशेष महत्व असल्याने अनेक भाविक या दिवशी उपवास करतात. तसेच महिलांमध्ये मंगळागौरीच्या व्रताचीही विशेष श्रद्धा आहे.
या महिन्यात किती सोमवार आले आहेत? (Shravan Somwar)
१७ ऑगस्ट २०२६ – पहिला सोमवार – शिवामूठ तांदूळ
२४ ऑगस्ट २०२६ – दुसरा सोमवार – शिवामूठ तीळ
३१ ऑगस्ट २०२६ – तिसरा सोमवार – शिवामूठ मूग
०७ ऑगस्ट२०२६ – चौथा सोमवार – शिवामूठ गहू
श्रावण महिन्यात काय करावे? (what to do)
भगवान शिवाची नियमित पूजा करावी.
शिवलिंगावर पाणी आणि बेलपत्र अर्पण करावे.
‘ॐ नमः शिवाय’ या मंत्राचा जप करावा.
सोमवारच्या दिवशी आपल्या श्रद्धेनुसार उपवास करावा.
गरजू व्यक्तींना अन्न, वस्त्र किंवा इतर आवश्यक वस्तूंचे दान करावे.
घर आणि पूजेची जागा स्वच्छ ठेवावी.
शक्य असल्यास मंदिरात जाऊन शिवदर्शन घ्यावे.
मंगळागौरीचे व्रत करणाऱ्या महिलांनी विधीपूर्वक पूजा करावी. LS Marathi youtube channel
श्रावणात काय टाळावे? (avoid during the holy month)
श्रावण महिन्यात काही पदार्थ आणि कृती टाळण्याची धार्मिक परंपरा आहे. अनेक कुटुंबांमध्ये या काळात सात्त्विक आहार घेण्यावर भर दिला जातो.
मांसाहार आणि मद्यपान टाळावे.
आपल्या कुटुंबाच्या धार्मिक परंपरेनुसार कांदा-लसूण वर्ज्य करावा.
विनाकारण वाद, भांडण आणि राग टाळावा.
कोणाबद्दलही अपशब्द किंवा वाईट बोलणे टाळावे.
अति तेलकट आणि जड पदार्थांचे सेवन कमी करावे.
उपवास करताना आरोग्याकडे दुर्लक्ष करू नये.
उपवास करताना आरोग्याचीही काळजी घ्या
कोणी विशेष काळजी घ्यावी? (Shravan Fasting Rules and Health Tips)
उपवास करताना पुरेसे पाणी पिणे आणि शरीराला आवश्यक पोषण मिळणे महत्त्वाचे आहे. गर्भवती महिला, लहान मुले, ज्येष्ठ नागरिक किंवा कोणत्याही आजाराने त्रस्त असलेल्या व्यक्तींनी उपवास किंवा आहारात मोठा बदल करण्यापूर्वी डॉक्टरांचा सल्ला घ्यावा.
