Navratri 2026: घटस्थापनेपासून दसऱ्यापर्यंत... नवरात्र 2026 चे संपूर्ण पंचांग जाणून घ्या; कोणत्या दिवशी कोणत्या देवीची पूजा?

घटस्थापनेपासून दसऱ्यापर्यंत… नवरात्र 2026 चे संपूर्ण पंचांग जाणून घ्या; कोणत्या दिवशी कोणत्या देवीची पूजा?

Navratri 2026 : शारदीय नवरात्रीच्या उत्सवाला लवकरच सुरुवात होणार आहे.

यंदा ११ ऑक्टोबरपासून नवरात्रोत्सव (Navratri 2026) सुरू होणार असून २० ऑक्टोबरला विजयादशमी म्हणजेच दसरा साजरा केला जाईल. घटस्थापनेचा शुभ मुहूर्त, नऊ दिवस कोणत्या देवीची पूजा केली जाणार आणि अष्टमी- नवमीसह.महत्त्वाच्या तारखा जाणून घ्या.

शारदीय नवरात्रीच्या (Sharad Navratri 2026) उत्सवाची भक्तांना आतुरता लागली आहे. नवरात्रीचे नऊ दिवस (Navratri Panchang 2026) देवीच्या विविध रूपांची आराधना केली जाते. यंदा नवरात्रीची सुरुवात नेमकी १० की ११ ऑक्टोबरला होणार, याबाबत संभ्रम आहे. हिंदू पंचांगानुसार याची तिथी आणि घटस्थापनेचा मुहूर्त जाणून घेणे महत्वाचे आहे.

हेही वाचा: ‘नाद नाही करायचा माझा’; पूर्णेकर प्रकरणावर सुषमा अंधारेंचा इशारा, नितेश राणेंवर जोरदार टीका

११ ऑक्टोबरला नवरात्रीचा पहिला दिवस

पंचांगानुसार अश्विन शुक्ल पक्षातील प्रतिपदा तिथी १० ऑक्टोबरच्या रात्री ९ वाजून १९ मिनिटांनी सुरू होईल आणि ११ ऑक्टोबरच्या रात्री ९ वाजून ३० मिनिटांनी समाप्त होईल.

उदय तिथीचा नियम लक्षात घेतल्यास यंदा ११ ऑक्टोबर २०२६ रोजी नवरात्रीचा पहिला दिवस मानला जाणार आहे. याच दिवशी देवीची स्थापना करून नऊ दिवसांच्या उत्सवाला सुरुवात होईल.

घटस्थापनेसाठी शुभ वेळ कोणती?

नवरात्रीच्या पहिल्या दिवशी म्हणजेच ११ ऑक्टोबरला घटनस्थपना केली जाईल.

घस्थापनेचा शुभ मुहूर्त सकाळी ६ वाजून ३२ मिनिटांपासून ते १० वाजून २६ मिनिटांपर्यंत आहे. या वेळेत पूजा करणे शक्य नसल्यास दुपारी 12:02 ते 12:48 या अभिजीत मुहूर्तातही घटस्थापना करता येऊ शकते. स्थानिक सूर्योदय आणि पंचांगानुसार मुहूर्तात काही फरक असू शकतो, त्यामुळे आपल्या शहरानुसार पंचांग पाहणे योग्य ठरेल.