राष्ट्रपती द्रौपदी मुर्मू यांच्या हस्ते नाशिकच्या रामकुंडावर महाध्वजारोहण सोहळा पार पडला.
१२ वर्षांनंतर होणाऱ्या सिंहस्थ कुंभमेळ्याच्या पार्श्वभूमीवर नाशिकमध्ये धार्मिक कार्यक्रमांना सुरुवात झाली.
- मंत्रोच्चार, पूजाविधी आणि भक्तिमय वातावरणात पार पडलेल्या सोहळ्यामुळे कुंभमेळ्याच्या तयारीला वेग आला.
Nashik Kumbh Mela : तब्बल १२ वर्षांनंतर नाशिकमध्ये सिंहस्थ कुंभमेळ्याच्या पार्श्वभूमीवर ऐतिहासिक धार्मिक सोहळा पार पडला. राष्ट्रपती द्रौपदी मुर्मू यांच्या हस्ते रामकुंडावर महाध्वजारोहण करण्यात आले. मंत्रोच्चार, धार्मिक विधी आणि भक्तिमय वातावरणात पार पडलेल्या या सोहळ्याने कुंभमेळ्याच्या तयारीला विशेष महत्त्व प्राप्त झाले. काय आहे या महाध्वजारोहणाचे धार्मिक महत्त्व?
नाशिकच्या कुंभनगरीत सिंहस्थ कुंभमेळ्याच्या निमित्ताने आज भक्तिमय आणि मंगलमय वातावरण पाहायला मिळाले. राष्ट्रपती द्रौपदी मुर्मू (Droupadi Murmu) रामकुंडावर दाखल झाल्यानंतर धार्मिक विधींना सुरुवात झाली. ध्वजारोहणापूर्वी राष्ट्रपतींच्या हस्ते होम-हवन आणि पूजाविधी पार पडले. त्यानंतर दुपारी १२ वाजून २ मिनिटांनी राष्ट्रपती द्रौपदी मुर्मू यांच्या हस्ते महाध्वजारोहण करण्यात आले. यावेळी मुख्यमंत्री देवेंद्र फडणवीस, दोन्ही उपमुख्यमंत्री, राज्यातील अनेक मंत्री आणि अन्य मान्यवर उपस्थित होते. संपूर्ण सोहळा अत्यंत भक्तिभावात आणि मंगलमय वातावरणात पार पडला.(Nashik Simhastha Kumbh Mela)
रामकुंडावर राष्ट्रपतींच्या हस्ते धार्मिक विधी
राष्ट्रपती द्रौपदी मुर्मू रामकुंडावर दाखल होताच धार्मिक विधींना सुरुवात झाली. महाध्वजारोहणापूर्वी त्यांच्या हस्ते होम-हवन आणि पूजाअर्चा करण्यात आली. मंत्रोच्चार आणि धार्मिक विधींमुळे रामकुंड परिसरात भक्तिमय वातावरण निर्माण झाले होते. त्यानंतर निश्चित मुहूर्तावर दुपारी १२ वाजून २ मिनिटांनी राष्ट्रपतींच्या हस्ते महाध्वजारोहण करण्यात आले. या सोहळ्याच्या निमित्ताने त्र्यंबकेश्वर येथेही धार्मिक कार्यक्रमांचे आयोजन करण्यात आले होते. (Ramkund Mahadhwajarohan) मुख्यमंत्री देवेंद्र फडणवीस यांच्या हस्ते कुशावर्त घाटावर धार्मिक विधी पार पडले. तर राष्ट्रपती द्रौपदी मुर्मू यांच्या हस्ते नाशिकच्या रामकुंडावर पूजाविधी आणि महाध्वजारोहण करण्यात आले. त्यामुळे नाशिक आणि त्र्यंबकेश्वर या दोन्ही तीर्थक्षेत्रांमध्ये एकाच वेळी आध्यात्मिक उत्साहाचे वातावरण पाहायला मिळाले. (LS Marathi)
१२ वर्षांनंतर नाशिकमध्ये सिंहस्थ कुंभमेळ्याचा आध्यात्मिक सोहळा
नाशिक आणि त्र्यंबकेश्वर येथे सिंहस्थ कुंभमेळ्याच्या निमित्ताने तब्बल १२ वर्षांनंतर हा महत्त्वाचा आध्यात्मिक सोहळा पार पडत आहे. या पर्वाच्या निमित्ताने राज्याचे मुख्यमंत्री, दोन्ही उपमुख्यमंत्री, अनेक मंत्री आणि देशाच्या राष्ट्रपतींची प्रमुख उपस्थिती लाभली. त्यामुळे या कार्यक्रमाला विशेष महत्त्व प्राप्त झाले आहे.कुंभनगरीमध्ये श्रद्धा आणि ऐतिहासिक परंपरेचा संगम कुंभनगरीत झालेल्या या सोहळ्यामुळे नाशिककरांमध्ये उत्साहाचे वातावरण पाहायला मिळत आहे. रामकुंड आणि त्र्यंबकेश्वर परिसरात धार्मिक विधी, मंत्रोच्चार आणि पूजाअर्चेमुळे आध्यात्मिक वातावरण निर्माण झाले. आगामी सिंहस्थ कुंभमेळ्याच्या पार्श्वभूमीवर आजचा महाध्वजारोहण सोहळा नाशिकच्या धार्मिक आणि सांस्कृतिक परंपरेतील महत्त्वाचा क्षण ठरला आहे. (Religious Ceremony)
